JEREMIAH 42:5 - DAÜLANGPÜ LAIHING (BSI)

⁵ Hahepak kü jomphongi Jeremiah kü, “Shembüpa, nüngei Kahvangi nüng homei ham kü shompü shah aimü hami nedükjema, ham khüei Shembüpayü shahhing hatü hingshangpü denbü vaikahen.

JEREMIAH 42:5 Referans Kwoze

KAHBHAO 31:50

Nüngi ngelei yiükha nyi kü nemei-i dükjü nevaijü jiji mü lenei shao nyüha yahjü ngei ha nenyingjao Kahvangü ji aa kü denbü shei deih-ei dangtuh” shei e.

SHAHPHENBÜTHÜ 11:10

Gilead am mübüthüi jangei, “Shembüpayü jen aa kü denbü nyukahen, hatü nüngi epükei hamphongi dükhen” shei e.

SHAKEI VAMPÜ 3:14

Laodikea kübü attoi leipü phongshan kü nyangtuh: Hathüyü Amen, hingshangpü hatü shahhing denbü, Kahvangi lingpü kü vanglem lembülei shahthü:

SHAKEI VAMPÜ 1:5

hatü Jisu Khrista, shahhing denbü, dipü kübü shongei bühpü, hatü kahdoknyü ongthü shak kü vanglem lembü leipü am touei phahji hatü büpa leipü chingmei nyute. Üpai jen kü bamnya hatü büpalei iy homei jenei mang kübü bümei leihü,

MALAKI 3:5

Hanangkü shahphenhen shingvaishi ngei am yopailei peikahen. Phongyompüthü, mükbongjuyungpüthü, shahshem denbüthü, nang shapü kü nanglat shuohhen kü doiteipüthü, vaümnyü hatü hashihha kü, hatü kung shennyak kü depünaampüthü khüei ngei lomi denpü shuohhen, shejao am payü ngei kü tenyem shei Shembüpa Kahvangi enyüke.

MALAKI 2:14

“Büpai mehekei neyahnya?” shei ammi phenyüke. Mehenangkü am nethe hepak ammei nyüha mü lahtükpü mangtük. Pinnyü ammei nyüha nyuteke, hatü ammi pinnyü mü jiüshangi nyuhen shei Kahvang toumü lahtükpü shaitükteke.

MIKA 1:2

Bangtuh, Oh jatli nanglakthü peü, Bangtuh, Oh am kahdok shak kü nyupüthü peü, Jeiyong Shembüpai am khüei denpü shuohhen, Shembüpai büpalei daülangpü moila shem kübü enyüke.

ROM SHAHSHA APPÜ 1:9

Düngei ngei phoppü kü nedoh-i am deihei dangpü ngelei denbüyü büpalei Ha jung shahjangmei chongvenpü ngelei laanghai chongphopü Kahvang nyüpeih.

JEREMIAH 5:2

Jomi, “Vanyangyem Shembüpa nyüpeih” shei ejao shahshemi lahnyüke.

1 SAMUEL 20:42

Jonathani David kü, “Meishi daituh; mehenangkü ji Shembüpalei men kü, ‘Ji aa kü hatü jiei hühihathü aa kü düngei Shembüpayü denbü vaihen’ shei lahteitükteke” shei e. Hapheikü David lüdai, hatü Jonathan chingei aongdai.

1 SAMUEL 12:5

Samueli jomphong kü, “Ngei kü meheyao ten neshiü shei ammi eeteke; Shembüpa, hatü büpai jepü ongpa nyiyü am touei denpü nyüke. Jomi, ‘Hih,’ büpayü denpü” shei e.

MÜLANGPÜ 20:19

hatü Mosa kü, “Nüngi-üng hamphong keyü eshih, hatü hami bangshah, shejao ham kü Kahvangi nyemte-epha, hei nevaijema, ham dihen khih” shei eteke.

MÜLANGPÜ 20:7

Ammi ngei, Shembüpa, ammei Kahvangei men angkü tenotei; mehenangkü ngei, Shembüpai büpalei men jiüjiükei noteipü kü hanghi shuohhen.

JEREMIAH 43:2

Hoshaiahlei cheha Azariah, Kareahlei cheha Johanan hatü ie kü neshihpü shennyakthü peüi Jeremiah kü, “Nüng shahshem enyüke! ‘Am Ijiplei nyunüng teyiü’ shei ehen Shembüpa, jenei Kahvangi nüng neshomangpih.

JEREMIAH 43:4

Hanangkü Kareahlei cheha Johanan hatü veshan lakchongbüthü peü hatü nanglak peüi Judah kahdokei nyuhen epü kü Shembüpalei shah nebangi lei.

JEREMIAH 42:20

am longi pungteke shei nyingtuh. Mehenangkü ammi ngei Shembüpa, ammei Kahvang touei, ‘Ham shingvaishi Shembüpa, hamei Kahvang kü phopshih, hatü Shembüpa, hamei Kahvangi mehe ehen, ha hami dükhen’ shei eshi shomteke.