21 Hanangkü ngei shinnyih am kü eteke, shejao büpai ngei shomei am kü epü Shembüpa, ammei Kahvangei shah meheyao nebangang.
Jomi bangjao nebangjao nüngi jomphong kü ngelei shahthü eyeishuoh; mehenangkü jomphongü khüei yaongpü jatli.
Am kü sheühhen kü lemhükao shümei netuhlangi am kü shahjangmei ngaiheyei nyuh-ei shem shem leiyao nyutepih.
“Shennyak ha, ngei nüngü Israel jat kü yombü leihüteke; hanangkü ngei epü shah bangtuh hatü jomphong kü ngelei shahvüng shuohtuh.
Shinnyih hamü omei nyupü üpaiyao hapa lappü dantüktü laophülei mong vaanei, ngei mongpü lem kü longteijao meihen shei tedeih. Hapai am nemeipü hatü meipü peü aihük mü lomohhen.
Mechem Shembüpai nanglakthü kü etuh shei büpa shompü Shembüpa, jomei Kahvangei shahthü lemphü Jeremiah-i eyei kempa,
Hanangkü Kareahlei cheha Johanan hatü veshan lakchongbüthü peü hatü nanglak peüi Judah kahdokei nyuhen epü kü Shembüpalei shah nebangi lei.
Veituh, shinnyih ngei ammi jehen shingvaishi ten nevaijü mei, hatü yangnyuyem nevaijü dipü tuhphünyeih.
Shinnyih ngei vangsho hatü kahdok kü am nangkü denpü vaihen nyüknyeih; ngei am touei yangnyuyem hatü dipü, moihiman hatü thaüvaü tuhphünyeih. Am hatü ammei hapeüthü yemmü nyuhen shingvaishi yangnyuyem jetuh,
Hanangkü ngei jom kü jomi mongpü dükhen vaanpü mongdang shuohpeih.
Hanangkü jomi Shembüpalei shah nebangi Ijiplei yiü hatü Tahpanhes ngoiteke.
Jomphongi nüng touei düngei peiteipükei peinyüke, hatü nüngi epü banghen nüng touei uonyüke, shejao jomi dou leiyei nedüknyu. Jui mon jom vaipü enyüke, shejao jomei mongdangü mop nempai maei nyüke.
Jom shingvaishi nüngü ünghinyah meishi harp meishi vüngei maibong kesho lokteipü shennyak hük leshi nyüke, nüngi mehe e, jomi ha banghahnyüke, shejao dou leiyei nedüknyu.