JEREMIAH 42:2 - DAÜLANGPÜ LAIHING (BSI)

² Jeremiah thibü kü, “Chingmeilemlingei hami phepü kü nüngi banglangshih hatü Shembüpa, nüngei Kahvang kü aoei nyupü nanglakthü shing phopshih. Nüngiyao shaang eenyüke, chemü ham longi nyupeih, shejao shaang maani mon aoei nyüke.

JEREMIAH 42:2 Referans Kwoze

JEREMIAH 36:7

Üpai nyingpa, Shembüpalei mongshih longpü hapa nanglak khüei shuohhen shei baongpü nangkü jomi Shembüpa touei mang lah-ei jom mang lem kübü mong lepei leikahen aokpeih” shei e.

LEVI 26:22

Ngei am touei meishih nyahmang shuohhen, hatü ammei hapeüthü hatü yemhimakthü hahtükhen, hatü am nanglak ajüki mon leihühen,

JAKOB 5:16

Hanangkü hüki hük shing phopteituh, shejüang am meihen. Daülangpüthüi phoppü kü ngan hatü wong kohshi nyüpeih.

PHONGSHANTHÜ DOU 8:24

Simoni, “Nüngi shaang epü meheyao ngei kü nedhaümhen Shembüpa kü ngei shingvaishi phopshih” shei jangei e.

YOUNG LAI 1:1

Chemü shennyak maei nyupü chingnyü, shaang mekei lavüngtoidaipa! Pinnyü chemü jatthü peü mü longpü vaihampü, shaang mekei vaümnyü kei leidaipa! Pinnyü chemü ongchingthü shak kü onglanyü vaihampü shaangü aa leidaiteke.

ISAIAH 37:4

Assyria ongpai büpalei veshan mübü shomei vanyangyem Kahvang kü eelapü büpai danei nyüke; Shembüpa, nüngei Kahvangi ha shahthü danei hanghi nyemshuoh. Hanangkü shaang yangei aoei nyupüthü shingvaishi phoptuh” shei e.

ISAIAH 1:9

Shembüpai jen hanei dangkao yangei netuhlangmeyü, jenü Sodom hatü Gomorrah am kei nyuhah shepeih.

1 SAMUEL 12:19

Nanglakthü peüi Samuel kü, “Shembüpa, nüngei Kahvang kü nüng chongphobüthü nedihen shangmü phopeishuoh, ham shing ong hük yüpai hamei mangthü kü shao ühahpü khih” shei e.

1 SAMUEL 7:8

Israel ami Samuel kü, “Ham nangkü leneiwongpü tedohdai; hatü büpai ham Philistia amei lak kübü yanghen phopshih” shei e.

JEREMIAH 37:20

Shejao shaang ngelei shembü, ongpa, nüngi chingmeilemlingei ngei khümei epü kü banglangshih. Ngei nüng kü khümei ha enyeih: Ngei laknyangbü Jonathanei shemei dihen mü büpalei shemei nyokei teleishih.

JEREMIAH 37:3

Zedekiah ongpai Jeremiah touei hapa shahjang koei Shelemiahlei cheha Jehukal mü Maaseiahlei cheha Zephaniah ngongpa shom: “Hamphong shing chingmeilemlingei Shembüpa, jenei Kahvang kü phopshih.”

1 ONGPATHÜ 13:6

Jeroboam ongpai hapa Kahvang shennyak kü, “Shembüpa nüngei Kahvang kü ngelei lak meihen shingvaishi phopshih” shei e. Hanangkü hapa Kahvang shennyaki Shembüpa kü phop, hatü ongpalei lak sheleipü keiha meidai.

SHAHKÜP 28:62

Amphong vangsho lithilen kei daeisheyei nyulangmao maani mon yemmü aohen; mehenangkü amphongi Shembüpa, ammei Kahvangei shah nebang.

MÜLANGPÜ 8:28

Hanangkü Pharaoh-i, “Jahpanei Shembüpa, ammei Kahvang kü jakpü moila shuohhen ngei am leishihhen, shejao am longi taishi nedaihen vongbong. Shaang ngei shingvaishi phopshih” shei e.

MATHI 24:22

Hathü nyih shoh-ei neleilangmeyü üpayao neyangaokhen vaipeih, shejao jelangpüthülei men kü hapa nyih Kahvangi shohtükpeih.

EZEKIEL 12:16

Shejao jom daipü jatthü kü jomi dükpü jiühitpü douthü jung ejahen shingvaishi ngei jom hanei yanlu, shaühile hatü chamhilem kübü yangei tuhhen. Shejüang jomi ngeiyü Shembüpa shei nyinghen.

JEREMIAH 42:20

am longi pungteke shei nyingtuh. Mehenangkü ammi ngei Shembüpa, ammei Kahvang touei, ‘Ham shingvaishi Shembüpa, hamei Kahvang kü phopshih, hatü Shembüpa, hamei Kahvangi mehe ehen, ha hami dükhen’ shei eshi shomteke.

JEREMIAH 21:2

“Chingmeilemlingei hamei men kü Shembüpa kü phekütuh; mehenangkü Babylon ongpa Nebukadnezzari ham khüei vehok pangkünyüke. Üpai nying, Shembüpai peihdaipü hepak kü dükpükei, shaangao yashanyale dou dükjü büpa ham toueipü leidaiphahen aokpeih” shei e.

ISAIAH 1:15

Mechem ammi lak haongei phophenshang ngei am toueipü ngelei dhe jolanghen; Ngei am phoppü kü nebanghen; ammei lak iy mon maei nyüke.

1 SAMUEL 12:23

Nyeinya vaishi, ngei nangkeyü am shingvaishi nephoppü nangkü shei Shembüpa touei ngei mang nethahpih, hatü ngei am kü meipü, hatü jiüpü lem huphahen.

SHAHKÜP 4:27

Am maani mon tuhphongtü kemei lebü jatthü touei haitükhen.

MÜLANGPÜ 9:28

Shembüpa kü phopeishuoh! Mehenangkü vangmuk khungpü ngeü hatü shüyaongi madaiteke; am hajük kü halei nyuhen nadang neshiü; ngei am deishihhen hih” shei eteke.

JEREMIAH 15:11

Shembüpai eteke: Hingmei ngei nüngü mükhong meipü shingvaishi yanghen; hingmei ngei nüngei vepathü vongshüh pongpü hatü shanghahpü hepak kü nüngi phopshuohhen.

JEREMIAH 38:14

Hapheikü Zedekiah ongpai Jeremiah thibü nyüknüng deishih-ei phopshem kü jempabü shaden touei müei leitü ongpai Jeremiah kü, “Ngei nüng kü lemhük phehen hih; nüngi ngei kü meheyao tejolang” shei e.

JEREMIAH 40:15

Hapheikü Kareahlei cheha Johanani Mizpahlei Gedaliah touei joei peiyei, “Ngei daiyei Nethaniahlei cheha Ishmael jütükshah, üpaiyao ha nenyingpih. Mehekei büpai nüng jühenang hatü nüng shonei nyupü Hebrew am yanhen hatü Judahlei aoei nyupüthü mahhenang?” shei e.

HOSEA 8:10

Jomi laophü nyingi jatthü kü yutüklangmao, shaang ngei jom thailanghen. Mechem Assyria ongpai jom kü shüveihen, lomi jom tüngpai hangha yüpteihen.

AMOS 7:2

Mechem jomi kahdok kübü phenha cha-ei hahtüki eepa, ngei eteke, “Jeiyong Shembüpa, mang tükshih! Mekei etü Jakob yemmü nyuaokhen? Jomü ahshi-üng maanpü am nyüke!”

SHAHKÜP 28:63

Shembüpai am dahüshehühen mongongpü keiha büpai am mahtükhenao mongonghen. Amphongi yahhen kahdok kübü am bhitükhen.

MENVIH KESHO 119:170

Ngei phoppü nüng touei peihütuh; nüngi lahpü aimü ngei yangtuh.

ISAIAH 42:20

Amphongi douthü longi eeteke, shejao ha nyingei neyahnyu; danhen dhaong kohshi nyüke, shejao meheyao nedannyu.

JEREMIAH 2:27

Ammi pü kü, “Nüngü ngelei pa”, hatü yaong hük kü, “Nüngi ngei bühpeih” shei enyüke. Mehenangkü ngei kü jomei dhe nevai, jomei ngaümphei lepei hunyüke. Shejao shanghahpü hepak kü, “Peiyei ham yangshih” shei enyüke.