JEREMIAH 42:18 - DAÜLANGPÜ LAIHING (BSI)

¹⁸ Jeiyong Shembüpa, Israel Kahvangi hapakei enyüke: Ngelei mongshih Jerusalemei nyupüthü kü khüpshuohpü keiha, mechem am Ijiplei yiüei nyuhen ngelei mongshih khüpphahen. Amphongü thaüvaütükpü dou, nyembenüng, eela hatü yaüeilungtükpü dou leihen. Ammi hapa shing sheyü ne-eehen.

JEREMIAH 42:18 Referans Kwoze

JEREMIAH 7:20

Hanangkü Shembüpai hapakei enyüke: Ngei mongshih hatü lohpü hapa shing, hangkuthü, yemhimakthü, pühivungthü hatü betjükvungjük kü khüpeilanghen; hapa kü aw bahhen hatü ha nemethen.

JEREMIAH 29:18

Ngei jom kü yan, münghishaü, hatü chamhilemi changhen, hatü melei ngei jom shomhen hatouei jomü kahdoknyü ongchingthü peü touei jiühitbenüng, thaüvaütükpü dou, nyembenüng, eelanyongnya leihühen;

JEREMIAH 18:16

Jomi jomei kahdokü nyembenüng leitüknyüke, den kü jiühitbenüng dou leitüknyüke. Ha peih-ei daipüthü peüi nyemnyüke, hatü ngaüm dhinyüke.

JEREMIAH 44:12

Ijiplei yiüei nyuhen shei tempü Judah am aopü nanglakthü peü ngei yah-ei daihen; jom peü Ijiplei mahhen; jom peü yani nevaijü chami dihen. Jomphongü thaüvaü, nyembenüng, eelanyongnya ne-ienelem dou kei leidaihen.

JEREMIAH 24:9

Ngei jomü kahdoknyü jatthü peü touei nyemhübenüng, mang dou leihühen, ngei metouei jom changei deishihhen, halei jomü peüi yaüpülungpü, mihnyi pü, eelanyongnya dou hatü thaüvaüthemthe leihühen.

JEREMIAH 22:27

Nüng hapa kahdokei nyokei leihüei deihjao nyokei neleiaokhen.”

ISAIAH 65:15

Ammei menü ngei jepüthüi thaüvaüteihen shingvaishi tuhphonghen, hatü Shembüpa Kahvangi am dihühen; shejao büpa chongphopüthü kü büpai lebü men shuohhen.

SHAKEI VAMPÜ 14:10

jomphongao Kahvang mongshihpü yiü yung nevuki büpalei phongshanei pati kü shihpü yinghen, hatü jomphongü büpalei daülangpü vangsho phongshanthü hatü Mi Cheha touei aw hatü awkaong meli bahpü shingei shukhen,

ZEKHARIAH 8:13

Oh Judah hatü Israel phang, jatthü khongkü am thaüvaütükpü jat nyuteke, shejao ngei am yanghen, hatü amü moihimanpü hük vaihen. Tenyem, shejao monglongtuh.”

NAHUM 1:6

Büpa mongshihjü üpa yaongaokhenang? Büpa nemei-i mongshihpü üpai nenaokhenang? Büpa mongshihpü awlom kei vamnyüke; büpa tou kü yaongnyüthüao bhihla kei nihdainyeih.

DANIEL 9:27

Hapa ongpai hapta hük shingvaishi shennyak longi mü vangpüshuwpü linghen hatü hapa hapta hükkei shing daishi büpai jakpü moila hatü moilathü dohtükhen; hatü hathü shing nangjeiyei benpülangpü shuohpübai büpa shing temtükpü dohpütenpü mangngoi thahshi Phopshemei jiühitnalaibenüng tuhhen.

DANIEL 9:11

Israel am peüi nüngei shahkungnyü kü pungteke, hatü nüngei shah nebanghahhüei lemnyong kü lüdai. Hami nüng khüei mang thahpü nangkü nüng chongphopü Mosa homei shuohpü shahkungnyü kü nyangei nyupü thaüvaü kemei ham kü hetteke.

EZEKIEL 22:22

Awbhaongei nyiam nyaüpü keiha am halei nyaühen, shejüang ngei, Shembüpai am kü ngelei mongshih khüpphopü khih shei ammi nyinghen.”

YOUNG LAI 4:11

Shembüpai mongshih wong kempai mongshih anei büpai Zion kü aw bahhü, hatü hapalei chongnyiam hahtük.

YOUNG LAI 2:4

Büpai ham kü vepai kei lahhani kap; büpalei lakdah-i vepai kei ham kü kapteke. Ham monghampüthü kemei büpai jütük; Zion nelalei ashakshem kü büpai aw kei mongshih bahhü.

JEREMIAH 29:22

Jom nangkü Judah am Babylon wüpküpei nyupüthü peüi hapa thaüvaü shah noteihen, ‘Babylon ongpai Zedekiah hatü Ahab nyi aw kü jaktükpükei Shembüpai am kao dükphahen.’

JEREMIAH 26:6

ngei hapa shemü Shiloh kei leitükhen, hatü hapa chingnyü-ü kahdok shak kübü jatthü khongkü thaüvaütükpü dou hük leitükhen.

JEREMIAH 25:9

ngei apshaphi leipü jatthü Babylon ongpa Nebukadnezzar, ngelei chongphobü, hapa kahdok hatü halei nyupüthü hatü ha kü shinei nyupü jatthü khüei müei peihen; ngei chemjalak kü hathü mahtükhen hatü jomü nyemhübenüng dou, eelanyongnya hatü nedohnetenpü veüpong leihühen.

JEREMIAH 6:11

Shejao ngeiyü Shembüpalei mongshih-i maei nyüpeih; ngei ha kopai nyiudaitü nyüpeih. Chingyangshongei hashihthü kü, hatü nethethü thaipüyupü kü ha khüpeishuoh; Nyühipa nyiphen yah-ei lüdaihen, viünyü viüpa kemei deilanghen.

2 SHÜPPÜKENGPÜ 34:25

Mehenangkü jomphongi ngei yakphong hatü lebü kahvangthü kü moila shuohpai jomi dükpü doui ngei mongshih vamhüteke; ngelei mongshih hapa shing kü khüphühen hatü hapa nedohhen.

BHEI-IE 5:27

Hapa nyüha mih mü mükbongjuyungei chepaha mü shahhing ne-epü vaijema, mechem pinnyüi thaüvaü kohpü shahyak yung yinghenshang, ha pinnyülei büm kü shühen hatü mangshi tünghen; pinnyülei vom poukhen hatü naü uoshing jepdaihen, hatü laophülei nanglak khongkü thaüvaütükpü nyüha leihen.

ISAIAH 30:3

Shejao Pharaoh-i am yangpü kü am veühen, Ijip amei dhüm kü loipü kü am maanpü leihen.

JEREMIAH 23:40

Mechemao nebehen nedohnetenpü mongmang, hatü veüpong ngei am touei koei peihen.

JEREMIAH 33:5

Hanei am Babylon am khüei hokhen peikahen, hatü ngei mongshihpai jüpü shennyakthülei mahmahngi hathü mahühen, mehenangkü jomi dükpü mang nangkü ngelei dhe hapa chingnyü leipü jodaipeih.

JEREMIAH 44:6

Hanangkü ngelei mangpü mongshih bhuei vampeih hatü hapai Judah jilathü hatü Jerusalem chingyangshong kü bahhüpeih, hatü shinnyih nyupü keiha lavüngtoiyei leitükpeih.”

JEREMIAH 44:8

Ammei lakdoui hatü am nyupü Ijip kahdokei lebü kahvangthü kü moila shuoh-ei mehekei ngei mongshihhünya? Am laophü nying mahhen, hatü kahdoknyü jatthü peü touei thaüvaü hatü eelatükpü dou hük leihen.

JEREMIAH 44:22

Shembüpai ammi dükpü mang dou hatü jiühitbenüng douthü nenenaokpü nangkü ammei kahdokü lavüngtoiyei shennyak nenyu-i thaüvaü dou hük shinnyih thahshi leitükpeih.

EZEKIEL 20:34

Ngei amphongü lebü nanglakthü khong kübü tukei ngaihen hatü kahmükthülei haidaipü ngelei laklu wong longpai mongshihpai thaiyei leihen;

YOUNG LAI 2:6

Büpai pe hük keiha büpa khümshing, hatü büpalei ashakshem nihtük; Shembüpai Zion kü mohitap, hatü Sabbath dohtük; Büpa mongshihpai ong hatü ngongpa chemi yaktükkem.

HOSEA 7:16

Jomi nanglei neshiüpü lemei lepdainyüke; Jomü mangdaipü lah keiha nyüke; jom changmei shah epü nangkü jomei mübüthü yani mahhen, Ha eeyei Ijip ami nyiteihen.”