JEREMIAH 42:14 - DAÜLANGPÜ LAIHING (BSI)

¹⁴ hatü ‘Anyoh, ham Ijip kahdokei leiyei vehok hatü vehok amit ngeü nedanpü, nevaijü aeipülepü neshiüpü shingei leidaihen’ shei ejema,

JEREMIAH 42:14 Referans Kwoze

JEREMIAH 41:17

Jom Ijiplei dailem yemei Bethlehem yopailei Geruth-Kimhamlei yaongteke.

JEREMIAH 4:19

Ngelei mongshang, ngelei mongshang! Mongdang bhaohen mü tüngnyüke! Oh, ngelei mong kü mongshang! Ngelei mongdang tuknyüke, hatü ngei nenmü nenyuaoknyu. Mehenangkü ngei amit vüngpü dannyüke, hatü thep nyükpü ngei dannyüke.

JEREMIAH 4:21

Meshük lushi ngei vehok vampü eehen? hatü amit vüngpü ngeü danhen?

ISAIAH 31:1

Üami Ijiplei sheühpü yemei yiünya, üami koyeithü kü mong nyangnya, üami koyei kharithü kü monglemnya, hatü koyei veshanthü khong kü monglemnya, shejao üami daülangpü Israel Kahvang kü neveinya, nevaijü SHEMBÜPAleipü sheühpü neyemnya, onyükei.

MÜLANGPÜ 16:3

Israel ami jijinyi kü, “Ijip kahdokei nyuyaki-üng Shembüpalei laki ham jütüklangmeyü shei deihpeih. Halei vailangmeyü phaidük touei uotü hami lümpü lümpü peü moh-ei hahhen vaipeih; shejao anjinyi-i khong kemei shüaeiyunglepai dihühen müei daipü khih” shei eteke.

JEREMIAH 43:7

Hanangkü jomi Shembüpalei shah nebangi Ijiplei yiü hatü Tahpanhes ngoiteke.

ISAIAH 30:16

“Hami koyei kü uotü nyaihen” shei epü nangkü, ami hapakei-üng nyaihen! “Hami longi la shangshi mokpü koyei kü nyaihen hih” shei ammi epü nangkü am kü changpüthüao longi la shangshi nyukahen.

SHAHKÜP 29:19

Shinnyih hamü omei nyupü üpaiyao hapa lappü dantüktü laophülei mong vaanei, ngei mongpü lem kü longteijao meihen shei tedeih. Hapai am nemeipü hatü meipü peü aihük mü lomohhen.

BHEI-IE 16:13

Amma hatü nyahjiü yenpü kahdok leipü jahpanei ham dihününg müei daipaiyao nüng kü mongnehamang je? hatü shaangao nüngü ham shak kü shembü vaihüpü je?

MÜLANGPÜ 17:3

Shejao nanglakthü longi yungle hatü nedoh-i Mosa khüei langmaan. Jomi, “Mehekei nüngi ham Ijip leipü yunglepai ham, hamei hapeüthü hatü yemhimakthü jühen müei daipa?” shei e.

BHEI-IE 14:3

Mih-ei lak kü dihen mü Shembüpai mehekei ham hapa kahdokei müei daipa? Hamei nyühihathü kemei vepathüi shetei lüdaihen khih. Ijiplei nyokei leidaijüang meihen khih!” shei eteke.

BHEI-IE 14:4

Hanangkü jom hüki hük kü, “Jeni mübü hük jehahshah, hatü Ijiplei nyokei leidaishah” shei etei.

SHAHKÜP 17:16

Ongpai büpa shingvaishi koyei longi ne-anghen nevaijü koyei shakhen shingvaishi nanglakthü shao Ijiplei neleishihhen; mehenangkü Shembüpai am kü, “Am ne-yei hapa lem kü nyokei neleihen” shei eteke.

ISAIAH 30:2

Ngei leipü chudeih neyah-i üami Ijiplei yiünya, üami Pharaoh-i yangphahen shei sheühpü yemnya, hatü Ijip amei vangdhüm kü loihen yemnya, onyükei!