JEREMIAH 42:11 - DAÜLANGPÜ LAIHING (BSI)

¹¹ Amphongi shaang nyempü Babylon ongpa kü tenyem. Ammi büpa kü tenyem; mehenangkü ngei am mü nyüpeih hatü büpalei lak kübü ngei am yanghen.

JEREMIAH 42:11 Referans Kwoze

ROM SHAHSHA APPÜ 8:31

Shejema hathü nangkü jeni mehe ehenang? Kahvang jen shing nyujema, jen khühen üpa nyüpa?

JEREMIAH 1:19

Jomi nüng khüei hokhen shejao jomi nüng neneü-aokhen; mehenangkü nüng yanghen ngei nüng mü nyüpeih” shei Shembüpai eteke.

JEREMIAH 1:8

Nüngi hathü kü tenyem; mehenangkü ngei nüng mü nyüpeih, hatü nüng yanghen” shei eteke.

ISAIAH 43:5

Am tenyem; mehenangkü ngei am mü nyüpeih; Ngei ammei hühihathü heong leipü leilanghen, hatü heshüphi leipü thailanghen.

ISAIAH 43:2

Mechem am yung homei daihen, ngei am mü nyuhen; hatü mechem am yungdang homei daihen, yungi am bhongei neshanlanghen. Mechem am awbhaong kü kamei daihen, awi am kü nekethen; awlomi am kü nelihen.

2 TIMOTI 4:17

Shejao ngei homei shahjangmei changshi baonghen, hatü Kung ami ha danhen shingvaishi Shembüpa ngei mü nyu, hatü ngei kü wong shuohpeih, hatü ngei mailangei jusha kübü yangpeih.

JEREMIAH 41:18

Mehenangkü jomi Babylon am kü nyem; mehenangkü hapa kahdok kü governor vaihen shingvaishi Babylon ongpai jeyei tuhpü Ahikamei cheha Gedaliah, Nethaniahlei cheha Ishmaeli jütükteke.

JEREMIAH 27:17

Ammi hathülei shah tebang; Babylon ongpa chongphotuh hatü meishi nyutuh. Mehekei hapa chingnyü lavüngtoiyei tuhhenang?

JEREMIAH 15:20

Ngei nüngü hathü nanglak shingvaishi bham hük, melangnyiami showtükpü bham leihühen. Jomi nüng khüei hokhen, shejao nüng kü neneüpih, mehenangkü ngei nüng mü nyüpeih, hatü nüng yanghen shei Shembüpai enyüke.

ISAIAH 41:10

Hanangkü amphong tenyem; mehenangkü ngei amphong mü nyüpeih; amphong tehan; mehenangkü ngeiyü ammei Kahvang; Ngei amphong wong kohhühen; ngei am kü sheühhen, ngelei aokpü laki ngei am shongei tuhhen.

MENVIH KESHO 46:11

Jeiyong Shembüpa jen mü nyüke; Jakob Kahvangü jenei penyüsha.

JOSHUA 1:9

Nüng wongkoh monglonghen shingvaishi ngei nüng kü etepih. Nüng tenyem nevaijü mong temaan; mehenangkü Shembüpa, nüngei Kahvang nüng dailem peü kü nyukahen.”

JOSHUA 1:5

Nüngei yangnyu den kemei üamiyao am khüei neyaongaokpih. Ngei Mosa mü nyupükei ngei nüng mü nyuhen; ngei nüng kü neshaiphapih nevaijü nüng netuhphongpih.

SHAHKÜP 20:4

Mehenangkü am aokpü danghühen shingvaishi Shembüpa, ammei Kahvang amphong mü daikahen hatü ammei vepathü khüei hokhen.”

BHEI-IE 14:9

Shembüpa khüei mon teyaongkei, hatü hapa kahdok leipü shennyakthü kü tenyemkei; mehenangkü jeni jom neüaokshasha hih. Shembüpa jen mü nyüpeih, hatü jom yangpü jomei kahvangthü neütükteke; hanangkü tenyemkei” shei eteke.

PHONGSHANTHÜ DOU 18:10

mehenangkü ngei nüng mü nyüpeih, hatü üpaiyao nüng kü nemeihen mü lak nenopih; mehenangkü hapa chingnyülei ngelei nanglak longi nyüpeih” shei eteke.

MATHI 28:20

hatü ngei am kü epü lemphü dükhen jom kü nyuh-eishuoh, hatü kahdoknyü dohpü ngoishi ngei amphong mü düngei nyukahen.”

MATHI 10:28

Üami büm mon jütü laangha nejüaok, hathü kü tenyem, shejao üpai laangha hatü büm nyiphen molo aw kü mahtükaok, büpa kü nyemtuh.

JEREMIAH 27:12

Aihük shahjang ngei Judah ongpa Zedekiah kao shuohtepih: Babylon ongpalei pang kü shütuh; büpa hatü büpalei nanglakthü chongphoei meishi nyutuh shei etepih.

MENVIH KESHO 46:7

Jeiyong Shembüpa jen mü nyüpeih; Jakob Kahvangü jenei penyüsha.

2 ONGPATHÜ 25:26

Hahepak kü Israel am shemmei, taoha, veshan lakchongbüthü peü Babylon am kü nyemei Ijiplei yiüdaikem.

MENVIH KESHO 118:6

Shembüpa ngei mü nyüpeih; ngei makao nenyemhen. Hangkui ngei kü mehe dükaokhen?

JEREMIAH 27:11

Shejao mepa jati Babylon ongpalei pang paihen hatü chongphohen, ngei jomü laophülei kahdokei kahling yungpüei chingchingei nyuhühen shei Shembüpai enyüke.