JEREMIAH 42:10 - DAÜLANGPÜ LAIHING (BSI)

¹⁰ Ammi hapa kahdokei nyujema, ngei am linghen hatü nevütükhen; ngei am sheiphonghen shejao nebhitükhen; mehenangkü ngei am kü shuohpü shanghah eeyei ngei mongshangnyeih.

JEREMIAH 42:10 Referans Kwoze

EZEKIEL 36:36

Shejüang am shinei tuhpü jatthüi ngei, Shembüpai hapa bentükpü shingthü lingei leiteke, hatü lavüngtoiyei tuhpü shingthü kü sheili neyei sheiteke shei nyinghen. Ngei, Shembüpai ha etepih, hatü ngei ha dükhen.

JEREMIAH 31:28

Ngei jom bhitükhen, vütükhen, yaktükhen, mangtükhen hatü shanghah koei peihen lishi dükpü keiha jom linghen hatü sheihenao lishi dükhen.

JEREMIAH 24:6

Ngei ngelei müki hathü kü mei shingvaishi veihen, hatü ngei hathü hapa kahdokei müei leihen. Ngei jom lingei leihen, shejao jom neshaaktükpih; ngei jom sheiphonghen, shejao nebhitükpih.

JOEL 2:13

Ammei ashakviha nevai, ammei mongdang shaaktuh. Shembüpa, ammei Kahvang touei mong leptuh; mehenangkü büpayü phahjipü hatü bampü nyüke; Mongshih anhen youngmü, hatü bampü kü changpüshapü nyüke, hatü büpai hanghi shuohhen kübüao mong leidainyeih.

AMOS 7:6

Hahepak kü Shembüpa mong leiteke; “Hapa am kü nevamküpih” shei Shembüpa Kahvangi ephüteke.

JEREMIAH 33:7

Ngei Judah hatü Israel am wüpküp leipü müei leihen, hatü shelei nyupükei lingei leihen.

JONAH 4:2

Büpai Shembüpa kü, “Oh Shembüpa, ngei shem leipü layaonghinüng hapakei dükküshasha hih shei ngei epü ha nevaiang je? Hanangkü ngei shüshülangi Tarshish lemei lüdaipeih. Nüngü phahjipü hatü yahyang shinshangpü Kahvang, mongshihhen youngmü, hatü bampü kü bhashahshi, shangpong yakying shomhen kübüao mang tükpü Kahvang shei ngei nying.

JONAH 3:10

Mechem Kahvangi jomi dükpü hatü mekei jomei mang lemthü kübü mong leppü eepa, büpai büpalei mong yeiya, hatü büpai dükhen shei tempü hanghi jom kü neshuoh.

AMOS 7:3

Hahepak kü Shembüpa mong leiteke; “Hapa am kü nevamküpih” shei Shembüpai ephüteke.

HOSEA 11:8

“Ephraim, mekei etü ngei nüng tuhphongaokhen? Oh Israel, mekei etü ngei nüng yakphongaokhen? Ngei Admah am kü dükshuohpü keiha ngei mekei etü am kü dükhen? Zeboiim am kü nopükei mekei etü ngei am kü nohen? Ngelei mongi ha nedükhükahen, ngei am kü ahshi-üng bamnyüpeih.

MÜLANGPÜ 32:14

Hahepak kü Shembüpai laophülei nanglakthü kü koei peihen shei tempü shanghah neshuohhen mong leiteke.

PHONGSHANTHÜ DOU 15:16

‘Hapheikü ngei nyokei leihen, hatü doei nyupü David nyushing lingei leihen; bendaipü kübü ngei ha lingei leihen, hatü ngei ha yaonghühen,

JEREMIAH 26:19

Judah am Hezekiah ongpa nevaijü Judah ami ha tata kü Mikah jüla? Hezekiah-i Shembüpa kü nenyem hatü büpa bampü neyemangpü je? Büpai koei peihen shei jom khüei epü shanghah vongshüh neshuohhen Shembüpalei mong neyeiyaangpü je? Shejao jeni jen nyingkü shanghah vongshüh koei peihahnyu khih!

MENVIH KESHO 106:45

Jomei men kü büpai büpa vangtükpü deih-ei dangpeih, hatü büpai bampü shangshi bampü hupeih.

MENVIH KESHO 102:16

Mehenangkü Shembüpai Zion linghen; büpa müknyinshekhangpü kü vamkahen.

MENVIH KESHO 69:35

Mehenangkü Kahvangi Zion yanghen, hatü Judah chingnyüthü lingei leihen; hatü halei büpalei chongphobüthü nyuei ha lomlanghen.

MENVIH KESHO 37:3

Shembüpa kü hinglemtuh, mei düktuh; shejüang am hapa kahdok kü nyuhen, hatü meishi mongongshi nyuhen.

2 SAMUEL 24:16

Mechem vangsho phongshani Jerusalemao mangtüknüng shei lak nopa, nanglakthü dipü eeyei Shembüpai mong yeiya hatü nanglakthü hanghihüpü vangsho phongshanthü kü, “Hajük-üng! Amphongei lak leilangtuh” shei e. Shembüpalei phongshanthü ha hepak kü Jebus am Araunahlei hah tenshingei nyu.

SHAHPHENBÜTHÜ 2:18

Mechem Shembüpai jom shing shahphenbüthü jeyei ngaipa, Shembüpa shahphenbüthü mü nyu, hatü shahphenbüthü yemmü nyupü thahshi büpai jom vepathülei lak kübü yang; mehenangkü Shembüpai jom mih phangkü shüveidoidei hatü hanghi ponghahpü kü shinshangei deih.

SHAHKÜP 32:36

Shembüpai laophülei nanglak dah shakhühen, Mechem jom wong kemhen, aa nevaijü bümei hükao ne-aoi wong kemdaipü büpai eehenshang, Shembüpai laophülei nanglak kü phahjihen.

JEREMIAH 27:11

Shejao mepa jati Babylon ongpalei pang paihen hatü chongphohen, ngei jomü laophülei kahdokei kahling yungpüei chingchingei nyuhühen shei Shembüpai enyüke.

JEREMIAH 43:4

Hanangkü Kareahlei cheha Johanan hatü veshan lakchongbüthü peü hatü nanglak peüi Judah kahdokei nyuhen epü kü Shembüpalei shah nebangi lei.

JONAH 3:4

Jonah-i hapa chingnyü mongei nyih hük lem thahshi mon shütü büpai, “Nyih pinyi mon angtü Nineveh-ü mahtükhen!” shei len.