JEREMIAH 4:4 - DAÜLANGPÜ LAIHING (BSI)

⁴ Shembüpa touei am shuw japtüktuh, ammei mongdang kübü shuw japtüktuh, Oh Judah nanglak hatü Jerusalemei nyupüthü, hei nevaijema ammi dükpü mang nangkü, ngelei mongshih aw kei vamhen, hatü ha üpaiyao nemetaokhen.”

JEREMIAH 4:4 Referans Kwoze

SHAHKÜP 10:16

Hanangkü ammei mongdang shuw japtüktuh hatü hajük kü mong vaanei tenyu.

KOLOSI 2:11

Mang nyingnyoi yaktüktü shennyaki laki jappü kü nevai, Khrista kü japtükpü kü amphongao büpa kü laangha kü japtüktü nyüke.

SHAHKÜP 30:6

Ammei mongdang kempai hatü ammei laangha kempai, amphongi büpa kü bamhen hatü kahdok kü yüluei nyuhen shingvaishi Shembüpa, ammei Kahvangi am hatü ammei hühihathü kü ven danpü dhentoimongdang yahphahen.

JEREMIAH 9:26

Hathüyü Ijip, Judah, Edom, Ammon, Moab hatü jomei sho shohloh-i jappüthü peü. Mehenangkü bhih kahdokei nyupü jatthü peü, hatü Israel am kemei jomei mongdang shuw nejapi nyüke.

JEREMIAH 21:12

Oh David am shem, Shembüpai hapakei enyüke: “Nepnüng dhom ieyei shahhing dou düktuh; Shüveipüthülei lak leipü gühlangshuohpü shennyakthü yangtuh. Hei nevaijema ammi dükpü mang nangkü ngei mongshih vamhen, hatü üpaiyao nemetaokhen mü aw kei bahhen.

AMOS 5:6

Shembüpa yemtuh hatü yemmü nyuhen, hei nevaijema büpai Joseph phang khüei aw kei vamkahen, hatü üpaiyao hapa methen neshiüi Bethel hahtükhen.

ZEPHANIAH 2:2

Vanglüki hahbhang maoei daipükei mangdeilang shekü, Shembüpai nemei-i lohpü am touei mangpeikei shekü, Shembüpa mongshihpü am mangngoikei shekü deih-ei dangtuh.

EZEKIEL 20:33

Hingmei ngeiyü Shembüpa, vanyangyem Kahvang, ngei mongshihpai ngelei wong kohpü laki ngelei ngan kempai ngei am shak kü vanglem lemhen shei shahvüng shuohnyeih.

EZEKIEL 24:13

Ngei nüngei iyjeiphaileipü ngei daüphüjao, nüngi nüngei nühinam kübü daüei nenyu. Hanangkü ngei nüng kü mongshihpü hüshemei mangdük thahshi sheyü nüng nedaühühen.

YOUNG LAI 4:11

Shembüpai mongshih wong kempai mongshih anei büpai Zion kü aw bahhü, hatü hapalei chongnyiam hahtük.

EZEKIEL 24:8

Mongshih vamhahhen hatü bhüh yemhen shingvaishi, hapa iy mehe-iyao neküpi yaongba kü haiphongpeih.

EZEKIEL 16:38

Ammi mükbongjuyungpü hatü jüpü nangkü ngei am nyonghühen, hatü ngei am kü mongshihpai dipü homei am shahphenhen.

EZEKIEL 8:18

Hanangkü ngei mongshih wong kempai jom kü dou dükhen; ngei jom kü yahyangei nevaijü shinshangei neveihen. Jomi ngelei dhaong tüngei heih-ei lenjao ngei jomi epü nebanghen” shei eteke.

EZEKIEL 6:12

Tailuei nyupüthü chami dihen, yopailei nyupüthü yani mahhen, hatü nedi-i yangpüthü shaühile homei dikemhen. Hapakei ngei mongshihpü jom shangkü nyuhen.

JEREMIAH 36:7

Üpai nyingpa, Shembüpalei mongshih longpü hapa nanglak khüei shuohhen shei baongpü nangkü jomi Shembüpa touei mang lah-ei jom mang lem kübü mong lepei leikahen aokpeih” shei e.

JEREMIAH 23:19

Veituh, mongshihpai Shembüpalei Yinglükleisho vamkahen, hatü nemeipüthülei shangjing kü alüngleple vamhühen.

JEREMIAH 21:5

Ngei ngelei lak haongei, wong kohpü lak noei mongshih longpai am khüei hokhen.

ISAIAH 51:17

Thaeimatuh, thaeimatuh, paotuh, Oh Jerusalem, Am Shembüpalei lak leipü mongshih yungshong yingpüthü; Ammi ha hienei yingteke, hatü tüngtüngmüngi kamnyüke.

LEVI 26:28

ngei mongshih anei am khüei yaonghen, hatü ammei mang shingvaishi shao shing nyet nyeinya hanghi shuohhen.

EZEKIEL 21:17

Ngeiyao ngelei lak apei ngei mongshihpü meihen. Ngei, Shembüpai ha etepih.

EZEKIEL 18:31

Ammi thahpü mangthü peü yaktüktuh, hatü mongdang ja hatü laangha ja yahhahtuh. Am mehekei dihenang, Oh Israel am phang?

SHAHKÜP 32:22

Ngelei mongshih awlom keiha bahhen, hatü chüpü Sheol-ao shamtükhen; Hapai kahdok kü vampü hahying kemei lühtükhen, hatü kahshangthü chongnyiam shingao aw kü jaktükhen.

ROM SHAHSHA APPÜ 2:25

Ammi shahkungnyü bangjema japtükpü kü nanglei nyüpeih, shejao ammi shahkungnyü mangtükjema am japtükpeyü nejappükei leidainyüke.

LEVI 26:41

mepai ngei jomei vepathülei kahdokei deishihhen mü ngei khüei thahpü mang lahjema, hatü mechem jomei nejaptükpü thentoimongdang ineinyaiyei leihenshang, hatü jomei mang kübü yeiyahenshang,

ISAIAH 10:17

Israel amei Vangngaiyü aw leidaihen, jomei Daülangpü Hükü awlom leidaihen; nyihcha kü hapa bah-ei büpalei hüh peü hahtükhen.

ISAIAH 30:33

Ongpa jakhen shing yeihshi-üng temei nyüpeih. Hapa awbhaongü chüshi, ba longshi pü shangshi shüngshi nyüpeih. Shembüpalei ngü awkaong meli kü bahpü awlom kei vamei hapa kü aw bahhen.

JEREMIAH 9:25

Ngei shuw mon jappüthü kü hanghi shuohhen nyihthü ngoikünyüke shei Shembüpai enyüke.

JEREMIAH 44:22

Shembüpai ammi dükpü mang dou hatü jiühitbenüng douthü nenenaokpü nangkü ammei kahdokü lavüngtoiyei shennyak nenyu-i thaüvaü dou hük shinnyih thahshi leitükpeih.

EZEKIEL 44:7

ngelei shemei shühen am mongdang hatü phai kü shuw nejapi nyüke; ammi ngei kü mechem hahying cheü hatü iy moila shuohhen, ngelei shem sheihtüknyüke. Ammei jiühitnalai douthü homei ngelei vangpüshuwpü peü mangtükteke.

2 SHÜPPÜKENGPÜ 34:25

Mehenangkü jomphongi ngei yakphong hatü lebü kahvangthü kü moila shuohpai jomi dükpü doui ngei mongshih vamhüteke; ngelei mongshih hapa shing kü khüphühen hatü hapa nedohhen.

JEREMIAH 15:14

Ammi nenyingpü kahmük kü amphongü vepathü chongphohen; mehenangkü ngelei mongshih den kü aw keiha bahhen.