JEREMIAH 4:30 - DAÜLANGPÜ LAIHING (BSI)

³⁰ Oh ching nyaipü am, am mehe düknya? Mehekei ammi ow hakla hatü hon-ow ownya? Mehekei ammi mük kü long nyiotü, ammei mükkam longhünya? Angsha kü am nela lingteinyu khih. Ammei chühimaithüi am yakphongteke; jomi am jühen yemnyüke.

JEREMIAH 4:30 Referans Kwoze

2 ONGPATHÜ 9:30

Hapheikü Jehu-i Jezreelei heih. Mechem Jezebeli ha danpa, pinnyüi mük kü ow ling, hatü shohiyang lingtüktü ümha shaden homei veiteke.

YOUNG LAI 1:19

Ngei ngelei mongkhenthü kü nyük, shejao jomi ngei kü nesheüh. Ngelei ngongpathü hatü pahijeithüi hahying yemei longteipai chingshongei diyei nyüke.

YOUNG LAI 1:2

Vangnyak kü pinnyüi shahyaki thepnyüke, pinnyülei omdhaong kü mükphi yennyüke. Pinnyülei nyanaü anüng üpaiyao pinnyü nyiushem meihühen neshiü. Pinnyülei mongkhen küphüthüi pinnyü yutük, peü pinnyülei ve leidaiteke.

ISAIAH 10:3

Hanghi pongpü nyih ammi mehe linghen? Tailu leipü shanghah peipü nyih ammi mehe dükhen? Üpa touei sheühshih shei peijahen? ammei mop melei tuhphonghen?

EZEKIEL 28:13

Nüngü Kahvangei pemong Edenei nyuhampeih; douvang yaong lemphü yah-ei owtü nyuhampeih. Douvang yaong, diamond, topaz beril, karnelian, jasper, emerald; Sapphir, turquoise. Nüngü hon-ow longi nyuhampeih. Nüng lingpü nyih hathüyü nüng shingvaishi lingpeih.

JEREMIAH 13:21

Nüngei küphü vaihen shingvaishi nyuhshuohpüthüi nüng neütüktü nüng shak kü vanglem lemküjü nüngiyao mehe deihhen? Nyüha hük hapeü angshingkü tüngpü keiha nüng kü netünghen je?

ISAIAH 20:6

Hapa nyih yungching yungkung kü nyupüthüi, ‘Veituh, Assyria ongpai yangphahen shei jeni monglempü, hatü sheühshih shei nyaiyei heihjahampü nanglakthüyü henüngang pongpü khih! Jenao hajük keyü mekei yemmü nyuaokhen?’ ” shei ehen.

SHAKEI VAMPÜ 17:13

Jom an peü mükhong hük kü mongjemtü yemha kü ngan hatü wong shuohnyüke.

SHAKEI VAMPÜ 17:4

Hapa nyühayü manghmepü hatü hakla ow kü hon, douvang yaong hatü yüknyü owtü pinnyülei lakei jiühitnalai hatü pinnyülei mükbongjuyung nedaünelang hon pati kü maei shihtü noshi nyu;

SHAKEI VAMPÜ 17:2

Pinnyü mü kahdoknyü ongthüi mükbongjuyung dükteke, hatü pinnyülei mükbongjuyung yiüi kahdoknyü kü nyupüthü chokhüteke.”

HEBREW 2:3

hajük longpü yemleipü yaktükjema jen mekei etü yanghen? Hapayü shongpü kü Shembüpa homei baong, hatü hapayü büpa leipü danpüthüi jiüpeih shei ham kü lekhünyüke.

EZEKIEL 28:9

Nüng jüpü am touei, ‘Ngeiyü kahvang hük’ shei eaokhen je? Nüng jühen am touei nüngü kahvang nevai, shennyak mon vaidaihen.

YOUNG LAI 4:17

Angsha kü sheühpü danghen shei ongyangei veihampai mükyang yungdaiteke; Ham neyangphaaokhen jat hük kü monglemei veishi nyuteke.

JEREMIAH 5:31

thibüthüi shahshem teteivannyüke, hatü ngongpathüi thibüthüi epükei vanglem lemnyüke; ngelei ngongpathüi hapa lümnyüke. Shejao hathü kemei dohjü jomi mehe dükhen?”

ISAIAH 33:14

Zion leipü mang shennyakthüi nyemnyüke, Kahvang nenyingpüthü kü nyempüvüngpü peiteke. “Jenphong khongkü üpai laiyeilungei hahpü aw kü nyuaokhen? Nedoh-i bahshi nyupü aw kü jenphong khongkü üpanyuaokhen?”

KANDOK 6:25

Pinnyü nela meipü kü nüngei mongi tevaü, nevaijü pinnyülei mükvang nakungi nüng tengantükhü.

KANDOK 7:10

Hahepak kü nyüha hük büpa mü ponghen büm yupü nyüha hük leshi, ow temtüktü ten deihshi vamteke.

JEREMIAH 22:23

Oh Lebanonlei nyupüthü, cedar püyingei jep lingtü nyupüthü, Mechem tüngpüyapü peihenshang, am meshük thephen? nyüha hük hapeü bühshingkü tüngpükei tüngkahen.

JEREMIAH 30:14

Ammei mongkhen küphü peüi am betükteke; jomi am nang deihshi neshiü. Vepa hüki keiha ngei am kü üppeih, hatü nemeipü ami keiha am kü hanghi shuohpeih; mehenangkü am pungpü ahshi longshi, hatü ammei mang longi ahshi nyüke.

OBADIAH 1:7

Am khüambakpü mongjemthüi-üng am luhahteke; jomi am kahmük kübü changtükteke. Am mongjem pongpü kahmükthüi am khüei yaongteke; am mü nükshung hük kü küpü küphüthüi am khüeitai heanteke, shejao ammi ha güh neyepaokhen.