JEREMIAH 4:28 - DAÜLANGPÜ LAIHING (BSI)

²⁸ Hanangkü kahdoknyüi mahng thephen, vangsho shangpa mangh-ei leidaihen; mehenangkü ngei mehe etüktepa, ha kübü neyeiyahen; ngei mehe temtük, ha nyokei neleilanghen.

JEREMIAH 4:28 Referans Kwoze

BHEI-IE 23:19

Büpai shahshem ehen mü, Kahvangü shennyak nevai, nevaijü büpa mong yeiyahen mü shennyak ha nevai. Büpai etüktü ha nedüknyu je? Büpai lahtüktü ha nejiühünyu je?

HOSEA 4:3

Hanangkü kahdok vandainyüke, hatü halei nyupüthü peü didainyüke. Yemhimakthü, shangouthü hatü yungching leipü nyahthü peü didainyüke.

JEREMIAH 12:4

Meshük lushi kahdoki mahng thephen? hatü kah kübü phenha kaudaihen? Mehenangkü haleipü shennyakthü mang vaipü nangkü, Yemhimak hatü outhü peü mahdaikemteke. Nyeinya vaishi nanglakthüi, “Jen kü mehe vamhen ha büpai ne-eepih” shei enyüke.

ISAIAH 50:3

Ngei phumshangao vangnyaki jümhünyeih, hatü dhoila ashaki jümhen lingnyüpeih.

ISAIAH 5:30

Yungching yungmok ngeü keiha hapa nyih jomi hapa nangkü ngünghen. Hanei-i kahdokei veijü vangnyak, hatü shanghah mon eehen, phumnyaki vangngaiyao vangnyak leitükhen.

SHAKEI VAMPÜ 6:12

Mechem büpai vokpabü füoshang appa, ngei veishuohjü pedi longpü hük vükei pei; vanghenyü ashak nyakla kei nyakdai, lennyü iyshüm kei hakdai,

HEBREW 7:21

shejao Jisu-ü lahpü hük homei ngongpa vaipeih, hatü büpa kü Kahvangi eteke: “Shembüpai lahteke, hatü büpalei mong neyeiyahen: ‘Nüngü den kü ngongpa.’ ”

EPHESIA 1:11

Büpalei shahnying hatü mongpü aimü douthü peü jiühüei büpalei mükhong aimü jenphong jeyei yahpai Khrista kü jenphong mükjüp yahpü am leihüteke.

EPHESIA 1:9

büpai Khrista kü mong hahpü aimü büpai mongpü shahjo jen kü nyinghüteke.

LUK SHAHSHA APPÜ 23:44

Shaang hapayü anpünyi baji kübü jem baji thahshi kahdoknyü kempülei vangnyak pei;

MARK 15:33

Haümhahphei kübü om jem baji thahshi kahdoknyü kemei manghdai.

MATHI 27:45

Haümhahphei kü om jem baji thahshi kahdoknyü peü manghdai.

JOEL 1:10

Kahthü mangdai, kahdok vandai; hah peü mangtük, yiü ja üdai, hatü olive püthü kaudaikem.

HOSEA 13:14

Ngei jomphong Sheol nganhiwong kübü yangaokhen je? Ngei jomphong Dipü kübü angei leiaokhen je? Oh Dipü, nüngei cham leü melei nyüpa? Oh mahngchong, nüngi mangtükhen ngan melei nyüpa? Ngei henüng nanglakthü kü hajük kü nephahjipih.

EZEKIEL 24:14

Ngei, Shembüpai etepih; ngei dou dükhen hepak ngoiteke. Ngei lak neyünghen, ngei lak neshih-i neaophonghen, hatü ngei nejü-üi dükhen. Nüngei lemthü hatü douthü aimü ngei shahphenhen shei Shembüpa Kahvangi enyüke.

JEREMIAH 30:24

Büpai deihpü mangdük thahshi, hatü ha mangjiü thahshi Shembüpalei mongshih nyokei neleidaihen. Shompülei ammi ha nyinghen.”

JEREMIAH 23:20

Büpalei mongei tempü peü mangjiü thahshi Shembüpalei mongshih nyokei neyahlanghen. Ngoikahen nyihthü kü nüngi ha lekei nyinghen.

JEREMIAH 23:10

Kahdokü mükbongjuyungpüthüi maei nyüke; thaüvaüpü nangkü kahdoki mahng thepnyüke, hatü jahpan kübü phenha vandaiteke. Thibüthülei lem nemei, hatü jomei wong nejiüi nonyüke.

JEREMIAH 14:2

“Judah-i mahng thepnyüke, hatü jomei chingnyüthü wong kemdaiteke. Jomphongü dhe magdaitü kahdokei lemshi nyüke, hatü Jerusalem am theppü shangei aongnyüke.

JEREMIAH 12:11

Jomi hapayü lavüngtoipü jahpan leitük; hayü ngei touei lavüngtoiyei nyüke. Kahdok kemei üpaiyao nejungpü phaü leitükteke.

JEREMIAH 7:16

Nüngi hathü nanglak shingvaishi tephop, telen, nevaijü ngei kü teyü; mehenangkü ngei nüng kü nejangpih.

ISAIAH 34:4

Vangsho lithathü, lennyü vanghe kemei mahdaihen, phumshangthü peü phaishuw kei düdaihen. Lithathü kemei nyalingngupai lak vanei, bhukjükpülei bhukjük vanei vüpükei vüdaikemhen.

ISAIAH 24:4

Kahdok vandaihen, hatü kaudaihen; kahdoknyü kemei üei vanei kahdok mü vangshothüao üdaihen.

1 SAMUEL 15:29

Büpa üpa Israel amei Müknyinshekhang, büpai shahshem ne-enyih, nevaijü büpai mong nejeinyih; mehenangkü büpa mong leihen mü büpayü shennyak nevaipih” shei e.

JEREMIAH 51:12

Babylon penyüsha khüei khüamlung haongtuh! Veshanthü nyeinya wong kohhütuh! Veihen shennyakthü tuhtuh, show uohen temtuh! Shembüpai Babylon am khüei tempü laophülei küpjan dükhen.

YOUNG LAI 2:17

Shembüpai mehe dükhen shei tem, büpai ha dükteke; Büpai shelei mebü epü keiha, phahji neshiüi am mahtükteke. Büpai ammei vepathü kü aokpü danghüteke; Am dopü nangkü jom kü mongong shuohteke.

ZEKHARIAH 8:14

Jeiyong Shembüpai hapakei enyüke: “Mechem ambü ampai ngei mongshihhüpa, ngei am kü shanghah yah-ei peihen hatü phahji neshiüi dükhen shei deihteke hatü ngei ha dükpeih, shei Jeiyong Shembüpai enyüke.