JEREMIAH 4:26 - DAÜLANGPÜ LAIHING (BSI)

²⁶ Ngei veishingkü kahcheü kohpü kahdokü bhih kahdok leidaitü nyuteke; Shembüpa touei, büpa mongshihpü touei haleipü chingnyüthü kemei bentüktü nyuteke.

JEREMIAH 4:26 Referans Kwoze

MENVIH KESHO 107:34

Shennyakthü nemeipü nangkü büpai betjük jükpü kahdok hüm kohpü kahdok leitüknyeih.

MIKA 3:12

Mehenangkü am tata kü Zionü kah kü han hokpükei hokei yaktükhen, Jerusalemü nyüp yakshing leitükhen, phopshemü pheni luplanghen.

JEREMIAH 12:4

Meshük lushi kahdoki mahng thephen? hatü kah kübü phenha kaudaihen? Mehenangkü haleipü shennyakthü mang vaipü nangkü, Yemhimak hatü outhü peü mahdaikemteke. Nyeinya vaishi nanglakthüi, “Jen kü mehe vamhen ha büpai ne-eepih” shei enyüke.

MENVIH KESHO 76:7

Shejao nüngü nyemshi nyüke! Nüng chem mongshihdai pheikü üpai nüng khüei yaongaokhen?

JEREMIAH 9:10

Ngei kahshangthü nangkü thephen; mehenangkü üpaiyao nelongteihen mü lavüngtoiyei nyüke; halei mohoh vaüpü nedannyu; Ouhiyüh hatü yemhimak peü lüdaikemneshiü.

JEREMIAH 12:13

Jomi hah sheiteke, shejao hüh vetteke; jom nyingi nyiueinangteke, shejao meheyao nanglei nedang. Shembüpai mongshihpü nangkü jom hahvetpeyü veüshi nyuhen.

LEVI 26:31

Ngei ammei chingnyü mangtükhen; ammei khümshing lavüngtoiyei tuhphonghen, hatü ammei vong meipü moila ngei neyahhen.

JEREMIAH 7:34

Ngei jomei mongongmonglepü ngeü, Judah chingnyü hatü Jerusalem chingyangshongei yiükyah lashompü ngeühinga kemei dohtükhen; mehenangkü hapa kahdokü lavüngtoiyei leitükhen.

JEREMIAH 25:11

Hapa kahdok kemei lavüngtoiyei leihen hatü ha jatthüi bong pejempüan thahshi Babylon ongpa chongphohen.

YOUNG LAI 2:7

Shembüpai büpalei moidü, hatü daülangpü Phopshem yaktük; Büpai vepathü kü ongshem leipü bham bentükhen han; Mohitap nyih kü kei jomi aokpü dangei Shembüpalei Phopshemei leneiwong.

ZEPHANIAH 1:18

Shembüpa mongshih anpü nyih jomei hon hi ngini jom neyangaokhen; Büpa mongshihpü awlah-i kahdoknyü peü shamtükhen; mehenangkü büpai kahdoknyü kü nyupüthü peü ngangahük kü dohtükkemhen.