JEREMIAH 4:2 - DAÜLANGPÜ LAIHING (BSI)

² hatü ammi, shahhing kü, hingshangpü, daülangpü kü, “Vanyangyem Shembüpa!” shei lahjema, büpai jatthü kü moihimanhen, hatü büpa kü jomi vih-eilühen, shei Shembüpai enyüke.

JEREMIAH 4:2 Referans Kwoze

ISAIAH 65:16

Üami hapa kahdokei moihiman yühen, shahhing Kahvangi ha moihimanhen; Üami hapa kahdokei vangeishuwhen, shahhing Kahvangei men kü mon vangeishuwhen. Mehenangkü peihdaipü shanghahthü bedaihen, hatü ngelei müksho kübü ha jodaihen.

JEREMIAH 9:24

shejao üami changmeinya, jomi Shembüpa nyingpü nangkü maühehütuh; ngei monghahpü douthüyü bampai, shahhingi hatü daülangpai hapa kahdoknyü kü dou düknyeih shei Shembüpai enyüke.

KAHBHAO 22:18

hatü nüngei lihilathü homei kahdoknyü jatthü peü moihiman danghen; mehenangkü nüngi ngelei shah bangteke” shei e.

2 KORINT 10:17

Shejao, “Üpai changmeinya, büpai Shembüpa kü changmeituh.”

1 KORINT 1:31

shejüang nyangei nyupü keiha, “Üpai changmeinya, Shembüpa kü changmeituh.”

SHAHKÜP 10:20

Shembüpa, ammei Kahvang kü nyemtuh hatü büpa chongphotuh. Büpa kü wongshongi shongtuh hatü büpalei men vihtuh.

GALATIA 3:8

Kung amao hinglempai Kahvangi dahshakhühen shei Laihingi yeihshi eeyei sheleiüng hapa shahjangmei Abraham kü, “Kung am peü nüng homei moihimanhen” shei baongei eteke.

JEREMIAH 12:16

hatü jomi ngelei nanglakthülei lemthü meishi nyingjema, hatü ngelei men kü lah-ei, “Shembüpayü vanyangyem Kahvang” shei shelei jomi Baal kahvang kü lahhen ngelei nanglakthü kü nyuhpükei dükjema, jomao ngelei nanglakthü mü chingchingei nyuhen.

ISAIAH 45:25

Shembüpa kü Israel jat peüi aokpü danghen hatü müknyinshekhanghen.

MENVIH KESHO 72:17

Büpalei men den kü nebetüki nyuhütuh, vanghenyü nyupü thahshi büpalei menmei nyuhütuh. Jatthü peüi büpa kü moihiman danghen, jomi büpa kü mongongpü baonghen.

ZEKHARIAH 8:8

hatü Jerusalemei nyuhen shingvaishi ngei jom nyokei leihen. Shahhing hatü daülangshemshepü kü jom ngelei nanglak vaihen, hatü ngei jomei Kahvang vaihen.”

ISAIAH 45:23

Ngei laophü nyingi lahtepih, daülangshemshepü kü ngelei ju kübü shah hük nyokei neleihen mü daitepih: “Peüi lashüh-i shüngei khümhen, hatü jubenyeijaang peüi ngei lahhen.”

1 ONGPATHÜ 3:6

Solomoni jangei, “Nüngi nüng chongphobü opa David kü yahyang shinshang longi hupeih; mehenangkü büpai nüng kü hinglem, hatü mongdang daülangi hatü laülüki nyu. Nüngi nedoh-i büpa kü bam, hatü shinnyih thahshi hapa ong uoshing kü uohen büpa kü hapeü hük shuoh.

PHILIPPI 3:3

Hingshangi japtükpeyü jenphong, Kahvang Laangha kü khümpü, hatü Khrista kü changmeihen hatü phai kü monglemhen changshi nyujao phai kü mong nenyangpeyü jenphong.

HOSEA 2:19

Nüngü denshing ngelei nyüha vaiyei yahhen; ngei nüng daülangpü kü, shahhing kü, hatü shinshangpü kü ngelei nyüha vailanghen.

JEREMIAH 5:2

Jomi, “Vanyangyem Shembüpa nyüpeih” shei ejao shahshemi lahnyüke.

MENVIH KESHO 99:4

Wong kohpü Ongpa, shahhing kü bampü, nüngi shahhing chonglingei tuhteke; nüngi Jakob kü shahhing, hatü daülangshemshepü dükteke.

SHAHKÜP 4:30

Mechem am shangpong yakying kü nyuhen, hatü hathüi am kü dhaümhenshang, hahepak kü ammi Shembüpa, ammei Kahvang touei mong lepei leiyei büpalei shah banghen.

RUTH 3:13

Sheya payü hamü paümtuh, hatü büpai nüng tongkoliyei yah-aokjema meitei; büpai hapakei nyemdükkei. Büpai nüng kü hapakei dükhen nemongjema vanyangyem Shembüpalei men kü ngei vangei enyeih, ngei tongkoliyei yahhen hih. Vangngaipü thahshi hamü paümtuh” shei e.

JEREMIAH 3:17

Hahepak kü Jerusalem keyü Shembüpalei ong uoshing shei nyükhen, hatü jatthü peü halei Shembüpa nyushing Jerusalemei thaihen hatü jomi hajük kü mong vaanei jomei mangi mongpü lem kü nedaihen.

JEREMIAH 7:5

Ammi hingmei, ammei lemthü hatü ammei dükhiling jeilejema, hatü hüki hük mü shahhing kü noteijema,

JEREMIAH 10:10

Shejao Shembüpayü hingshangpü Kahvang; büpayü vanyangyem Kahvang, nedohnetenpü Ongpa. Mechem büpa mongshihhen, kahdok jennyüpeih; jatthüi büpa mongshihpü nenenaoknyih.

JEREMIAH 12:15

hatü ngei jom yah-ei daipheikü ngei jom kü phahjihen, hatü ngei shao jomei mükjüp kahdokei jom peü müei leihen,

JEREMIAH 16:19

Oh Shembüpa, ngelei wong, hatü ngelei penyüsha, shanghah hepak kü ngei loishing. Nüng kü kahdok dohpü junghijang peü kübü peiyei, “Hamei bühipathüi meheyao ne-ang, shahshem kahvangthü, yahlak neshiüpü, jom kü meheyao mei nedükpü lajeithü angpü khih” shei ehen.

JEREMIAH 33:9

Kahdoknyü jatthü peü touei hapa chingnyü homei ngei kü mongongpü men, vihpülüpü hatü müknyinshekhang koei peihen hatü ngei jom kü dükshuohpü doumei jomi danhen; hatü ngei hapa kü dapüshepü chingmeivangmei shuohpü nangkü jom nyemei kheühen.

JOEL 2:12

“Shaang dangkao ammei mong kempai shüaeiyungleyei, thepeiyoungei ngei touei mong leptuh” shei Shembüpai enyüke.

SHAHKÜP 6:13

Shembüpa, ammei Kahvang kü dhüm shuohtuh hatü büpa kü mon khümtuh, hatü büpalei men kü mon vangeishuwtuh.

1 SAMUEL 20:3

Shejao Davidi lah-ei, “Nüngi meshük ngei kü kennya ha ampai nyingei nyüke, hatü büpai, ‘Jonathan kü ha nenyinghüpih, hei nevaijema büpa hanghihen’ shei deihnyüke. Shejao vanyangyem Shembüpalei men kü, hatü nüng yemmü nyupü thahshi ngei hatü dihen nyi aa kü lakham hük mon nyüke” shei e.

MALAKI 1:11

Mehenangkü heong kübü heshü thahshi jatthü peü mü ngelei men longpü vaihen, hatü shing peü kü ngelei men kü vong meipü ayingshü, hatü daülangpü moila koei peihen; mehenangkü ngelei menü jatthü shak kü longpü nyüke shei Shembüpa Kahvangi enyüke.