JEREMIAH 4:19 - DAÜLANGPÜ LAIHING (BSI)

¹⁹ Ngelei mongshang, ngelei mongshang! Mongdang bhaohen mü tüngnyüke! Oh, ngelei mong kü mongshang! Ngelei mongdang tuknyüke, hatü ngei nenmü nenyuaoknyu. Mehenangkü ngei amit vüngpü dannyüke, hatü thep nyükpü ngei dannyüke.

JEREMIAH 4:19 Referans Kwoze

HABAKKUK 3:16

Ngei ha danei ngelei mong kheü; hapa ngeü kü ngelei shahvang nenteke. Ngelei vang mongei sheyei shüteke, hatü ngelei lashüh nenteke. Shejao ham kü nemeipü am kü hanghi peipü nyihhihe kü veihen ngei nenteiaokei danshah.

ISAIAH 22:4

Hanangkü ngei eteke: “Ngei toueipü nyokei lüdaituh; ngei shahyaki thepshah. Ngelei nanglakthü mahdaipü kü ammi ngelei mong nyiushem meihühen tekhe.

ISAIAH 16:11

Harp vüngpü keiha ngei Moab nangkü, hatü Kir-Hareseth nangkü mahng thepnyeih.

JEREMIAH 9:10

Ngei kahshangthü nangkü thephen; mehenangkü üpaiyao nelongteihen mü lavüngtoiyei nyüke; halei mohoh vaüpü nedannyu; Ouhiyüh hatü yemhimak peü lüdaikemneshiü.

JEREMIAH 9:1

Oh ngelei shangjing paoh yunglok vailangmeyü, ngelei mük kü paoh mükphi yunglok vailangmeyü, ngelei nanglakthü jütükpü nangkü nyakhingai thüngei ngei thephen vaipeih.

ISAIAH 21:3

Mehe ngei manghkhang kü ee, hatü dan, hapai ngei nyempai hatü tüngpai mahü, nyühai hapeü anghen tüngpükei tüngteke.

GALATIA 4:19

Ngei bampü hashihthü, am kü Khrista mangnyu thahshi hapeü angshingkü tüngpükei ngei nyunyeih.

DANIEL 8:27

Hanangkü ngei, Daniel mongshangpai nyih kansho hük tüngei nyu, hatü hapheikü layaongei ongpai ngei kü yahphopü dousho kü dükei dai, shejao hapa manghkhangi ngei üathamahüteke hatü ngei ha nenyingaok.

DANIEL 7:15

Ngei, Daniel, longi mongshanghü, hatü ngei eepü manghkhangi ngei nyemhü.

ISAIAH 15:5

Ngelei mong Moab nangkü thepnyeih; haleipü shennyakthü Zoar, hatü Eglath-Shelishiyah thahshi nyaidaiteke. Jomphong thepyaki Luhith lemei, hatü jom lomohpü nangkü mahng thepyaki, Horonaim lemei aongnyüke.

MENVIH KESHO 116:7

Leptuh, ngelei laangha, nüng nyiushemmei kü nyukei; mehenangkü Shembüpai nüng kü meishi dükteke.

ROM SHAHSHA APPÜ 10:1

Jeihinaü hatü nyahinaüthü, ngelei mongi lümpü, hatü ngei jom shingvaishi Kahvang kü phoppeyü jom yemleihen shingvaishi phopnyüpeih.

AMOS 3:6

Mechem vebaong shemm kaonghenshang, nanglakthü nenyemnyu hiang? Shembüpai neshompheikü chingnyü hük kü vongshüh peinyu hiang?

DANIEL 7:28

Hammü hapa nang dohnyeih. Ngei dheyao haishi nyempeih, shejao lemphü ngei ngelei mongei jaoei tuhpeih.

YOUNG LAI 2:11

Theppai ngelei mük poukdaiteke; ngelei nanglakthü mahdaipü nangkü ngelei mongkü tüngnyüke. Hashihthü hatü aküngnaühathü chingyangshongei shomeiyingnyüke.

YOUNG LAI 1:16

Hanangkü ngei youngnyüpeih; ngelei mük kü mükphi yennyüpeih. Ngei nyiushem meihühen, ngei mongyanghühen üpayao neshiü; Ngelei hapeüthü lakkong nyüke; Mehenangkü vepathüi aoklangteke.

JEREMIAH 23:9

Thibüthü nang epü: Ngelei mongei mongdang mangdaiteke, ngelei vang peü kheünyüke; Mehenangkü Shembüpa hatü büpalei daülangpü shahthü homei ngeiyü yiüi manpü, hatü yiüi chokpü shennyak kei leidaiteke.

JEREMIAH 20:9

“Büpa jung ne-etei-ü, nevaijü büpalei men hajük kü ne-etei-ü shei ejao, ngelei mongdang mongei büpalei shah-ü aw kei, hatü ngelei vangni mongei aw bahpükei shaamnyüke. Ngei hapa noshi nyiudaiteke, hingmei ngei neaoknyu.

JEREMIAH 13:17

Shejao nüngi ven nebangjema, nüng changmeipü nangkü ngelei laanghai joshi thephen. Ngei shahyaki thephen, hatü ngelei mük kü mükphi yenhen; mehenangkü Shembüpalei mithü wüpküpei deilangteke.

JEREMIAH 4:21

Meshük lushi ngei vehok vampü eehen? hatü amit vüngpü ngeü danhen?

JEREMIAH 4:5

Judahlei leneishuoh, Jerusalemei baongeishuoh, Kahmük kempülei amit vüngtuh, wongmü lenei etuh, “Thaikemtuh, hatü penyü showtükpü chingnyü mongei shütuh” shei etuh.

MENVIH KESHO 146:1

Shembüpa vihtuh! Shembüpa vihtuh, Oh ngelei laangha!

MENVIH KESHO 119:136

Nüngei shahkung nedükpü nangkü ngelei mükphi yungyen leiyei yennyüke.

MENVIH KESHO 119:53

Nemeipüthüi nüngei shahkungnyü mangtükpü eejü ngei kü mongshih nemei-i vamkünyeih.

MENVIH KESHO 103:1

Shembüpa kü moihimantuh, Oh ngelei laangha, ngelei thentoimongdang kempai büpalei daülangpü men moihimantuh.

MENVIH KESHO 16:2

Ngei Shembüpa kü, “Nüngü ngelei Shembüpa; nüng mü lenei ngei kü mei neshiü” shei epeih.

SHAHPHENBÜTHÜ 5:21

Kishon yung bhümei jom maoei shanlang, Mokpü Kishon yungnyü büngi jom wong mü maoeishanlang.

BHEI-IE 10:9

Mechem ammei kahdokei am khüei yaongpü vepa mü thepju kü yaonghenshang, hapa amit vüngtuh. Hahepak kü Shembüpa, ammei Kahvangi am deih-ei danghen, hatü vepathü lak kübü am yanglanghen,

KAHBHAO 49:6

Jom shahjo eteipülei ngei ne-omhen, jomei thaihiyu kü ngei hean neyahhen. Mehenangkü jiji mongshihpai shennyak jüteke, hatü jiji-i mongpükei mohohbaongthü kü lapheichah langtükpeih.

1 KORINT 14:8

Amit ngeü lekei nevüngjema, üpai vehokei daihen temhen?

JEREMIAH 6:24

Hami jomei shahjang dantepih, hamei lak mahngdaiteke; mongshangi ham yeplangteke; nyüha hük hapeü angnüng tüngpükei ham shonglangteke.

JEREMIAH 8:21

Ngelei nanglakthü ngümtükpü nangkü ngeiyao ngümtükteke. Ngei thep, hatü mongshangi ngei shonglangteke.

JEREMIAH 42:14

hatü ‘Anyoh, ham Ijip kahdokei leiyei vehok hatü vehok amit ngeü nedanpü, nevaijü aeipülepü neshiüpü shingei leidaihen’ shei ejema,

JEREMIAH 49:2

Shejao ngei Ammon leipü Rabbah am khüei vebaong shemm kaonghen hepak ngoikünyüke shei Shembüpai enyüke. Hapayü bentüktü tuhhen, hatü hapa kü ngeihpü shonpü chingthü awi haptükhen. Hahepak kü Israel am changtükpüthü shao jomiyao hathü changtükhen shei Shembüpai enyüke.

JEREMIAH 50:22

Vehok hokpü ngeü hatü benpülangpü ngeü longpü dannyüke.

DANIEL 4:19

Hahepak kü Daniel (üpa kü Belteshazzar sheiyao nyüknya) kansho hük longi üaei shah ne-e-i nyu. Hahepak kü ongpai, “Belteshazzar, hapa mangh hatü hapa lappai nüng tejü-ü” shei e. Belteshazzari jangei, “Ngelei shembü, hapa mangh hatü lappü kemei nüng kü nevai; nüngei vepathü kü nyemjiüdai shei deihnyüke!

2 ONGPATHÜ 4:19

Büpai chepa kü, “Shangjing kü tüngangke! Shangjing kü tüngangke!” shei e. Chepai chongphobü hük kü, “Naü chenyü touei leijatuh” shei e.

2 ONGPATHÜ 8:11

Büpai Hazael kü veüshi mük khangei vei, hatü büpa thep.

ISAIAH 21:4

Ngelei shangjing shinnyüke, nyempai ngei kheünyüke; Om dhükahen shei ngei ongyangei nyujü hapai ngei kü nyempühanpü koei peiteke.

JEREMIAH 8:18

Mongong mahdai, ngei kü mongmang peiteke, ngelei mongkü tüngnyüke.

YOUNG LAI 1:20

Oh Shembüpa, ngei meshük ponghahnya, veituh; Ngelei mongkü tüngnyüke, Ngei nüng khüpü nangkü, chingyangshongei jüteishangtei, shemongei dipü mahpü mon nyüke.