JEREMIAH 4:16 - DAÜLANGPÜ LAIHING (BSI)

¹⁶ “Jom halei nyüke!” shei jatthü kü etuh; Shümei yahhen am tailu kahdok leipü peikünyüke shei Jerusalem kü baongeishuoh; jomü Judah chingnyüthü khüei lennyüke.

JEREMIAH 4:16 Referans Kwoze

EZEKIEL 21:22

Büpalei lakdah philei Jerusalemei lashüh jung penyü laamhen pülu temhen, jühen nangkü nyükhen, thep nyükhen, penyüshathü khüei penyü laamhen pülu temhen, lateen lingei ching hahhen shangdü linghen noshi nyüke.

JEREMIAH 5:15

Ngei am touei tailu leipü jat hük müei leikahen, Oh Israel am phang shei Shembüpai enyüke. Hapayü aivang mebü nyupü jat hük; ammi jomei shah nedan nevaijü jomi mehe enya ha ami nedanaokhen.

ISAIAH 39:3

Hapheikü Isaiah thibüi Hezekiah ongpa touei peiyei, “Hathü shennyakthüi mehe ephopa hatü jomphong meleipü peiküpa?” shei phe. Hezekiah-i, “Jomphongü tailu kahdok Babylon leipü ngei yemei peiküpü khih” shei e.

JEREMIAH 50:2

Jatthü kü etuh hatü baongtuh, khüamlung haongtuh hatü baongtuh, Ami nejo-i, “Babylon doteke! Bel kahvang veü dangteke, Marduk kahvang mong laaiyei nyüke, pinnyülei lajeithü veüpai hatü nyempai maei nyüke.”

JEREMIAH 39:1

Zedekiah ongpai Judah kü ong vaipü bong shü mü lenyang anpabü kü Babylon am Nebukadnezzar ongpa hatü büpalei veshanthü Jerusalem khüei peiyei shümteke.

JEREMIAH 31:10

Shembüpalei shah bangtuh, Oh jatthü; hapayü tailu yungkung kahdok thahshi baongtuh; “Üpai Israel am haitük, büpai jom thailanghen, hatü mi yombüi keiha büpai laophülei mi yomhen.

JEREMIAH 16:6

Hapa kahdok kü longpü maanpü peü dihen; jomei mahng nevühen, üpaiyao jom nangkü büm kü nevethahhen hatü sho nekuphen.

JEREMIAH 6:18

Hanangkü bangtuh, Oh jatthü, hatü jom kü mehe vamkahen ha nyingtuh, Oh denbüthü.

JEREMIAH 5:6

Hanangkü phaü leipü mailangi jom jütükhen; bhih kahdok leipü shuwi jom hahtükhen. Shahnyü hük jomei chingnyü khüei danei nyüke; üam haleipü laoei daijahen khih mü shaaktükhen; mehenangkü jomei mang longi, hatü ven nedanpü ahshi longshi nyüke.

JEREMIAH 4:17

Jomü kah yompü am kei shinei thainyüke; mehenangkü pinnyüi ngei khüei yaongteke, shei Shembüpai enyüke.

JEREMIAH 2:15

Mailangthüi jom kü ngüngnyüke, jomi wongmü ngüngteke. Jomi büpalei kahdok hatü chingnyüthü shennyak neshiüi lavüngtoiyei leitükteke.

ISAIAH 34:1

Yopailei peikei, Oh jatthü, hatü bangtuh; Oh shennyakthü kenhingtuh! Kahdoknyü hatü halei nyupüthü peü, kahdoknyü hatü haleipü vampüthü peüi bangtuh.

JEREMIAH 1:15

Shaang ngei apshaphi leipü ongching jatthü peü kü nyüknyüpeih shei Shembüpai enyüke, hatü jom peü peiyei Jerusalem penyüshalei jomei ong uoshing linghen, hatü Judah kü shinpü bhamthü hatü chingnyüthü peü khüei yaonghen.

JEREMIAH 8:19

Bahiyang kempülei ngelei nanglakthü hapakei vaüpü eepü bangtuh: “Zionlei Shembüpa nenyupü je? Pinnyülei Ongpa neshiüpü je?” Shembüpa, jomei ongpai jangei, “Mehekei ammi lajei kü khümei, kung amei kahvangthü kü khümei ngei mongshihhüpa?” shei enyüke.

JEREMIAH 6:19

Bangtuh, Oh kahdoknyü; Veituh, ngei hapa nanglak kü shanghah koei peihen, hayü jomi linghahpü kü vampü betjük; mehenangkü jomi ngelei shah kü nehaka, hatü ngei nyuhpüvenpü kü nenyakneken, jomi ha yaktükteke.

JEREMIAH 6:22

Shembüpai hapakei enyüke: Veituh, apshaphi kahdok leipü shennyakthü peikünyüke; tailu kahdok leipü longpü jat hük layaongkünyüke.

JEREMIAH 6:23

Jomi pülah hatü phung nonyüke, jomü mangshi hatü phahji neshiü, jomei ngeü-ü yungching ngeü keiha, jomi koyeithü kü uonyüke; hampa vehok kü daipükei ow temtü am khüei peikünyüke, Oh Zion nela!