JEREMIAH 4:14 - DAÜLANGPÜ LAIHING (BSI)

¹⁴ Oh Jerusalem, am yanghen shingvaishi ammei mongdang leipü mang daütüktuh. Meshük lushi ammei mongei küpjan ten nyuiyei tuhhenang?

JEREMIAH 4:14 Referans Kwoze

JAKOB 4:8

Kahvang yopailei peikei hatü büpa am yopailei peikahen. Ammei lak daütüktuh, am mang shennyakthü, hatü ammei mongdang daütüktuh, am mong nyi kohpüthü.

PHONGSHANTHÜ DOU 8:22

Hanangkü nüngei mang kübü mong leptuh, hatü Shembüpa kü, aokjema, nüngei mongdangei deihpü mang nüng kü nyemtükphanüng phoptuh.

ISAIAH 55:7

Nemeipüthüi laophülei lem, hatü mang shennyakthüi laophülei chudeih ten yakphongtuh. Jom peüi Shembüpa Kahvang touei mong lepeileituh, hatü büpai jom kü phahjihen hatü mang tükhen.

1 KORINT 3:20

hatü shao, “Shembüpai nahpüthülei chudeih yahlak neshiü shei nyingei nyüke.”

ROM SHAHSHA APPÜ 1:21

mehenangkü jomi Kahvang nyingjao jomi büpa kü Kahvang kei dhüm neshuoh nevaijü büpa kü menvih neshuoh, shejao jomei mongdeih yahlak neshiüi leidai, hatü jomei sholi kü vangnyaki madai.

LUK SHAHSHA APPÜ 11:39

Hahepak kü Shembüpai büpa kü, “Shaang am Pharisee amü nükshung pati shakdok mon daünyüke, shejao mongeiyü hahnempü, hatü mangi maei nyüke.

JEREMIAH 13:27

Shangchingthülei ammei jiühitnalai, mükbongjuyung, vaüpü eepü, neveüi büm yupü ngei eetepih. Onyükei, Oh Jerusalem! Nedaünelangi meshük lushi nyuhenang?”

KANDOK 1:22

Ngapathü, hepak meshük am ngalem kü nyuhenang? Hepak meshük eelapüthüi eelahen kü mongmeihen?

MENVIH KESHO 66:18

Ngelei mongi mang lümjema, Shembüpai ngei epü nedanlangphahen.

MATHI 12:33

Meipü betjükpü sheituh, shejema hapalei betjük meishi chongkahen; nemeipü betjük pü sheijema hapalei betjük nemei-i chongkahen; mehenangkü pü hükü hapalei betjük homei nyingnyüpeih.

EZEKIEL 18:31

Ammi thahpü mangthü peü yaktüktuh, hatü mongdang ja hatü laangha ja yahhahtuh. Am mehekei dihenang, Oh Israel am phang?

MENVIH KESHO 119:113

Ngei mong nyi kohpü am kü jiühitnyeih, shejao ngei nüngei shahkung kü bamnyeih.

MENVIH KESHO 51:2

Ngei pungpü kübü meishi daütükshih, hatü ngelei mang kübü ngei paütükshih.

JEREMIAH 2:22

Ammi sapon longi yah-ei paülangmao, ammei mang ngei touei khashi nyüke shei Shembüpa Kahvangi enyüke.

JEREMIAH 6:19

Bangtuh, Oh kahdoknyü; Veituh, ngei hapa nanglak kü shanghah koei peihen, hayü jomi linghahpü kü vampü betjük; mehenangkü jomi ngelei shah kü nehaka, hatü ngei nyuhpüvenpü kü nenyakneken, jomi ha yaktükteke.

JEREMIAH 17:1

Judah amei mangü nyiam lainyangshongi nyangei nyüke; jomei mongdang yaongshung hatü jomei moidü leipü vaung kü diamond daüppai kukei nyangei nyüke.

ZEKHARIAH 8:17

ammei mongkü hüki hük khüei ten dükhen tetem, hatü shahshem vangeishuwhen teken. Ngei henüng douthü kü jiühitnyeih shei Jeiyong Shembüpai enyüke.”

JEREMIAH 18:11

Hanangkü shaang Judah nanglakthü kü hatü Jerusalemei nyupüthü kü Shembüpai ha enyüke shei etuh: Veituh! Ngei am shing shanghah hük temnyüpeih hatü am khüei küpjan hük lingnyüpeih. Hanangkü ammei mang lemthü kübü am peüi mong leptuh, hatü ammei lem hatü dükhiling ja lingei leituh.

JOHAN 13:9

Simon Peteri büpa kü jangei, “Shembüpa, shejema ngelei la mon nevai, ngelei lak hatü shangjing thahshi paütükshih” shei e.