JEREMIAH 4:11 - DAÜLANGPÜ LAIHING (BSI)

¹¹ Hahepak kü hapa nanglak hatü Jerusalem am kü hapakei ehen: Bhih kahdok shangchingthü leipü nyahpüshampü vanglük ngelei nanglakthü lemei lükteke; hapayü hahbhang shaptükhen nangkü nevai;

JEREMIAH 4:11 Referans Kwoze

HOSEA 13:15

Büpa jeihinaüthü khongkü longi dalangmao ngei bhih kahdok kübü heong vanglük shomhen, hatü jomei yunglok ütükhen; hatü yungkuk jeptükhen. Büpalei hahpuong hatü thushong douvang peü aetlanghen.

EZEKIEL 17:10

Hapa bhiyei shing chaiyei sheijao ha shao koh-aokhen je? Hapa kohpü heong vanglüki lükjü ha chemjalak kü nekaudaihen je?

LUK SHAHSHA APPÜ 3:17

Büpalei lakei hahyüp oom noshi nyüke; büpai ha hah yüpei daütüktü hah kemei büpalei puongmongei thailanghen; shejao hahbhangü mechemao nemetpü aw kü jaktükhen” shei e.

MATHI 3:12

Büpalei lakei om noshi nyüke, hatü büpai laophülei hah yüptükhen, hatü büpai laophülei hah puongmongei thailanghen, shejao hahbhang peü mechemao nemetpü aw kü jaktükhen.

HOSEA 13:3

Hanangkü jomü nepnüng nyaü, nevaijü dhom hepak nyien kei lomi nyadaihen, Hah tenshing kübü hahbhang pidaipükei, nevaijü shaden kü awshit daipükei lüdaikemhen.

EZEKIEL 19:12

Shejao mongshih-ei hapa bhiyei kahdokei yaktükpeih. Heong vanglüki hapa kü jentü betjük kemei kaongtük; hapalei pükaothü kaudai hatü awi hahtük.

YOUNG LAI 4:6

Sodom am kü hanghihüpü kao nyeishi, ngei ngelei nanglakthü kü hanghi shuohteke; Sheühhen neshiüi kansho hük mong aa kü noei yaktükteke.

YOUNG LAI 4:3

Mahui dangkao laophülei cheha kü amma yingei jungnyüpeih; shejao ngelei nanglakthüyü bhih kahdokei ostrikh ou-i cheha kü nejungpükei nyüke.

YOUNG LAI 3:48

Ngelei nanglakthü mahdaipü nangkü ngelei mük kü mükphi yungyen kei yennyüke.

YOUNG LAI 2:11

Theppai ngelei mük poukdaiteke; ngelei nanglakthü mahdaipü nangkü ngelei mongkü tüngnyüke. Hashihthü hatü aküngnaühathü chingyangshongei shomeiyingnyüke.

JEREMIAH 23:19

Veituh, mongshihpai Shembüpalei Yinglükleisho vamkahen, hatü nemeipüthülei shangjing kü alüngleple vamhühen.

JEREMIAH 14:17

Nüngi hathü kü ha shah etuh: Nyakhingai thüngei nedoh-i ngelei mük kübü mükphi yenhütuh; Mehenangkü ngelei pai mü ngühpü nela ngelei nanglak nemei-i ma yahteke, hatü khih mü ngümtükteke.

JEREMIAH 9:7

Hanangkü Jeiyong Shembüpai hapakei enyüke: Ngei shaang jom dokei veihen, ngelei mang nanglakthü kü ngei mehe dükhenang?

JEREMIAH 9:1

Oh ngelei shangjing paoh yunglok vailangmeyü, ngelei mük kü paoh mükphi yunglok vailangmeyü, ngelei nanglakthü jütükpü nangkü nyakhingai thüngei ngei thephen vaipeih.

JEREMIAH 8:19

Bahiyang kempülei ngelei nanglakthü hapakei vaüpü eepü bangtuh: “Zionlei Shembüpa nenyupü je? Pinnyülei Ongpa neshiüpü je?” Shembüpa, jomei ongpai jangei, “Mehekei ammi lajei kü khümei, kung amei kahvangthü kü khümei ngei mongshihhüpa?” shei enyüke.

ISAIAH 64:6

Ham peüi mang thahteke, hatü hamei daülangpü douthü kemei ashakten kei leidai; Ham peü phenlak lei kaudai, hatü vanglüki keiha hamei mangi ham maoei lüdai.

ISAIAH 41:16

Amphongi hathü shaptükhen, hatü vanglüki hathü maoei deilanghen, hatü yinglükpalei-i hathü haitükkemhen.

ISAIAH 27:8

Shembüpai laophülei nanglakthü wüpküpei deishihpai hanghihüteke. Büpai jom mangpü heongphi leipü yinglükleisho touei changei deishih.

ISAIAH 22:4

Hanangkü ngei eteke: “Ngei toueipü nyokei lüdaituh; ngei shahyaki thepshah. Ngelei nanglakthü mahdaipü kü ammi ngelei mong nyiushem meihühen tekhe.

YOUNG LAI 4:10

Nyüthüi laophüi bampü hapeüthü jüei hah; Ngelei nanglakthü mahshingkü, hapeüthü-ü jomei hahying leipeih.

MENVIH KESHO 11:6

Nemeipüthü kü büpai awtao hatü awkaong meli shomhen; nyahpüshampü vanglükü jomei hean vaihen.

JEREMIAH 4:12

ha shingvaishi ahshi wong kohshi. Jom khüei shahphenpeyü ngei hih.

JEREMIAH 13:24

Bhih kahdok leipü vanglüki hahbhang pilangpükei ngei am haitükhen.

HABAKKUK 1:6

Mehenangkü veituh, ngei ahshi-üng mangpü hatü iysham kohpü jat, Babylon am vamhühen; Jomi kahdoknyü bahiyang peülei daiyei mih-ei kahdok kaamlanghen.

HABAKKUK 1:11

Jomü vanglüki kei maoei lüdainyüke, jom mang thahnyüke, hatü nejiüi leinyüke; jomei wongü jomei kahvang leitüknyüke.

HOSEA 4:19

Jomü alüngleple-i maoei deilanghen, hatü jomei moila-i jom kü-üng veü koei peihen.