JEREMIAH 39:9 - DAÜLANGPÜ LAIHING (BSI)

⁹ Veshan mübü Nebuzaradani chingnyülei tuhpü nanglakthü büpa tuhphongpü shennyakthü hatü halei aoei nyupüthü Babylon wüpküpei müei dai.

JEREMIAH 39:9 Referans Kwoze

JEREMIAH 40:1

Veshan mübü Nebuzaradani Ramahlei büpa veyei deishih pheikü Shembüpalei shah Jeremiah touei pei. Büpai Jeremiahyü Jerusalem hatü Judah leipü wüpküpei peipüthü mü nyiamvüi shatü uoshi eeteke.

KAHBHAO 37:36

Hahepak keyü Midian ami büpayü Ijip am Pharaohlei lakchongbü, veshan mübü Potiphar kü yutüktü nyuteke.

JEREMIAH 52:26

Nebuzaradan veshan mübüi hathü peü yah-ei daiyei Riblahlei Babylon ongpa touei müei dei.

JEREMIAH 10:18

Mehenangkü Shembüpai hapa enyüke: Hapa hepak kü ngei hapa kahdokei nyupüthü kü ngei dehilao vamhühen; Jomphongü mih peiyei neüei yahlanghen shingvaishi ngei jom kü shanghah shuohhen.

2 ONGPATHÜ 25:20

Nebuzaradani jom müei Riblahlei Babylon ongpa touei müei pei.

2 ONGPATHÜ 25:11

Nebuzaradani chingei tuhphongpü nanglakthü, neaoknethangpü shennyakthü peü wüpküpei müei dai.

JEREMIAH 16:13

Hanangkü ngei hapa kahdok kübü am nevaijü ambü ampai nenyingpü kahdokei noei shüktükhen, hatü halei ammi lebü kahvangthü vangnyak vangngai chongphoei nyuhen; mehenangkü ngei am kü phahji nehupih.

ISAIAH 5:13

Danaokpü taopü nangkü ngelei nanglakthü wüpküpei daihen; aeipai hamhimanthü dikemhen, hatü nanglak khongnyü yung lepai dikemhen.

2 ONGPATHÜ 20:18

Nüngi bühhahpü hapeüthü hanei müei deilanghen; jomphongü Babylon ongpalei ongshemei ban tüktüktü chongphoei nyuhen” shei e.

SHAHKÜP 4:27

Am maani mon tuhphongtü kemei lebü jatthü touei haitükhen.

LEVI 26:33

Ngei mih jatthü touei am haitükhen, hatü am khüei yan nohen, hatü am kü changhen; ammei kahdok hatü chingnyüthü lavüngtoiyei leitükhen.

JEREMIAH 24:8

Shejao nemeipü adhajük keiha, mepa hahhen nemei, hapa keiha ngei Judah ongpa Zedekiah, büpalei lakchongbüthü hatü hapa kahdok nevaijü Ijip leipü yangei nyupüthü peü kü ngei nohen.

JEREMIAH 38:19

Zedekiah ongpai Jeremiah kü, “Shelei Babylonei heihdaipü Hebrew am kü ngei nyem-angke; mehenangkü Babylon ami ngei hathülei lak kü shuohtükhen khih, hatü jomi ngei kü nemei-i dükphahen khih” shei e.

JEREMIAH 52:27

Hamath kahdok Riblahlei ongpai hathü jütük. Hanangkü Judah am laophülei kahdok kübü yanei wüpküpei daiteke.

JEREMIAH 40:7

Mechem Judah am lakchongbüthü hatü shakei nevami nyupü veshanthüi kahdok kü governor vaihen, hatü taopü nangkü Babylon wüpküpei nedei-i tuhpü nyüha, baha hatü hashih naüha peü shak kü veihen nangkü Babylon ongpai Ahikamei cheha Gedaliah jepüja shei danpa,

DANIEL 2:14

Mechem ongpalei veshan mübü Ariokh-i Babylon kübü nahpülangpüthü jütükhen layaongei daipa, Danieli longi kon kohshi Ariokh kü,