JEREMIAH 38:4 - DAÜLANGPÜ LAIHING (BSI)

⁴ Hahepak kü lakchongbüthüi ongpa kü, “Hapa shennyakü jütükhen vaipü khih. Mehenangkü büpai epü shah homei hapa chingnyülei nyupü veshanthü hatü nanglakthü mong maanhütüknyüke. Hapa shennyakiyü nanglak meihen nevai, jom lomohhühen mon yemnyüke” shei e.

JEREMIAH 38:4 Referans Kwoze

JEREMIAH 26:11

Hapheikü ngongpathü hatü thibüthüi lakchongbüthü hatü nanglak peü kü, “Hapa shennyakü dihen shangteke; mehenangkü büpai hapa chingnyü khüei eteke. Ammei dhaongi ha danteke” shei e.

PHONGSHANTHÜ DOU 16:20

Jomphongi lakchongbü touei deiyei, “Hathüi jenei chingnyülei bukpüshaanpü vamhünyüke, jijiyü Jehoda am khih,

AMOS 7:10

Hahepak kü Bethel leipü ngongpa Amaziah-i Israel amei ongpa Jeroboam touei shahjang shom: “Amos-i nüng khüei Israel kahdok kü küpjan nemeipü lingnyüke. Büpalei shah-i kahmük tentükhen khih.”

JEREMIAH 29:7

Ngei am wüpküpei deiyei tuhpü chingnyü chingmeivangmei hatü dapüshepü kü anghen kentuh, hatü hapa shing Shembüpa kü phoptuh; mehenangkü hapa daeisheyei nyujema amao daeishehen.

NEHEMIAH 6:9

Mehenangkü jomphongi hapa dou nedüki dohhühen shingvaishi nyemshaopü nyuteke. “Shejao shaang, Oh Kahvang, ngelei lak wong kohhütuh” shei ngei phop.

1 ONGPATHÜ 21:20

Ahabi Elijah eeyei büpai, “Oh ngelei vepa, nüngi ngei eepü je?” shei e. Elijah-i jangei, “Hih, ngei nüng eetepih. Mehenangkü nüng nyingi Shembüpa touei mehe mang ha dükhen yutükpü nangkü,

MÜLANGPÜ 5:4

Shejao Ijip ongpai jijinyi kü, “Mosa hi Aaron nyi, mehekei anjinyi-i nanglakthü dou dükpü kübü leilanghen enya? Anji nyiyao dou düktuh!” shei e.

PHONGSHANTHÜ DOU 28:22

Shejao nüngi mehe deih, hami nüng leipü danhahhüangke; mehenangkü hapa khong nangkü peüei khüei langmaanpü hami nyingnyüke” shei e.

PHONGSHANTHÜ DOU 24:5

Hami hapa shennyakü shanghah ngaibü shei nyingei nyüpeih; kahdoknyü peülei Jehoda am mü mophicheü ngainyüke. Büpayü Nazarene khong kü mübü hih.

PHONGSHANTHÜ DOU 17:6

Jomi jiji nedangi Jason hatü vaipüthü hanei chingnyü kü vanglem lempüthü touei shüei deiyei, “Kahdoknyü shakhimong leitükpü shennyakthü hatoueiyao peiteke,

LUK SHAHSHA APPÜ 23:2

Jomi büpa kü thaüvaüei, “Hapa shennyaki hamei jat nyongnyongi leitükteke. Büpai ongpa kü lat teshuoh, büpapa Messiah, ongpa hih shei ehahteke” shei e.

EZEKIEL 22:27

Jomei lakchongbüthüyü shahhing ne-epü mop danghen shingvaishi shuwi yemhimak jüei shaakpükei nyüke, iy yenhüei jünyüke.

EZRA 4:12

Nüngei kahdok leipü leiküpü Jehoda ami Jerusalemei leiyei hapa khüei yaongteipü hatü nemeipü chingnyü lingei leinyüke. Jomi bham lingei chongnyiamthü lingei leinyüke; ha nüngi nyingjü meihen khih.

2 SHÜPPÜKENGPÜ 24:21

Shejao jomi büpa khüei yaong, hatü ongpalei ngeükhüam homei jomi büpa yaongi shükei phopshem chingshelei jütük.

JEREMIAH 11:21

Anathoth am shennyakthü üami nüng jütükhen yanei, “Nüngi Shembüpalei men kü teteivanei te-e; hei nevaijema hamei lak kü mahhen” shei epüthü kü Shembüpai hapakei enyüke

JEREMIAH 18:23

Shejao nüng, Oh Shembüpa, Ngei jühen jomi lingpü kon nyingei nyüke, nüng toueipü jomei mang tethittük. Nüng toueipü jom noei yaktüktuh; nüng mongshih hepak küang jom kü dou dükeishuoh.

JEREMIAH 38:16

Shejao Zedekiah ongpai Jeremiah kü joei lah-ei, “Jen kü ngei shuohpü vanyangyem Kahvang men kü ngei nüng nejütükpih, nevaijü nüng jühen yempüthü kü neshuohpih” shei e.

JEREMIAH 38:25

Lakchongbüthüi ngei nüng mü jaüteipü khih shei danei jomi nüng touei peiyei, ‘Nüngi ongpa kü mehe eshuohpa hatü büpai mehe ephopa ha nejo-i ham kü eshih, hei nevaijema nüng jühen’ shei ephüjema,

JEREMIAH 43:3

Shejao Neriahlei cheha Barukh-i ham Babylon am kü nyemshuohtük, hatü ham nyemjütük nevaijü wüpküpei müei nyemdeilang shei shuongeiyatnyu khih” shei e.