JEREMIAH 38:2 - DAÜLANGPÜ LAIHING (BSI)

² Shembüpai hapakei enyüke: “Üam hapa chingnyülei nyunya, yan, münghishaü nevaijü chami dikemhen, shejao üami Babylonei heihhenshang yangnyu payü yemmü nyuhen.”

JEREMIAH 38:2 Referans Kwoze

JEREMIAH 39:18

Ngei nüng yanghen; nüng yani nemahpih, shejao nüngei yangnyu yanghen; mehenangkü nüngi ngei kü hinglem shei Shembüpai enyüke” shei eteke.

JEREMIAH 45:5

Ammi laophü shing dou longpü yemnyu je? Hathü teyem. Mehenangkü ngei nanglakthü peü kü shanghah koei peihen shei Shembüpai enyüke, shejao nüng melei daihenshang ngei nüng kü yanglem yemei yanghühen.”

JEREMIAH 34:17

Hanangkü Shembüpai hapakei enyüke: Ammi ngelei shah nebang; amphongi jempü Israel am kü bümei hean neshuohpü nangkü shaang ngei am kü bümei hean shuohnyeihhapa bümei heanü yan, cham hatü münghishaü homei mahhen shuohnyeih shei Shembüpai enyüke. Ngei amphongü kahdoknyü jatthü peü touei jiühitbenüng leihühen.

EZEKIEL 14:21

Mehenangkü Shembüpa Kahvangi hapakei enyüke: Ngei Jerusalem khüei dibenüng shahphenpü yanlu, shaühile, phaüyemthü hatü chamhilem haleipü shennyak hatü yemhimakthü jütükhen shingvaishi shomjü meshük mangpüba nyukahen!

JEREMIAH 42:17

Ijiplei yiüei halei chingchingei nyuhen shei deihpüthü peü yan, münghishaü, hatü chami dikemhen; ngei koei peipü shanghah kübü aohen nevaijü yanghen hükao nechongkahen.”

EZEKIEL 7:15

Chingyangshongei depülaopü, shemongei cham hatü shaühile-i maei nyüke. Kahlei phaülei nyupüthüi yani mahhen, chingnyülei nyupüthü cham hatü shaühile-i dikemhen.

EZEKIEL 6:11

Jeiyong Shembüpai hapakei enyüke; Lak aptuh, la shouptuh hatü “Onyükei!” shei lentuh. Mehenangkü Israel am phangi nemeipü mang hatü jiühitbenüng dou lemphü dükteke. Hanangkü jomphongi yan, shaühile hatü chamhilemi mahkemhen.

JEREMIAH 44:13

Ngei Jerusalemei nyupüthü yan, münghishaü, hatü chamhilemi hanghihüpü keiha ngei Ijip kahdokei nyupüthü hanghihühen.

JEREMIAH 42:22

Hanangkü shaang ha nyingtuh: Am daiyei chingchingei nyupüthü shingei yan, münghishaü hatü chami dikemhen.”

JEREMIAH 29:18

Ngei jom kü yan, münghishaü, hatü chamhilemi changhen, hatü melei ngei jom shomhen hatouei jomü kahdoknyü ongchingthü peü touei jiühitbenüng, thaüvaütükpü dou, nyembenüng, eelanyongnya leihühen;

JEREMIAH 27:13

Babylon ongpa chongnephopü jatli kü yan, münghishaü hatü chamhilemi dihühen shei Shembüpai epü kei mehekei nüng hatü nüngei nanglakthü dihenang?

JEREMIAH 24:8

Shejao nemeipü adhajük keiha, mepa hahhen nemei, hapa keiha ngei Judah ongpa Zedekiah, büpalei lakchongbüthü hatü hapa kahdok nevaijü Ijip leipü yangei nyupüthü peü kü ngei nohen.

JEREMIAH 21:4

“Zedekiah kü Shembüpai hapakei enyüke shei etuh: Bham haolei am kü shümei nyupü Babylon ong hatü büpalei nanglakthü khüei ammi noshi nyupü vehok phunglang kemei am khüei ngei leitükhen, hatü ngei hathü chingnyü mongei thaihühen.

JEREMIAH 27:11

Shejao mepa jati Babylon ongpalei pang paihen hatü chongphohen, ngei jomü laophülei kahdokei kahling yungpüei chingchingei nyuhühen shei Shembüpai enyüke.

JEREMIAH 29:16

Shejao Davidei ong uoshing kü uopü ongpa, hatü chingnyülei nyupü nanglakthü, hatü am mü wüpküpei nedaipü ammei kahmük nanglakthü kü Shembüpai hapakei enyüke: