JEREMIAH 37:3 - DAÜLANGPÜ LAIHING (BSI)

³ Zedekiah ongpai Jeremiah touei hapa shahjang koei Shelemiahlei cheha Jehukal mü Maaseiahlei cheha Zephaniah ngongpa shom: “Hamphong shing chingmeilemlingei Shembüpa, jenei Kahvang kü phopshih.”

JEREMIAH 37:3 Referans Kwoze

JEREMIAH 52:24

Ongpalei veshan mübüi ngongchong Seraiah, nyipabü ngongpa Zephaniah hatü shaden yombüthü jom jemi yepei khoklatei yah-ei dai.

JEREMIAH 42:20

am longi pungteke shei nyingtuh. Mehenangkü ammi ngei Shembüpa, ammei Kahvang touei, ‘Ham shingvaishi Shembüpa, hamei Kahvang kü phopshih, hatü Shembüpa, hamei Kahvangi mehe ehen, ha hami dükhen’ shei eshi shomteke.

JEREMIAH 29:25

Jeiyong Shembüpa, Israel Kahvangi hapakei enyüke: Nüngi nüngei men kü Jerusalemei nyupü nanglakthü peü kü, Maaseiahlei cheha Zephaniah ngongpa touei, hatü lebü ngongpathü touei shomteke. Nüngi Zephaniah kü,

JEREMIAH 2:27

Ammi pü kü, “Nüngü ngelei pa”, hatü yaong hük kü, “Nüngi ngei bühpeih” shei enyüke. Mehenangkü ngei kü jomei dhe nevai, jomei ngaümphei lepei hunyüke. Shejao shanghahpü hepak kü, “Peiyei ham yangshih” shei enyüke.

1 ONGPATHÜ 13:6

Jeroboam ongpai hapa Kahvang shennyak kü, “Shembüpa nüngei Kahvang kü ngelei lak meihen shingvaishi phopshih” shei e. Hanangkü hapa Kahvang shennyaki Shembüpa kü phop, hatü ongpalei lak sheleipü keiha meidai.

PHONGSHANTHÜ DOU 8:24

Simoni, “Nüngi shaang epü meheyao ngei kü nedhaümhen Shembüpa kü ngei shingvaishi phopshih” shei jangei e.

JEREMIAH 38:1

Shaang Mattanei cheha Shephatiah, Pashhurlei cheha Gedaliah, Shelemiahlei cheha Jukal, hatü Malkiahlei cheha Pashhur hathüi nanglak peü kü Jeremiah-i eshuohpü ha shah danteke;

JEREMIAH 29:21

Ngelei men kü amphong kü shahshem teteivanei epü Kolaiahlei cheha Ahab hatü Maaseiahlei cheha Zedekiah nyi nang Jeiyong Shembüpa, Israel Kahvangi hapakei enyüke: “Ngei jomphong Babylon ongpa Nebukadnezzarlei lak kü shuohhen, hatü nüngi eeshi büpai jom jühen.

1 SAMUEL 12:19

Nanglakthü peüi Samuel kü, “Shembüpa, nüngei Kahvang kü nüng chongphobüthü nedihen shangmü phopeishuoh, ham shing ong hük yüpai hamei mangthü kü shao ühahpü khih” shei e.

BHEI-IE 21:7

Nanglakthüi Mosa touei peiyei, “Hami Shembüpa hatü nüng khüei eela shingkü mang thahteke. Shembüpai ham toueipü biü yahlanghen phopeishuoh” shei e. Hanangkü Mosai nanglakthü shingvaishi phop.

MÜLANGPÜ 10:17

Shao-üng chem ngelei mang tükshih, hatü Shembüpa, ammei Kahvang kü ngei toueipü hapa dibenüng hanghi yahlangeishuoh shei phopshih” shei eteke.

MÜLANGPÜ 9:28

Shembüpa kü phopeishuoh! Mehenangkü vangmuk khungpü ngeü hatü shüyaongi madaiteke; am hajük kü halei nyuhen nadang neshiü; ngei am deishihhen hih” shei eteke.

MÜLANGPÜ 8:28

Hanangkü Pharaoh-i, “Jahpanei Shembüpa, ammei Kahvang kü jakpü moila shuohhen ngei am leishihhen, shejao am longi taishi nedaihen vongbong. Shaang ngei shingvaishi phopshih” shei e.

MÜLANGPÜ 8:8

Hahepak kü Pharaoh-i Mosa hatü Aaron nyi kü nyükei, “Ngei hatü ngelei nanglakthü toueipü louk yahlangshih shei Shembüpa kü phopeishuoh hatü Shembüpa kü jakpü moila shuohhen ngei nüngei nanglakthü leishihhen” shei eteke.

JEREMIAH 15:11

Shembüpai eteke: Hingmei ngei nüngü mükhong meipü shingvaishi yanghen; hingmei ngei nüngei vepathü vongshüh pongpü hatü shanghahpü hepak kü nüngi phopshuohhen.

JEREMIAH 37:7

Shembüpa, Israel Kahvangi hapakei enyüke: Ngei kü shah phehen nangkü anji shompü Judah ongpa kü ha etuh; nüng kü sheühhen nangkü viong peih-ei heihküpü Ijip amü shao jomei kahdok yemei leidaihen.

JEREMIAH 37:17

Hapheikü Zedekiah ongpai büpa yahnüng deishih-ei ongshemei müei lei, hatü ongpai joei büpa kü, “SHEMBÜPAleipü peipü shah meheyao nyüla?” shei phe. Jeremiah-i “Nyüpeih!” shei e. Hahepak kü büpai, “Nüngü Babylon ongpa kü shuohtükhen” shei e.

JEREMIAH 42:1

Hapheikü veshan lakchongbüthü mü Kareahlei cheha Johanan, Hoshaiahlei cheha Azariah hatü nanglak maanpü kübü longpü peü heih-ei,