JEREMIAH 36:2 - DAÜLANGPÜ LAIHING (BSI)

² “Laidü hük yahtuh hatü ngei Israel, Judah hatü lebü jatthü nangkü Josiah-i vanglem lempü hepak kübü eyei heihdaipü shinnyih thahshi etükpü shahthü peü ha kü nyangtuh.

JEREMIAH 36:2 Referans Kwoze

JEREMIAH 30:2

“Shembüpa, Israel Kahvangi hapakei enyüke: ‘Ngei nüng kü epü shahthü peü lai hük kü nyangtuh.

JEREMIAH 25:3

Judah am Amonei cheha Josiah-i ong vaipü bong anpüjempabü kü pangei shinnyih ngoishi bong hapüjem mongkü Shembüpalei shah ngei touei peiteke, hatü nedoh-i ngei am kü etepih, shejao ammi ha nebangpeih.

JEREMIAH 1:10

Veihümao, shinnyih ngei nüngü jatthü hatü ongchingthü bhitükhen, hatü vütükhen, mangtükhen hatü yaktükhen, linghen hatü sheihen shingvaishi jenyüpeih.”

MÜLANGPÜ 17:14

Hahepak kü Shembüpai Mosa kü, “Deih-ei danghen shingvaishi hapa vehok neüpü laitap hük kü nyangtuh hatü Joshua-i danshi ietuh. Ngei vangsho phangkü Amalek am chemjalak kü deiheilehen kübü thitei yaktükhen” shei eteke.

EZEKIEL 2:9

Hahepak kü ngei veishuohshingkü ngei touei lak hük yiükei-i ee, hatü hapalei laidü hük notü ngei touei hapa laiteke.

JEREMIAH 51:60

Jeremiah-i Babylon am kü peihen vongshüh kemei laidü hük kü nyangteke, Babylon nangkü ha peü nyangei nyüke.

JEREMIAH 36:23

Mechem Jehudi-i laipha jem ali iepa, ongpai longkhoih yah-ei vetvettü hapa laidü kemei aw kü jaktük

JEREMIAH 36:6

hanangkü nüng dangkao shüaeiyunglepü nyih kü daituh, hatü ngei ju mü epü kü nüngi nyangpü Shembüpalei shah nanglakthüi danshi iejatuh, hatü shao jomei jila leipü aongpü Judah am peü danshi iejatuh.

ISAIAH 8:1

Shembüpai ngei kü, “Yaongshung longpü hük yahtuh, hatü hapa kü laknyang kuk longshi Maher-shalal-hash-baz shei nyangtuh,

MENVIH KESHO 40:7

Hahepak kü ngei, “Ngei hammü nyüpeih, ngei peitepih hapa shahkungnyü laidülei ngei jung nyangei nyüpeih.

EZRA 6:2

Media kahdok Ekbatana chingei laidü hük hapakei nyangtü dang:

HOSEA 8:12

Ngei jom shing ngelei shahkung longi nyangei nyuhshuohjao, jomi hayü douthüng kei yakphongnyüke.

JEREMIAH 45:1

Josiahlei cheha Jehoiakimi Judah kü ong vaipü bong alipabü kü Jeremiah-i eshuohpü shah Barukh-i nyangphei kü Jeremiah thibüi Neriahlei cheha Barukh kü ha eteke:

JEREMIAH 36:29

Shao ongpa Jehoiakim kü Shembüpai hapakei enyüke shei etuh: Nüngi hapa laidü jaktüktü, “Mehekei nüngi Babylon ong peiyei hapa kahdok mangtüktü haleipü nyüha baha hatü yemhimak kemei jütükhen shei nyangpa?” shei eteke.

JEREMIAH 2:4

Shembüpalei shah bangtuh, Oh Jakob am shem, hatü Israel am phangthü kemei.

JEREMIAH 1:5

“Naü uoshingei ngei nüng lingshekü ngei nüng nyingei nyuhampeih. Nüng bühshekü ngei nüngü hayaoha khaatei tuhpeih; Ngei nüngü jatthü touei thibü hük vaihen jepeih.”

JOB SHAHSHA APPÜ 31:35

“Oh hanei-i dangkao ngei epü banglang meyo! Hamü ngelei mienshahng tuhnyeih, Jeiyong Kahvangi ngei kü jangshih!” Oh, ngei khüei ngelei vepathüi nyangpü lai deikülangmeyo!

SHAHKÜP 31:24

Mosai hapa shahkung chongpangpü kübü dohpü thahshi laitap hük kü nyangei kempheikü,

HEBREW 10:7

Hahepak kü, ‘Ngei hammü nyüpeih, ngei nang lai kü ha nyangei nyüke– ngei nüngi mongpü düknüng peipeih, Oh Kahvang’ shei ngei epeih.”

JEREMIAH 1:9

Hapheikü Shembüpalei lak ngei touei peiyei ngelei ju kü hongtü e, “Shaang ngelei shah nüngei ju kü shihtepih.

JEREMIAH 36:14

Hahepak kü lakchongbüthü peüi Barukh kü ha ehen shingvaishi Kushilei cheha Shelemiah, Shelemiahlei cheha, Nethaniah, Nethaniahlei cheha Jehudi shomei, “Nüngi nanglak peüi danshi iepü laidü yah-ei heihkei” shei e. Hanangkü Neriahlei cheha Barukh-i hapa laidü notü jomphong touei pei.

JEREMIAH 36:18

Barukh-i, “Hih, hathü shah kemei büpai jui epha-i ngei hapa laidü kü shiai yah-ei nyangpeih” shei e.