JEREMIAH 34:22 - DAÜLANGPÜ LAIHING (BSI)

²² Ngei ngeükhüam shuohhen, hatü ngei hathü hapa chingnyülei müei leihen shei Shembüpai enyüke. Jomi ha khüei hokhen, kaamei yahhen hatü awi haptükhen. Üpaiyao nenyuaokhen mü ngei Judah jilathü lavüngtoiyei tuhphonghen.

JEREMIAH 34:22 Referans Kwoze

JEREMIAH 9:11

Ngei Jerusalemü benei shüngpü dou leitükhen, mahuthü nyuishing leitükhen, hatü Judah jilathü shennyak neshiüi lavüngtoiyei leitükhen.

JEREMIAH 39:8

Babylon ami ongshem hatü nanglakthülei shem awi haptük hatü Jerusalem bham bentük.

JEREMIAH 52:13

Büpai Shembüpalei shem, ongshem hatü Jerusalem leipü shemthü peü kü awi hap. Shongnyü shemthü peü büpai shamtük.

JEREMIAH 52:7

Hahepak kü hapa chingnyü bham mangtüktü veshanthü peü nyaidaikem. Chingnyü kü Babylon am shinei nyujao ongpalei pe yopailei bham nyi aa kübü shaden homei yanüng nyak kü jomi chingnyü tuhtü lüdaikem. Jom Arabah lemei nyaidai,

JEREMIAH 44:22

Shembüpai ammi dükpü mang dou hatü jiühitbenüng douthü nenenaokpü nangkü ammei kahdokü lavüngtoiyei shennyak nenyu-i thaüvaü dou hük shinnyih thahshi leitükpeih.

JEREMIAH 33:10

Shembüpai hapakei enyüke: Ammi hapa shingkü, “Shennyak hatü yemhimak nenyuphei keyü angsha hih” shei eteihamteke. Shejao Judah hatü Jerusalem chingyangshong yemhimakao neshiüi nyupü shingkü,

MATHI 22:7

Ongpa mongshih. Büpai veshanthü shomei shennyak jüpüthü jütük, hatü jomei chingnyü awi haptük.

ZEKHARIAH 7:14

Jomi nenyingpü kung kahdokei alüngleple kei ngei jom maoei haitükpeih. Üpaiyao nenyui hajük meipü kahdok lavüngtoiyei tuhphongpeih. Hapa keiha meipü kahdok jomi vüngmaki tuhhen mü lingteke.

ZEKHARIAH 1:12

Hahepak kü Shembüpalei phongshani, “Oh Jeiyong Shembüpa, nüngi Jerusalem hatü Judah chingnyüthü kü bong pejempüan thahshi mongshihteke, shejema hepak meshük lushi nüngi jom shing phahji shonglanghenang?” shei eteke.

MIKA 7:13

Shejao kahmük payü halei nyupü shennyakthüi dükpü mang homei lavüngtoiyei yakphonghen.

AMOS 3:6

Mechem vebaong shemm kaonghenshang, nanglakthü nenyemnyu hiang? Shembüpai neshompheikü chingnyü hük kü vongshüh peinyu hiang?

YOUNG LAI 1:1

Chemü shennyak maei nyupü chingnyü, shaang mekei lavüngtoidaipa! Pinnyü chemü jatthü peü mü longpü vaihampü, shaang mekei vaümnyü kei leidaipa! Pinnyü chemü ongchingthü shak kü onglanyü vaihampü shaangü aa leidaiteke.

JEREMIAH 38:23

“Ammei nyühihathü peü Babylon am touei müei daihen. Nüngao jomei lak kübü neyangaokhen, shejao Babylon ongpai shümei yahlanghen, hatü hapa chingnyü awi shamtükhen.”

JEREMIAH 32:29

Hapa chingnyü khüei hokpü Babylon am peiyei awi haphen, hatü ngei mongshihhüei Baal kahvang kü shem adokei ayingshü jakei khümpü hatü lebü kahvangthü kü yiü moila shuohteipü shemthü awi haptükhen.”

JEREMIAH 4:7

Yingnyü leipü mailang hük vamei daitih, jatthü mangteipü hük laoei daitih; büpa laophülei shing leipü, kahdok lavüngtoiyei tuhhen; shennyak nyuhen neshiüi chingnyüthü mahtükhen vamei lüdaitih.

ISAIAH 64:10

Nüngei daülangpü chingnyüthü phaü leidaiteke, Zionü yingnyü yingchong, hatü Jerusalemü lavüngtoiyei leidaiteke.

ISAIAH 37:26

Hepak luangi daiteke, hapakei nyemvam shei ngei hanpeih; ha nüngi nedanangpü je? Penyü showtükpü chingnyüthü yaong khongpükei nüngi leitükpeyü ngei aivang den mebü hapa küpjan lingpeih, hatü shaang ngei hapa vamhüpeih.

ISAIAH 24:12

Chingnyü-ü lavüngtoiyei yakshi nyüke, penyüshathü peü bendai.

ISAIAH 13:3

Ngei mongshihpü show laihen ngei ngelei daülangpüthü kü etepih, ngelei vehokbüthü hatü monglongpü veshanthü kü nyüktepih.

ISAIAH 6:11

Hahepak kü ngei, “Oh Shembüpa, nyih meshük lushi hapakei tuhhen?” shei phe. Büpai ngei kü, “Chingnyüthü kü, hatü shemthü kü nyuhen shennyak neshiüi, hatü kahdok chemjalak kü lavüngtoiyei manglei thahshi;

2 SHÜPPÜKENGPÜ 36:17

Hanangkü büpai jom khüei Babylon ongpa vamhü, hatü büpai jomei daülangpü shemei thehila yani mahhü; hatü büpai nephahji-i thehila, viüdaipüthü nevaijü nekam neyaongaokpüthü peü büpalei lak kü shuoh.

2 SAMUEL 16:11

Davidi Abishai hatü büpalei chongphobüthü peü kü, “Ngelei hapeü dangkao ngei jühen yemjü Benjamin ami neyemhen je? Büpa hei-üng nyemnyu, hatü büpai nyemthaüvaü; mehenangkü Shembüpai hapakei dükhen eshuohpü khih.

2 ONGPATHÜ 25:6

Riblah chingnyülei Nebukadnezzar touei Zedekiah yepei lei, hatü halei büpa hanghihühen shahphen shuoh.

JEREMIAH 34:2

Shembüpa, Israel Kahvangi hapakei enyüke: “Shembüpai hapakei enyüke shei Judah ongpa Zedekiah touei peiyei etuh: Ngei hapa chingnyü Babylon ongpalei lak kü shuohtükhen, hatü büpai ha awi haptükhen.

JEREMIAH 50:13

Shembüpai mongshihpü nangkü üamao halei nenyuhen, shejao lavüngtoiyei leidaihen; Babylon peih-ei daipüthü peüi hanhen, hatü pinnyü ma yahpü eetü thamahen.

EZEKIEL 13:22

Ammei shahshemi daülangpü shennyakei mong maanhüteke, hatü nemeipüthü kü jomei mang lem kübü nyokei leiyei yanghen nevai-i hapa lem kübü lepei neleihen mongnang thongteke.

2 ONGPATHÜ 25:9

Büpai Jerusalem moilashem, ongshem hatü Jerusalemei nyupü shemthü peü awi haptük. Shongnyü shemthü peü awi haptük.

JEREMIAH 2:15

Mailangthüi jom kü ngüngnyüke, jomi wongmü ngüngteke. Jomi büpalei kahdok hatü chingnyüthü shennyak neshiüi lavüngtoiyei leitükteke.