JEREMIAH 34:11 - DAÜLANGPÜ LAIHING (BSI)

¹¹ Shejao hapheikü jomi mong yeiya, hatü jomi bümei hean shuohtükpü aathü shao yah-ei leiyei aa leihü.

JEREMIAH 34:11 Referans Kwoze

CHONGVENBÜ 8:11

Mechem hangku sho mahtükpü kü lomi hanghi neshuohhenshang, hangkuthülei mongkü ten dükhen temnyüpeih.

KANDOK 26:11

Shi hüki laophüi bhaipü hahnüng leipükei, ngapa hüki laophülei ngadou leiyei leiyei düknyüpeih.

ZEPHANIAH 1:6

Shembüpa phei nemü-i lüdaipüthü, hatü büpa baong neyempüthü, nevaijü büpa kü nephepüthü mahtükhen.

HOSEA 7:16

Jomi nanglei neshiüpü lemei lepdainyüke; Jomü mangdaipü lah keiha nyüke; jom changmei shah epü nangkü jomei mübüthü yani mahhen, Ha eeyei Ijip ami nyiteihen.”

HOSEA 6:4

Shejao Shembüpai enyüke, Oh Ephraim hatü Judah, ngei am kü mehe dükhen? Ammi bampeyü dhom hepak kü nyaü hatü nyien kei lomi mahdainyüke.

JEREMIAH 37:5

Ijip leipü Pharaohlei veshanthü viong homei peikünyükeja shei danei Babylon am Jerusalem shümei nyupü kübü jom nyokei leidai.

JEREMIAH 34:21

Judah am Zedekiah ongpa hatü büpalei lakchongbüthü peü jom jühen yempü vepathü kü shuohtükhen. Am jühen kübü doh-ei nyupü Babylon ongpalei veshanthü kü shuohtükhen.

MENVIH KESHO 125:5

Shejao üami kaokhinyom lemei lepnya, Shembüpai ten dükpü am mü changtükhen. Israel kü chingmeivangmei nyutuh.

MENVIH KESHO 36:3

Jomei ju kübü shahthüyü mang hatü shahshem mon nyüke; Jomi kon kohshi dükhen hatü mei dükhen dohdaiteke.

1 SAMUEL 26:21

Hahepak kü Sauli, “Ngei pungei dükteke; nyokei leikei, ngelei hapeü David; hajük kü ngei nüng kü meheyao ne-epih; nüngi ngelei yangnyu shinnyih yangei tuhteke; ngei ngapü khih; ngei longi pungteke” shei e.

1 SAMUEL 24:19

Mehenangkü üpai laophülei vepa heütü meishi yangei leishihpü nyüpa? Nüngi shinnyih ngei kü mei dükpü shing Shembüpai nüng kü thintho nyemshuoh.

MÜLANGPÜ 9:28

Shembüpa kü phopeishuoh! Mehenangkü vangmuk khungpü ngeü hatü shüyaongi madaiteke; am hajük kü halei nyuhen nadang neshiü; ngei am deishihhen hih” shei eteke.

MÜLANGPÜ 8:15

Shejao mechem Pharaoh-i loukthü didaipü eepa, Shembüpai epü keiha büpa shao mong vaanei lei, hatü Mosa hi Aaron nyi-i epü nebang.

MÜLANGPÜ 8:8

Hahepak kü Pharaoh-i Mosa hatü Aaron nyi kü nyükei, “Ngei hatü ngelei nanglakthü toueipü louk yahlangshih shei Shembüpa kü phopeishuoh hatü Shembüpa kü jakpü moila shuohhen ngei nüngei nanglakthü leishihhen” shei eteke.

JEREMIAH 34:10

Hanangkü lakchongbüthü hatü nanglak peüi nyüha baha aathü peü hükao aa kei netuh-i bümei hean shuohhen shei vangeishuwteke. Jomi mongteitü bümei hean shuoh.

JEREMIAH 34:12

Hahepak kü Shembüpalei shah Jeremiah touei peiteke:

JEREMIAH 34:16

Shejao shaang ammi ha kübü nyokei leiyei ngelei men sheihtükteke, hatü nyüha, baha aathü jomi mongpülei daihen ammi bümei hean shuohtükpüthü shao nyeanei aa leihüpeih.