JEREMIAH 34:1 - DAÜLANGPÜ LAIHING (BSI)

¹ Mechem Babylon ongpa Nebukadnezzar hatü büpalei veshanthü hatü büpalei ongching phang kübü nanglakthüi Jerusalem hatü hapa kü shonpü jilathü khüei hokei nyupa, Shembüpa leipü hapa shah Jeremiah touei peiteke:

JEREMIAH 34:1 Referans Kwoze

JEREMIAH 1:15

Shaang ngei apshaphi leipü ongching jatthü peü kü nyüknyüpeih shei Shembüpai enyüke, hatü jom peü peiyei Jerusalem penyüshalei jomei ong uoshing linghen, hatü Judah kü shinpü bhamthü hatü chingnyüthü peü khüei yaonghen.

JEREMIAH 32:2

Hahepak keyü Babylon ongpalei veshanthüi Jerusalem shümei yahtü nyu, hatü Jeremiah thibüyü ongshem yompü veshanthülei shemei küpshi nyu.

DANIEL 5:19

Büpa kü hapakei shaopü uoshing yahshuohpü nangkü nanglakthü hatü jatthü peü hatü shahlem laolao epü shennyakthü peüi büpa kü nyemei kheühampeih. Büpai jütükhüpüthü jütük; yemmü tuhhüpüthü yemmü tuh; büpai uoshing dokpalei anshuohhüpüthü nevaijü vütükhüpüthü kü büpai mongpükei dükhampeih.

DANIEL 4:22

ha püyü Oh Ongpa, nüng khih! Nüngü longi shaoshi hatü wong kohshi longteke. Nüngü vangsho kü shongshi longteke, hatü nüngei nganhiwong kahdoknyü peü philei daiteke.

DANIEL 4:1

Nebukadnezzar ongpai kahdoknyü kü nyupü nanglakthü, jatthü hatü shahlem laolao epüthü peü touei hapa selam shahjang shomnyeih; am longi angeideiyei nyutuh!

JEREMIAH 34:7

Hahepak kü Babylon ongpalei veshanthü Jerusalem khüei hatü lebü Judah jilathü mü Lakhish hatü Azekah nyiyao omshi hah-ei nyuteke; Judah kü penyü showtükpü chingnyüthü mon aoei nyuteke.

JEREMIAH 21:2

“Chingmeilemlingei hamei men kü Shembüpa kü phekütuh; mehenangkü Babylon ongpa Nebukadnezzari ham khüei vehok pangkünyüke. Üpai nying, Shembüpai peihdaipü hepak kü dükpükei, shaangao yashanyale dou dükjü büpa ham toueipü leidaiphahen aokpeih” shei e.

JEREMIAH 32:1

Hapayü Judah kü Zedekiah-i ong vaipü bong anpabü kü, hatü Nebukadnezzar ong vaipü bong anpüshetpabü kü Jeremiah touei peipü Shembüpalei shah.