JEREMIAH 33:7 - DAÜLANGPÜ LAIHING (BSI)

⁷ Ngei Judah hatü Israel am wüpküp leipü müei leihen, hatü shelei nyupükei lingei leihen.

JEREMIAH 33:7 Referans Kwoze

JEREMIAH 30:3

Ngei ngelei Israel hatü Judah nanglak wüpküp leipü müei leihen nyihthü ngoikünyüke, shei Shembüpai enyüke, hatü ngei chebü chepa kü shuohpü kahdokei chingchingei nyuhühen’ shei Shembüpai enyüke.”

ISAIAH 1:26

Sheleipü keiha ngei am kü shahphenbüthü, hatü chongpangpü nyihthü kü keiha shahnying venbüthü nyokei yahphahen. Hapheikü am kü Daülangshemshepü Chingnyü, Monglemaokpü Chingnyü shei nyükhen.

JEREMIAH 32:44

Benjamin kahdok kü, Jerusalem shinpü chingthü, Judah jilathü, heshüphi kahshangla hatü Negeb kü kahthü shakei hapa kü füoshang shingei denpü shuohhen, mehenangkü ngei laphen lingei leihen” shei Shembüpai enyüke.

JEREMIAH 31:4

Shao ngei nüng lingei leihen, hatü am ja lingei leihen. Oh pai mü ngühpü nela Israel, Shao ammi tambourin vüngei mongongpai phaukteihen.

JEREMIAH 29:14

Ammi ngei danghen shei Shembüpai enyüke, hatü ngei mepa shing leipü am wüpküpei müei daipa, hapa shingei-üng müei leilanghen.

JEREMIAH 42:10

Ammi hapa kahdokei nyujema, ngei am linghen hatü nevütükhen; ngei am sheiphonghen shejao nebhitükhen; mehenangkü ngei am kü shuohpü shanghah eeyei ngei mongshangnyeih.

JEREMIAH 33:26

ngei Jakob hatü ngelei chongphobü Davidei hühihathü yaktükhen, hatü ngei Abraham, Isak hatü Jakobei hühihathü shak kü vanglem lemhen büpalei hathü khong kübü hükao nejehen. Mehenangkü ngei jom dahüshehühen hatü jom kü phahjihen.

JEREMIAH 31:28

Ngei jom bhitükhen, vütükhen, yaktükhen, mangtükhen hatü shanghah koei peihen lishi dükpü keiha jom linghen hatü sheihenao lishi dükhen.

JEREMIAH 30:20

Jomei hapeüthüyü shelei nyupükei nyuhen, hatü jomei thaihiyu chongkhenei linghen; hatü jom kü shüveipüthü kü ngei hanghi shuohhen.

JEREMIAH 30:18

Shembüpai hapakei enyüke: “Ngei ngelei nanglakthü jomei kahdokei leishihhen, hatü jom nyushing peü kü phahjihen; Bentükpü shing kü chingnyü shao lingei leihen, hatü ongshem hapalei shing kü vehühen.

JEREMIAH 24:6

Ngei ngelei müki hathü kü mei shingvaishi veihen, hatü ngei hathü hapa kahdokei müei leihen. Ngei jom lingei leihen, shejao jom neshaaktükpih; ngei jom sheiphonghen, shejao nebhitükpih.

JEREMIAH 23:3

Ngei haitükpü ngelei mithü kahmük peü leipü ngei thaihen, hatü kahdok yemei müei leihen; halei jomi hapeüthü longi angei nanglak dahen.

MENVIH KESHO 126:4

Negeb yungyenthü kü vang keiyei yung yenhüpü keiha, ham daeisheyei leihüshihma, Oh Shembüpa.

MENVIH KESHO 85:1

Shembüpa, nüngi nüngei kahdok kü phahjiei deihteke; nüngi Jakob shao daeisheyei leihüteke.

MENVIH KESHO 14:7

Oh Israel am shing yemleipeyü Zion leipü peikahen! Mechem Shembüpai Israel amei laphen nyokei linghen, Jakob mongonghen, Israel mongmeihen.

ZEKHARIAH 1:17

“Shao ha baongtuh: Jeiyong Shembüpai enyüke: Ngelei chingnyüthü shao mophimo-i aüh-ei yenhühen, hatü Shembüpai shao Zion nyiushem meihühen hatü shao Jerusalem jehen.”

ZEPHANIAH 3:20

Hapa nyih, ngei am haidaipüthü shemei müei leihen, mechem ngei am shao bümeiyangma leihühen, Kahdoknyü hangku peü khongkü ngei am kü dhüm shuohhen, hatü menvih shuohhen shei Shembüpai enyüke.

HOSEA 2:15

Halei ngei pinnyü kü pinnyülei nyalingngupai yahshuohhen, hatü Akhor kahjiyü monglempü kahji leihühen. Halei pinnyüi nela hepak kü keiha, hatü pinnyü Ijip leipü vamei daipü nyih kü kei ngei kü ephahen.

JEREMIAH 33:11

mongongmonglepü ngeü, yiükjing mo kü mongongteipü ngeü hatü Shembüpalei shem kü menvih shuohpü, moila koei peipüthülei ngeü hapakei eyei danhen, “Jeiyong Shembüpa kü menvih shuohtuh, mehenangkü büpayü meiangpeih; büpa bampü hüdenhalenshi nyunyeih.” Mehenangkü ngei hapa kahdok kü sheleipü keiha dapüshepü koei peihen shei Shembüpai enyüke.

MENVIH KESHO 126:1

Mechem Shembüpai wüpküpei nyupü am Zionlei leipa, hamphongü mangh manghpükei nyupeih.

JEREMIAH 31:38

Ngei shingvaishi hapa chingnyü Hananel Shangdü kübü Shouk Peshaden thahshi linghen.

JEREMIAH 50:4

Hathü nyih kü hatü hapa hepak kü Israel hatü Judah nanglakthü chemi thepyaki Shembüpa, jomei Kahvang yemhen.

YOUNG LAI 4:22

Oh Zion nela, ammei mang lat hanghipü dohdaihen, Büpai am hajük kü küpei netuhhen. Shejao ammei mang nangkü, Oh Edom nela, büpai am hanghihühen, büpai ammei mang shakei ngaihen.

EZEKIEL 39:25

Hanangkü Shembüpa Kahvangi hapakei enyüke: Ngei shaang wüpküp leipü Jakob müei leihen, hatü Israel nanglak peü kü ngei shinshanghen, hatü ngei ngelei daülangpü men kü nyakeikenhen.

ISAIAH 52:8

Bangtuh! ammei yombüthüi jomei ngeü anei chemi mongongpai lennyüke. Mechem Shembüpa Zionlei leihen, jomei müki lekei ha eehen.