JEREMIAH 33:16 - DAÜLANGPÜ LAIHING (BSI)

¹⁶ Hathü nyih kü Judah hatü Jerusalem am yangei nyuhen. Hapa chingnyü kü, “Shembüpayü jenei Yemleipüba” shei nyükhen.

JEREMIAH 33:16 Referans Kwoze

JEREMIAH 23:6

Büpalei nyihthü kü Judah yanghen, hatü Israel am nyiushemmei kü nyuhen. Büpa kü, “Shembüpayü jenei daülangpüba” shei nyükhen.

1 KORINT 1:30

Büpayü Jisu Khrista kü ammei yangnyu ngamshing; büpayü jen shing Kahvang leipü kihikon, daülangshemshepü, daühüpü hatü angei leibü leipeih;

ISAIAH 45:17

Shejao Israel amü nedohnetenpü yemleipübai yanglanghen; Nedohnetenpü thahshi amü mechemao veü neponghühen.

PHILIPPI 3:9

hatü shahkungnyü leipü peipü ngelei daülangshemshepü nevai, shejao Khrista kü hinglempü homei hinglempü kü laphentü vampü Kahvang leipü daülangshemshepü kü nyuei ngei büpa kü eehen.

2 KORINT 5:21

Mehenangkü büpa kü jen Kahvang daülangshemshepü leihen shingvaishi jenei men kü büpai mang nenyingpü hük mang leihüteke.

ROM SHAHSHA APPÜ 11:26

Hapakei Israel am peü yanghen; hapa nyangei nyüke: “Zion kübü Yemleipüba peikahen; büpai Jakob kübü mangthü peü yaktükhen.”

2 PETER 1:1

Simon Peter, Jisu Khristalei chongphobü hatü phongshan hüki jenei Kahvang hatü Yemleipü Jisu Khrista daülangshemshepü homei ham keiha hinglempü douvang kei yahpüthü touei,

ISAIAH 45:22

Ngei touei mong lepei leikei, hatü yemleipü yahtuh kahdoknyü hangkuli peü! Mehenangkü ngei mon Kahvang, hatü lebü üpayao neshiüpih.

EZEKIEL 28:26

Jomi halei nyempü neshiüi nyuhen, hatü shem veyei nyalingngupai sheiyei nyuhen. Mechem ngei jom kü ne-ienelemi dükpü jatthü kü shahphenhenshang, jom halei nenyemi nyuhen hatü jomphongi ngeiyü Shembüpa, jomei Kahvang khih shei nyinghen.”

JEREMIAH 32:37

Ngei mongshihpai ngei jom changei deishihpü kahmükthü leipü jom thaiyei leilanghen; hapa shingei ngei jom müei leiyei nyiushemmei kü jom chingchingei nyuhühen.

SHAHKÜP 33:28

Hanangkü Jakobei hühihathü chingmei vangmei kü hahying, hatü yiü vampü kahdok kü vangsho nyieni yung shuoh-ei hüshemei nyuhen.

SHAHKÜP 33:12

Benjamin am nang büpai hapakei eteke: “Shembüpai bampü jat nyiushemmei kü hüshemei nyutuh, Büpai helu shoei jom yomnyüpeih, hatü Shembüpai bampüba büpalei lakmongei yangei tuhtuh.”

EZEKIEL 38:8

Nyih longi angtü shoumpü bongthü kü vehok shingvaishi temei tuhpü kahdok mü hokhen. Haleipü shennyakthüyü bong luangi lavüngtoiyei tuhpü Israel kahshangthü kü jat longi kübü peiyei nyupeih. Jomü jat longi kübü peiyei nyupeih, hatü jom peü shaangü chingmei nyiushemmei kü nyunyüpeih.

JEREMIAH 23:5

Ngei David kü kon kohshi vanglem lemhen, hatü kahdok kü mehe shahhing, hatü jiüpü nyüpa, ha dükhen daülangpü Pükao hük vamhühen nyihthü ngoikünyüke, shei Shembüpai enyüke.

JEREMIAH 30:10

“Hanangkü nüng tenyem, Oh ngelei chongphobü Jakob; nüng tehan, Oh Israel shei Shembüpai enyüke. Mehenangkü ngei tailu leipü am yanghen, hatü jom wüpküpei nyupü kahdok leipü ammei hühihathü yanglanghen. Shao Jakobü chingmeivangmei nyiushemmei nyuhen, hatü üpaiyao jom nenyemhühen.

EZEKIEL 48:35

Chingnyü shonpü kü meter haja shü nyuhen. Hapa chingnyü kü shaang mü leitü, “Shembüpa hatouei nyüke” shei nyükhen.

DANIEL 9:7

Oh Shembüpa, nüngü daülangpü, shejao shinnyih hamü veüi jümtü nyüpeih– Judah shennyakthü hatü Jerusalem nanglakthü yopailei hatü tailuei Israel nanglakthü kung kahdokei nüngi haitükpeyü jomi nüng kü hingnelempü nangkü khih.

JEREMIAH 50:7

Üami jom heü, hathüi jom lühtükpeih; jomei vepathüi, “Hami pungpü nevai; mehenangkü jomü Shembüpa, hingshangpü jomei phenni, jomei bühipai monglempü Shembüpa khüei mang thahpeih” shei eteke.