JEREMIAH 32:40 - DAÜLANGPÜ LAIHING (BSI)

⁴⁰ Ngei jom kü doumei dükpü nedohhen, jom ngei toueipü nelüdaihen nangkü ngei jom mongdhüng vamhühen.

JEREMIAH 32:40 Referans Kwoze

EZEKIEL 36:26

Ngei am kü mongdang ja hük yahphahen, hatü laangha ja hük ammei mong kü shihphahen, hatü ngei am leipü yaong mongdang yaktüktü phai mongdang hük yahphahen.

JEREMIAH 24:7

“Ngeiyü Shembüpa khih” shei nyinghen mongdang ngei jom kü shuohhen. Jomü ngelei nanglak, hatü ngeiyü jomei Kahvang; mehenangkü jomei mongdang kempai ngei touei mong lepei leihen.

1 PETER 1:5

hayü dohpü hepak kü hinglempü homei Kahvangei ngani yangpüthü touei shakei vamhen temtükpü yemleipü nyüke.

JAKOB 1:17

Meipü hatü den ngoipü thintho peü shangphi leipü nejeilepü, nevaijü jeileipai vangnyak nevamhüpü vangsho vangngaithülei Pa leipü peinyeih.

EZEKIEL 39:29

Hajük kü ngelei dhe jom toueipü nejodaihen; mehenangkü ngelei laangha Israel phang kü khüpshuohhen shei Shembüpa Kahvangi enyüke.

ISAIAH 55:3

Ammei dhaong shaangtuh, hatü ngei touei peikei; Am yemmü nyuhen nangkü ngei epü bangtuh. Ngei am mü nedohnetenpü vangpüshuwpü linghen, hatü ngei David kü lahpü moihiman shuohhen.

JEREMIAH 50:5

Jomi Zionlei leipü lem phehen, hatü jomei dhe halemei meehen. Jom leiyei jom nyingi Shembüpa kü mechemao nebehen nedohnetenpü vangpüshuwpai shahen.

HEBREW 13:20

Shaang chingmei Kahvang üpai jenei Jisu Khrista, Mi yombü longpü, nedohnetenpü vangpüshuwpü iy homei dipü kübü yangei leishih,

2 SAMUEL 23:4

büpayü phum neshiüpü nepnüng vanghela vangngai le-angpeih.

HEBREW 7:24

shejao Jisu payü den den kü nyupü nangkü mih kü neshuoh-i büpai den kü ngongdou düknyeih.

HEBREW 4:1

Hanangkü büpalei nyiushemmei touei shühen lahpü shaang thahshi nyupü nangkü am üpaiyao hapa nethah-i nenyuhen shingvaishi jen kenhingshah.

ISAIAH 61:8

Mehenangkü Shembüpa ngeiyü shahhing kü bamnyeih; Ngeiyü gühpükaaipü hatü mang kü jiühitnyeih. Ngei hingshangi ngelei nanglakthü kü thintho shuohhen, hatü ngei nedohnetenpü vangpüshuwpü jomphong mü linghen.

ISAIAH 24:5

Nanglakthüi ha kahdok sheihtükteke; jomphongi shahkungthü nebang, vanglemthü pungei nedohnetenpü vangpüshuwpü mangtükteke.

SHAHKÜP 31:6

Am wongkoh monglongtuh. Ammi jom kü tenyem nevaijü tehan; mehenangkü Shembüpa, ammei Kahvang am mü daikahen; büpai am netuhphongpih.”

SHAHKÜP 31:8

Shembüpa, büpa nyingi am shekü daihen hatü am mü nyuhen; büpai mechemao am netuhphonghen. Hanangkü am tenyem, tehan.”

JEREMIAH 31:34

Hajük kü shennyak hüki laophülei chingyowpa kü, nevaijü shennyak hüki laophülei jeihinaü kü, ‘Shembüpa nyingtuh’ shei nenyuhteihen; mehenangkü maanpü kübü longpü thahshi jom peüi ngei nyinghen. Mehenangkü ngei jomei mang tükhen, hatü hajük kü jomei mang deih-ei nedangpih” shei Shembüpai enyüke.

EZEKIEL 37:26

Ngei jom mü chingmeivangmei vangpüshuwpü hük linghen; hapayü nedohnetenpü vangpüshuwpü vaihen; ngei jom kü moihimanhen hatü jom nanglak dahüshehühen, hatü ngelei phopshem düngei jomei kahdokei chonglingei tuhhen.

MENVIH KESHO 80:19

Ham müei leituh, Oh Shembüpa Jeiyong Kahvang; ham yanghen shingvaishi nüngei dhe ham kü khangshih.

EZEKIEL 36:27

Ngei am kü laangha ja hük shihphahen, hatü ngelei shahkungnyü kü mühühen, hatü ngelei vanglem noteihen kenhinghühen.

MIKA 4:5

Mehenangkü jatphü jomei kahvang men kü kamhen aok, shejao ham payü hüdenhalenshi Shembüpa, hamei Kahvang men kü kamhen.