JEREMIAH 32:39 - DAÜLANGPÜ LAIHING (BSI)

³⁹ Ngei jom meihen shingvaishi jomi ngei kü nyemhen nangkü mongdang hük dou hük shuohhen.

JEREMIAH 32:39 Referans Kwoze

PHONGSHANTHÜ DOU 4:32

Shaang vaipüthü peü chudeih mongdang hük mü nyu, hatü jom üpaiyao hayü ngei lompü mop shei ne-e, shejao jomi angpü lemphü sheppü vaiteke.

JOHAN 17:21

shejüang jom peü hük vaihen. Opa, nüng ngei kü hatü ngei nüng kü nyupükei jomphongao ji kü nyuhen, shejüang nüngi ngei shompü khih shei kahdoknyüi hinglemhen.

EZEKIEL 37:25

Ngei ngelei chongphobü Jakob kü shuohpü kahdok, chebü chepa am nyuhampü kahdokei jom nyuhen. Jom hatü jomei hühihathü halei den kü nyuhen, hatü ngelei chongphobü David keipü ong hüki jom kü den kü ong vaihen.

EZEKIEL 36:26

Ngei am kü mongdang ja hük yahphahen, hatü laangha ja hük ammei mong kü shihphahen, hatü ngei am leipü yaong mongdang yaktüktü phai mongdang hük yahphahen.

HEBREW 10:20

haenpü ashak lappai, büpalei büm homei yangnyu lem ja jen kü apteke,

JOHAN 14:6

Jisui jangei, “Ngeiyü lemnyü, shahhing hatü yangnyu; ngei nehompheikü üpaiyao Opa touei nepeiaokpih.

JEREMIAH 32:40

Ngei jom kü doumei dükpü nedohhen, jom ngei toueipü nelüdaihen nangkü ngei jom mongdhüng vamhühen.

KANDOK 23:17

Nüngei mongdangi mang shennyakthü kü mük tehüh, shejao nüngei Shembüpa nyempü kü nyutuh.

2 SHÜPPÜKENGPÜ 30:12

Judah leiyao Shembüpalei shah kü epükei mehe ongpa hatü lakchongbüthüi epa, ha kü mongjemtü dükhen shingvaishi Kahvangi dou dükteke.

1 KORINT 7:14

Mehenangkü nevaipü bahayü büpalei nyüha homei daühünyeih, hatü nevaipü nyühayü pinnyülei baha homei daühünyeih. Hei nevaijema ammei hapeüthüyü nedaüpü vaihen, shejao hapakei vaijema jomphongü daüdaiteke.

PHONGSHANTHÜ DOU 13:33

ha jomei hapeüthü jen kü büpai Jisu dipü kübü yangei leishihpai dhaümteke. Nyipabü Menvih Kesho kü ha nyangei nyüke: “Nüngü ngelei Ha, shinnyih ngei nüngei Pa leitepih.”

ISAIAH 35:8

hatü halei lemnyüshong hük nyuhen; ha kü, “Daülangpü Lem” shei nyükhen. Nedaünelangpüthü hapa lem kü nekamhen, shejao hapayü Kahvangei shennyakthü shing mon nyuhen. Nemeipü, ngapathü hapa lem kü nekamhen.

2 KORINT 13:11

Dohpülei, jeihinaü hatü nyahinaüthü, selam. Changpüshapü leihen mükhong tuhtuh, ngei khümpü kü bangtuh, mong hük mü nyutuh, chingmei kü nyutuh; bampü hatü chingmei Kahvang am mü nyukahen.

ROM SHAHSHA APPÜ 11:16

Shongpü hahying kübü aan moila daülangpü vaijema, aopü aan kemei daülangpü nyüke; hatü tünglang daülangpü vaijema kaothüao daülangi nyüke.

PHONGSHANTHÜ DOU 9:31

Ha vangpan mü Judea, Galil hatü Samarialei nyupü attoithü chingmei kü nyu hatü wong koh. Shembüpa nyempü kü nyuei hatü Laangha Daülangpülei nyiushemmei kü nanglak bhei-ie dateke.

PHONGSHANTHÜ DOU 3:26

Mechem Kahvangi büpalei ha yangei leishihpa, ammei mang lemthü kübü lepei am kü moihimanhen shingvaishi büpai shongei büpa am touei shompeih.

PHONGSHANTHÜ DOU 2:39

Mehenangkü ha lahpeyü am, ammei hapeüthü hatü tailuei nyupüthü, üam kü Shembüpa, jenei Kahvangi nyük, hathü peü shingvaishi nyüke,

EZEKIEL 37:22

Ngei hapa kahdok Israel kahshangthülei jomphongü jat hük leiyei mongjemhühen. Jom shak kü ong hüki mon vanglem lemhen, hatü jom hajük kü ongching nyi nenyuhen, nevaijü ongching nyi vaishi nehanhen.

JEREMIAH 6:16

Shembüpai hapakei enyüke: Lembaongei yaongtuh, hatü veituh, hatü meyangpü lemchang yemtuh, melemei lem meipü nyüpa, ha kü kamtuh, hatü nüngei laangha shing nyiushemmei danghahtuh. Shejao jomi, “Hami ha kü nekampih!” shei enyüke.

ISAIAH 52:8

Bangtuh! ammei yombüthüi jomei ngeü anei chemi mongongpai lennyüke. Mechem Shembüpa Zionlei leihen, jomei müki lekei ha eehen.

MENVIH KESHO 128:6

Nüngü hüshompheinaü eeshi nyuhen. Israel kü chingmeivangmei nyutuh.

MENVIH KESHO 112:1

Shembüpa men longtuh! Shembüpa kü nyempü shennyak, hatü büpalei shahkungnyü kü mongongpü shennyak moihiman.

SHAHKÜP 5:29

Jomphong kü henüng thentoimongdang jükei ngei kü nyemei ngei epü bangphei küangü jom hatü jomei hapeüthü peü den kü meishi nyuhen.

KAHBHAO 22:12

Büpai, “Nüngi naü kü lak teshih nevaijü büpa kü meheyao tedük; mehenangkü nüngi Kahvang kü nyemnyüke, hatü laophülei halom hük mon nyupü dangkao ngei kü moilahen kaungei nenyu shei ngei nyingteke” shei e.

KAHBHAO 18:19

Mehenangkü mehe jiüpü hatü shahhing ha dükei Shembüpalei lem kü kamhen shingvaishi büpai laophülei hapeüthü hatü shem am kü nyuhhen venhen ngei Abraham jepeih; shejüang Shembüpai Abraham kü mehe lahpa, ha koei peihen” shei e.

KAHBHAO 17:7

Ji aa kü hatü nüngei hühihathü ngoikahen denshem peü kü ngei nüngei Kahvang hatü nüng pheilei nüngei hühihathü kü jomei Kahvang vaihen ngei nüng mü vangteipeyü nedohnetenpü vangpüshuwpü leihühen.

SHAHKÜP 6:24

Hanangkü Shembüpa i jen kü hathü shahkung banghen hatü shaangpükei moihimanei jen yemmü nyuhen shingvaishi Shembüpa, jenei Kahvang kü dhüm shuohhen epeih.

MENVIH KESHO 86:11

Nüngei lem nyuhshih, Oh Shembüpa, hatü ngei nüngei shahhing kü kamhen; nüngei men kü dhüm shuohhen nehanpü mongdang yahshih.

ISAIAH 65:23

Jomi angsha kü dou dükei nenyuhen, nevaijü denshohvanlohhen hapeü nebühhen; Jomü Shembüpai moihimanpü nanglakthü vaihen, hatü jomei hühihathüao hapakei nyuhen.

JEREMIAH 31:33

“Hapa hepak pheikü ngei jom mü linghen vangpüshuwpeyü hapa hih” shei Shembüpai enyüke. “Ngei ngelei shahkung jomei sholi kü hatü jomei mongdang kü nyangei tuhhen. Ngei jomei Kahvang vaihen, hatü jomü ngelei nanglak vaihen.

SHAHKÜP 6:2

Ammi hapa kahdokei luangi nyuaokhen shingvaishi am hatü ammei hapeüthü halei nyupü thahshi Shembüpa, ammei Kahvang kü dhüm shuohtuh hatü ngei am kü shuohpü büpalei shahkungnyüthü bangtuh.

JEREMIAH 24:7

“Ngeiyü Shembüpa khih” shei nyinghen mongdang ngei jom kü shuohhen. Jomü ngelei nanglak, hatü ngeiyü jomei Kahvang; mehenangkü jomei mongdang kempai ngei touei mong lepei leihen.

EZEKIEL 37:24

Ngei chongphobü David keipü ong hüki jom kü ong vaihühen, hatü jom peü shak kü mi yombü hük mon nyuhen. Jomi ngelei shahkungnyü phei mühen, hatü ngelei vanglemthü kenhingei noteihen.