JEREMIAH 32:30 - DAÜLANGPÜ LAIHING (BSI)

³⁰ Israel hatü Judah nanglakthü lebü meheyao nedüki jom nethe hepak mebü mang mon thahpeih; Israel nanglakthüi lebü meheyao nevai shejao jomei lakdoui ngei mongshihhüpeih shei Shembüpai enyüke.

JEREMIAH 32:30 Referans Kwoze

JEREMIAH 25:7

“Shejao amü laophü nyingi ma yahhen mü ammi ngei epü nebangi ammei lakdou-i ngei mongshihhüpeih” shei Shembüpai enyüke.

JEREMIAH 22:21

Nüng angeideiyei nyushi ngei etepih, “Ngei ha kü nebangpih” shei nüngi epeih. Hashih mebü-üng ngelei shah nebangpeyü nüngei vanglem vaihampeih.

JEREMIAH 3:25

Jen veüpai lemshi nyudaishah, hatü haipülempai jen kü nyemjümpha. Hashih mebü shinnyih thahshi ham hatü hamei bühipa kemei Shembüpa, hamei Kahvang khüei mang thahteke; hami Shembüpa, hamei Kahvangei shah nebang.

JEREMIAH 2:7

Ngei am changeishaei nyupü kahdokei, haleipü betjük hatü meipü kemei hahhen shingvaishi müei leipeih. Shejao mechem am halei shüpa, ammi ngelei kahdok sheihtük, hatü ngelei mükjüp jiühitnalai leitükpeih.

ISAIAH 63:10

Shejao jomi büpa khüei yaong, hatü büpalei Laangha Daülangpü mongmanghü; Hanangkü büpa jomei vepa leipeih, hatü büpai jom khüei hokpeih.

KAHBHAO 8:21

Hapa vong meipü jakpü moila Shembüpa kü büjapü kü büpai büpalei mongei, “Sheyü shinnyih pheikü shennyak hük hashih mebü mongdang kü ten mon deihjao, shennyak tata kü ngei kahdok kü nethaüvaüpih; nevaijü ngei shelei mahtükpükei sheyü yemhimakthü nemahtükpih.

EZEKIEL 23:3

Jijinyi-i hashih mebü Ijiplei büm yuei pai mü ngühpü la den mahtükpeih.

EZEKIEL 20:28

Ngei jom kü shuohhen shei lahpü kahdokei mechem ngei jom müei leipa, jomi melemei shangtao hatü phenlak ngetpü püthü eepa, hatouei jomi jakpü moila shuohhampeih; halei jomi vong meipü ngü bühüei, yiü moila shuohhampeih.

EZEKIEL 20:8

Shejao jomi ngei khüei yaong hatü ngei epü kü nebang; jom üpayao jomei mük mopü jiühitpü douthü neyaktük, nevaijü jomi Ijip amei lajeithü netuhphong. Hahepak kü jom Ijiplei nyushiüng ngei ngelei mongshih jom kü khüphühen shei deihteke.

JEREMIAH 8:19

Bahiyang kempülei ngelei nanglakthü hapakei vaüpü eepü bangtuh: “Zionlei Shembüpa nenyupü je? Pinnyülei Ongpa neshiüpü je?” Shembüpa, jomei ongpai jangei, “Mehekei ammi lajei kü khümei, kung amei kahvangthü kü khümei ngei mongshihhüpa?” shei enyüke.

JEREMIAH 11:17

Israel hatü Judah am shemi mang dükpü nangkü hatü Baal kahvang kü ayingshü jakpai mongshihhüpü nangkü am sheipü Shembüpa Kahvangi am khüei shanghah shuohhen temtükteke.

JEREMIAH 30:14

Ammei mongkhen küphü peüi am betükteke; jomi am nang deihshi neshiü. Vepa hüki keiha ngei am kü üppeih, hatü nemeipü ami keiha am kü hanghi shuohpeih; mehenangkü am pungpü ahshi longshi, hatü ammei mang longi ahshi nyüke.

JEREMIAH 36:2

“Laidü hük yahtuh hatü ngei Israel, Judah hatü lebü jatthü nangkü Josiah-i vanglem lempü hepak kübü eyei heihdaipü shinnyih thahshi etükpü shahthü peü ha kü nyangtuh.

JEREMIAH 44:3

mehenangkü jomi mang dükpü, hatü ngei mongshihhüpü nangkü ha vampeih. Halei jom nevaijü nüng nevaijü ambü ampa-i nenyingpü kahvang kü ayingshü jakei khümpeih.

JEREMIAH 25:6

Ammi lebü kahvangthü chongtepho hatü hathü kü tekhüm, hatü ammei lakdoui ngei mong teshihhü. Shejüang ngei am kü hanghi neshuohpih” shei eteke.

JEREMIAH 44:8

Ammei lakdoui hatü am nyupü Ijip kahdokei lebü kahvangthü kü moila shuoh-ei mehekei ngei mongshihhünya? Am laophü nying mahhen, hatü kahdoknyü jatthü peü touei thaüvaü hatü eelatükpü dou hük leihen.