JEREMIAH 32:29 - DAÜLANGPÜ LAIHING (BSI)

²⁹ Hapa chingnyü khüei hokpü Babylon am peiyei awi haphen, hatü ngei mongshihhüei Baal kahvang kü shem adokei ayingshü jakei khümpü hatü lebü kahvangthü kü yiü moila shuohteipü shemthü awi haptükhen.”

JEREMIAH 32:29 Referans Kwoze

JEREMIAH 21:10

Ngei hapa chingnyü kü mei nevai ten dükhen temtüktü nyüpeih shei Shembüpai enyüke. Hapayü Babylon ongpalei lak kü shuohhen, hatü büpai hapa awi mahtükhen.”

JEREMIAH 19:13

Jerusalem leipü shemthü hatü Judah ongthüyü hapa Topheth shing kü, hatü shem adokei vangsho lithilen kü ayingshü jakei hatü lebü kahvangthü kü yiü moila shuoh-ei nyupü shemthü peü sheihdaihen.”

JEREMIAH 52:13

Büpai Shembüpalei shem, ongshem hatü Jerusalem leipü shemthü peü kü awi hap. Shongnyü shemthü peü büpai shamtük.

2 SHÜPPÜKENGPÜ 36:19

Jomi Shembüpalei shem awi shamtük, Jerusalem bham mangtük, ongshem kemei awi shamtük hatü haleipü douvang yungshongthü kemei mangtük.

JEREMIAH 44:25

Jeiyong Shembüpa, Israel Kahvangi hapakei enyüke: ‘Hami Vangsho Onglanyü kü yiü moila shuohhen’ shei lahpeyü am hatü ammei nyühathülei doui huteke. Hanangkü ammi mehe lah, ha düktuh! Ammi vangtükpü düktuh!

JEREMIAH 39:8

Babylon ami ongshem hatü nanglakthülei shem awi haptük hatü Jerusalem bham bentük.

JEREMIAH 7:18

Hashihthüi pü konyüke, pathüi aw jaknyüke, nyüthüi aan ngümei vangsho onglanyü kü aan lingnyüke, hatü lebü kahvangthü kü yiü moila langei moilapü homei ngei mongshihhünyüke.

MATHI 22:7

Ongpa mongshih. Büpai veshanthü shomei shennyak jüpüthü jütük, hatü jomei chingnyü awi haptük.

YOUNG LAI 4:11

Shembüpai mongshih wong kempai mongshih anei büpai Zion kü aw bahhü, hatü hapalei chongnyiam hahtük.

JEREMIAH 17:27

Shejao ammi Sabbath nyih Jerusalem penyüsha homei hanggo kotü neshüpü homei Sabbath nyih daülangi tuhtuh shei ngei epü nebangjema, ngei Jerusalem penyüshathü kü mechemao nemethen aw vamhühen hatü hapai penyüshathü hahtükhen.’ ”

2 ONGPATHÜ 25:9

Büpai Jerusalem moilashem, ongshem hatü Jerusalemei nyupü shemthü peü awi haptük. Shongnyü shemthü peü awi haptük.

PHONGSHANTHÜ DOU 10:9

Nyihphei haümhah hepak kü jomphong yen daipü chingnyü ngoiyaki Peter shem adokei phopnüng aong.

HEBREW 3:16

Kahvangei ngeü dantü khüei yaongpeyü üamang? Mosai Ijip leipü müei leipüthü nevaipü je?

NEHEMIAH 8:16

Hanangkü nanglakthü daiyei hathü leiyei laophülei shem adokei, chingshelei, phopshem chingshelei, Yunglok Shaden hatü Ephraim Shaden chingshelei tapshaü veteke.

JEREMIAH 11:17

Israel hatü Judah am shemi mang dükpü nangkü hatü Baal kahvang kü ayingshü jakpai mongshihhüpü nangkü am sheipü Shembüpa Kahvangi am khüei shanghah shuohhen temtükteke.

JEREMIAH 32:3

Judah ongpa Zedekiah-i Jeremiah yepei khoklat kü hapakei epü nangkü küpteke, “Nüngi hapakei teteivanei epeih, ‘Shembüpai hapakei enyüke: Ngei hapa chingnyü Babylon ongpalei lak kü shuohtükhen hatü büpai ha hahtükhen.

JEREMIAH 34:2

Shembüpa, Israel Kahvangi hapakei enyüke: “Shembüpai hapakei enyüke shei Judah ongpa Zedekiah touei peiyei etuh: Ngei hapa chingnyü Babylon ongpalei lak kü shuohtükhen, hatü büpai ha awi haptükhen.

ISAIAH 22:1

Hapayü Manghkhang Kahji nangkü epü shah: Am peü shem adokei aongei nyuhen mü mehe shanghah pongpa?

JEREMIAH 7:17

Jomi Judah jilathü hatü Jerusalem chingyangshong kü mehe düknya, nüngi ha eenyüla?

JEREMIAH 30:14

Ammei mongkhen küphü peüi am betükteke; jomi am nang deihshi neshiü. Vepa hüki keiha ngei am kü üppeih, hatü nemeipü ami keiha am kü hanghi shuohpeih; mehenangkü am pungpü ahshi longshi, hatü ammei mang longi ahshi nyüke.

JEREMIAH 52:12

Babylon ongpa Nebukadnezzar vanglem lempü bong anpüshü mü lenyang nga mü nyih anpabü kü Babylon ongpa chongphopü ongpalei veshan mübü Nebuzaradan Jerusalemei peiteke.

EZEKIEL 23:47

Hapa khongnyüi jiji kü yaongi shükhen hatü yani bapei jühen; jomi jijilei hapeüthü jühen hatü jijilei shem peü awi haptükhen.