JEREMIAH 32:23 - DAÜLANGPÜ LAIHING (BSI)

²³ Jom peiyei hapa kahdok kaamei yahpeih shejao jomi nüngei ven nebang hatü nüngei shahkung kü nemü; jom kü nüngi düktuh shei epü nedük. Hanangkü nüngi jom kü hathü shanghah koei peipeih.”

JEREMIAH 32:23 Referans Kwoze

EZRA 9:7

Hamei bühipathülei nyih kübü shinnyih thahshi hami mang longpü thahteke; hamei mang tata kü ham, hamei ongthü, hamei ngongpathü kemei shinnyihpü keiha kung amei ongthü kü shuoh, yani mah, wüpküpei dai, mop aetlangkem, hatü hai danghüpeih.

YOUNG LAI 1:18

Shembüpayü shahhing, shejao ngei büpai epü khüei yaong; Banghümao, am nanglakthü, ngei ponghahpü kü veihümao; Ngelei thehilathü kemei wüpküpei deilangteke.

JAKOB 2:10

Mehenangkü üami shahkungnyü peü düktü hük kü dangkao huluh shuohhenshang, peü mangtükpü kei pungnyüke.

GALATIA 3:10

Mehenangkü shahkungnyü douthü kü mongnyangtü nyupüthü peü thaüvaü phangkü nyüke; mehenangkü, “Shahkungnyü lai kü nyangei nyupü douthü peü üpai nedük nevaijü nebangnya, büpa thaüvaü phangkü nyüke” shei nyangei nyüke.

JOHAN 15:14

Ngei am kü epü dükjema amphongü ngelei küphüthü.

LUK SHAHSHA APPÜ 17:10

Hanangkü amphongiyao mechem am kü dükhen kangpü peü dükkemhen, hamphongü yahlak neshiüpü chongphobüthü; hami dükhen jiüpü dou mon düktih shei etuh.

EZEKIEL 20:21

Shejao hapa hühihathüi ngei khüei yaongteke: Jomi ngelei vanglem kü nemü, ngelei shahkung noteihen khih shei jomi kenhingei nedeih, hatü ngelei Sabbath mangtükpeih. Jomi hathü paoh bangei düklangmeyü yemmü nyuhen. Hanangkü jahpanei nyushi ngelei mongshih ngei jom kü khüpeilangei shuohhen deihpeih.

EZEKIEL 20:18

Ha nangjeiyei ngei jomei thehilathü kü ammei nyühipathülei vanglem kü tekam, jomei shahkung kü tedai, nevaijü jomei lajeithü homei am nedaü-i telei shei epeih.

EZEKIEL 20:8

Shejao jomi ngei khüei yaong hatü ngei epü kü nebang; jom üpayao jomei mük mopü jiühitpü douthü neyaktük, nevaijü jomi Ijip amei lajeithü netuhphong. Hahepak kü jom Ijiplei nyushiüng ngei ngelei mongshih jom kü khüphühen shei deihteke.

YOUNG LAI 1:8

Jerusalemi ahshi nemei-i mang thahteke, hanangkü pinnyü-ü nedaüpü eelanyongnya leidaiteke. Üami pinnyü kü dhüm shuoh, hathüiyao pinnyü yakphongteke; Mehenangkü jomi pinnyü bümkong, hatü mahng theppü, hatü veüpong kü eeteke.

NEHEMIAH 9:15

Jom aeipü kü nüngi vangsho leipü hahying shuoh, hatü jom yung lepü kü yaong leipü yung shuoh, hatü nüngi jom kü shuohhen shei lahpü kahdok yahnüng daihen eteke.

JOSHUA 23:16

Ammi Shembüpa, ammei Kahvangi shuohpü vangteishuwteipü mangtüktü daiyei lebü kahvangthü chongphoei hathü kü khümjema, Shembüpai am khüei mongshih vamhen, hatü büpai am kü shuohpü kahdok kübü lomi mahtükkemhen” shei e.

MENVIH KESHO 78:10

Jomi Kahvangei vangpüshuwpü nedük, hatü büpalei shahkung kü kamhen nemong.

JEREMIAH 2:7

Ngei am changeishaei nyupü kahdokei, haleipü betjük hatü meipü kemei hahhen shingvaishi müei leipeih. Shejao mechem am halei shüpa, ammi ngelei kahdok sheihtük, hatü ngelei mükjüp jiühitnalai leitükpeih.

JEREMIAH 26:4

Shembüpai hapakei enyüke shei jom kü etuh: Ammi ngelei shah nebangjema hatü ngei am kü shuohpü shahkung kü nemüjema,

JEREMIAH 44:10

Shinnyih thahshi jom nyingi maanpü nelei nevaijü dhüm nehunyu, nevaijü ngei am hatü ambü ampa mü tuhpü ngelei shahkung hatü vanglem kü nemünyu.

JOSHUA 21:43

Hanangkü Shembüpai chebü chepa kü shuohhen shei lahpü kahdok kemei Israel am kü shuoh, hatü jomi hapa kahdok yah-ei ching agei nyu.

JEREMIAH 7:26

shejao jomi ngei epü nebang, nevaijü mong neshuoh; shejao jomei ngaümvang vaanei nyupeih. Jomei chebü chepa mao jom-üng nyeinya nemei-i dükpeih.