JEREMIAH 32:19 - DAÜLANGPÜ LAIHING (BSI)

¹⁹ nüngi kon kohpü hatü nüngei dou peü yashanshi; nüngei müki hangkulei lemthü peü kü veishi nyüke, hatü peü kü laophülei lem hatü laophüi dükpü kübü betjük shangshi nüngi laklei shuohnyüke.

JEREMIAH 32:19 Referans Kwoze

JEREMIAH 17:10

Shennyak hük kü büpai dükpü aimü, hatü büpalei doui shangpükei laklei shuohhen shingvaishi, Ngei, Shembüpai mongdang yemnyüpeih, hatü sholi doknyüpeih.

MATHI 16:27

“Mehenangkü Shennyak Ha vangsho phongshanthü mü Palei müknyinshekhang kü yiühen, hatü büpai shennyak peü kü laophüi dükpü shangshi laklei shuohhen.

ISAIAH 28:29

Hapayao Jeiyong SHEMBÜPAleipü peinyüpeih; büpayü thamapü kon hatü ngan kohpüba.

MENVIH KESHO 62:12

hatü bampeyü nüngei, Oh Shembüpa. Mehenangkü laophülei dou aimü nüngi peü kü shemnyeih.”

SHAKEI VAMPÜ 22:12

“Veituh, ngei lomi yiükünyeih; peü kü laophülei dou aimü shuohhen laklei ngei mü nyüpeih.

JEREMIAH 16:17

Ngelei mük jomei lemthü kü veishi nyüpeih; jom ngei touei joshing neshiü; nevaijü jomei mang ngei touei joshi neshiü.

JOB SHAHSHA APPÜ 34:21

Mehenangkü shennyak dailem kü büpalei mük chishi nyüke, hatü büpai jomei lakham peü eenyeih.

SHAKEI VAMPÜ 2:23

hatü ngei jomei hapeüthü bheitü jütükhen. Shejüang attoithü peüi ngeiyü chudeih mongdang yempüba shei nyinghen, hatü ngei am peü kü ammei doui shangpükei shuohhen.

HEBREW 4:13

Hatü büpa touei lingpü dou mepayao joei neshiü, shejao büpalei mük touei lemphü bümbai hatü heeyei yeemshi nyüke, hatü jeni dükpü peü büpa kü ehen.

JOHAN 5:29

hatü haleipü paoei vamkahen; mei dükpüthü yangnyuyem touei yangei leikahen, hatü mang dükpüthüao nyonghühen shingvaishi yangei leihen.”

JEREMIAH 23:24

Ngei ne-eeaokhen mü hanei joaokhen je? shei Shembüpai enyüke. Ngei vangsho hatü kahdoknyü maei nenyupü je? shei Shembüpai enyüke.

ISAIAH 40:13

Shembüpai mehe dükhen hanei ami eshuoh-aokhen hiang? nevaijü nyuhbü hük keiha büpa kü nyuhaokhen hiang?

ISAIAH 9:6

Mehenangkü jen kü naü hük büh-ei nyüke, jen kü yeshang hük shuoh-ei nyüke, hatü vanglem lempü büpalei bhagchong shangkü nyuhen. Büpa kü kahmükvangphapü, Shahnying Venbü, Jeiyong Kahvang, Nedohnetenpü Pa, Chingmei Ongpa shei nyükhen.

KANDOK 5:21

Mehenangkü shennyak hükei lemthü kü Shembüpai veinyüpeih; hatü büpai lemthü peü dokei veinyüpeih.

EPHESIA 1:11

Büpalei shahnying hatü mongpü aimü douthü peü jiühüei büpalei mükhong aimü jenphong jeyei yahpai Khrista kü jenphong mükjüp yahpü am leihüteke.

2 KORINT 5:10

Mehenangkü jen peü Khristalei shahphenpü uoshing touei yaonghen, hatü halei shennyak peü mei vaijao ten vaijao hapa kahdoknyü büm kü mehe dük, ha shing lat danghen.

DANIEL 4:35

Büpai kahdoknyü hangku kemei kü kong kei veinyüke. Büpai vangsho phongshanthü mü hatü kahdoknyü hangkuthü mü büpai mongpü düknyüke. Üpaiyao büpalei lak shonglanghen neaok, nevaijü, “Nüng mehe düknya?” shei phehen neaok.

CHONGVENBÜ 12:14

Mehenangkü Kahvangi joshi nyupü dou, meipü hatü nemeipü dou lemphüli shahphen shingei koei peikahen.

MENVIH KESHO 34:15

Shembüpalei mük daülangpüthü kü veishi nyüke, hatü jomi lenpü kü büpalei dhaong shaangshi nyüke.

2 SHÜPPÜKENGPÜ 16:9

Shembüpa kü mong kemei shuohpüthü kü wong kohhühen büpalei mük kahdoknyü peü lemei veishi nyüpeih. Nüngü ngadou dükteke, hanangkü shaang mebü vehok hokei mon nyuhen” shei e.

1 ONGPATHÜ 8:32

nüngi vangsho leipü hapa bangtuh, hatü düktuh hatü pungpüba nyonghüei büpai dükpü büpalei shangjing kü kohütuh, hatü jiüpüba kü jiüpü shangshi thintho shuoh-ei dah shakhütuh.

MÜLANGPÜ 15:11

“Oh Shembüpa, kahvangthü khongkü nüng keipü üpa nyüpa? Daülangshemshepü kü nüng keiha den ngoipü, müknyinshekhang kü nyemshihanshi, yashanyale dükpü üpa nyüpa?

JOB SHAHSHA APPÜ 34:11

Shennyaki mehe dük, ha kü büpai nyokei shuohnyeih, hatü laophülei doui shangpü kei büpai shuohnyeih.

KANDOK 8:14

Kihikon hatü shahhing shahphenpü ngeilei nyüpeih; ngei kü danaokpü kon hatü wong nyüpeih.

JEREMIAH 21:14

Ammi dükhahpü betjük aimü ngei am kü hanghi shuohhen shei Shembüpai enyüke. Ngei ammei phaüthü kü awi haphen, hatü ha kü shonpü lemphü hahtükkemhen.

DANIEL 2:45

Yaongvak hük kübü yaong shennyakei laki nehongpü kü lokei, hatü hapai nyiam, melangnyiam, ashem, ngin hatü hon kü shüktü ngümtükei eepü manghkhang lappeyü hapa khih. Longpü Kahvangi ngoikahen hepak kü mehe vamkahen ha huteke. Hapa mangh hatü lappü nihpeyü jiüpü hatü hinglemhen nyüke.

MENVIH KESHO 92:6

Ngapa hüki ha nyingei neaok, yoipa hüki ha nedanaokpih.

MENVIH KESHO 111:2

Shembüpalei douthü thamashi; ha kü mongongpüthü peü ha nyinghen yemnyüke.

ISAIAH 59:18

Jomei dou aimü büpai nyokei shuohhen; büpalei vepathü kü mongshih, hatü hanghi shuohhen, yungkung kahdokei nyupüthü kao hapa hanghi shuohhen.

JEREMIAH 25:14

Mehenangkü jatthü longi hatü longpü ongthüi jom aa leihühen; ngei jomei dou hatü lakdouthü aimü nyokei shuohhen.

ZEKHARIAH 9:1

Shembüpalei shah Hadrakh kahdok, hatü Damaska am khüei nyüke. Mehenangkü Israel jat keiha Aram amei chingnyüao Shembüpa lompü nyüke.