JEREMIAH 32:17 - DAÜLANGPÜ LAIHING (BSI)

¹⁷ “Oh Jeiyong Shembüpa, nüngei ngan hatü laklu wong longpai kahdok hatü vangshothü lingpeih. Nüng shingvaishi wongpü meheyao neshiü.

JEREMIAH 32:17 Referans Kwoze

LUK SHAHSHA APPÜ 1:37

Mehenangkü Kahvang mü meheyao ne-aokhen neshiü” shei e.

JEREMIAH 32:27

“Ngeiyü Shembüpa, hangkuli kemeilei Kahvang. Ngei neaokbenüng mehe shangkü nyüpü je?

KAHBHAO 18:14

Shembüpai neaokbenüng lemhük nyüpü je? Jiüpü hepak hük kü ngei nyokei leikahen, hatü Sarah-i yeshang hük büh-ei nyuhen” shei e.

JOB SHAHSHA APPÜ 42:2

“Nüngi lemphüli dükaokhen, hatü nüngei mükhong mepayao bangei tuhnüng neaokpih shei ngei nyingnyüke.

MATHI 19:26

Jisui jomphong kü veitü, “Hangku shingvaishi hayü neaokbenüng shejao Kahvang shingvaishi peü aokbenüng” shei e.

MÜLANGPÜ 20:11

Mehenangkü nyih vok kü Shembüpai vangsho hatü kahdok, yungching hatü halei nyupü peü lingpeih, shejao nyih nyetpabü kü nyiumeiyei thempeih; hanangkü Shembüpai Sabbath moihimanhüpeih hatü ha daütükpeih.

JEREMIAH 27:5

Ngelei ngan longpai hatü ngelei laklu wong longpai ngei kahdoknyü hatü halei nyupü hangku hatü yemhimakthü lingpeih, hatü ngei monghahpü shennyakthü kü shuohpeih.

LUK SHAHSHA APPÜ 18:27

Büpai jangei, “Hangku shingvaishi mehe neaokbenüng nyu, hathü Kahvang shingvaishi aokbenüng hih” shei e.

2 ONGPATHÜ 19:15

hatü Hezekiah-i Shembüpa kü, “Oh Shembüpa, Israel Kahvang, cherubim nyi aa kü ong uoshing kü uopüba, kahdoknyü ongchingthü peü shak kü nüng monha Kahvang; nüngi vangsho hatü kahdoknyü lingpeih.

ISAIAH 45:12

Kahdoknyü hatü halei nyupü hangku ngei lingpeih. Ngelei laki mon vangshothü paanei deishihpeih; hatü haleipü lithathü peü ngelei lakmongei tuhnyüpeih.

SHAKEI VAMPÜ 4:11

“Nüngü müknyinshekhang, dhüm hatü wong yahhen shangpüba, hamei Shembüpa hatü Kahvang; mehenangkü nüngi dou peü ling, hatü nüngi mongpü nangkü hathü nyuteke hatü lingteke.”

MENVIH KESHO 102:25

Hepak longi daiteke, nüngi kahdoknyü chongnyiam lingteke, hatü vangshothüyü nüngei lakdou.

JEREMIAH 51:15

Büpai laophülei ngani kahdoknyü lingpeih; büpalei kihikoni kahdoknyü chongnyiam lingpeih, hatü büpalei danaokpü koni vangshothü paanei deishihpeih.

NEHEMIAH 9:6

Nüng monha Shembüpa, nüngi vangshothü hatü vangsho lithilenthü, kahdoknyü hatü ha shak kü nyupü peü, yungching hatü halei nyupü peü lingpeih. Nüngi hathü peü kü yangnyu shuoh, hatü vangshothüi nüng kü khümnyüke.

ISAIAH 42:5

Shembüpa Kahvang, üpai vangshothü ling, hatü hathü paanei deishih, üpai kahdoknyü paanei deishih, hatü halei lemphü vamhünya, üpai nanglakthü kü ngü shuohnya, hatü halei kamteipüthü kü yangnyu shuohnya, büpai hapakei enyüke:

DANIEL 2:22

Büpai chülohpü hatü shajothü shakei vamhünyeih; Büpai vangnyak kü mehe joshi nyu, ha nyingnyüpeih, hatü vangngaiyü büpa mü nyunyeih.

JEREMIAH 51:19

Jakob Kahvangü hapakei nevai; büpayü lemphü douthü Lingbü, Israelü laophülei mükjüp jat vaishi jeteke; Jeiyong Shembüpa büpalei men.

JEREMIAH 1:6

“Ah, Shembüpa Kahvang! Hingmei ngei shah mekei ehen nenyingnyih; mehenangkü ngeiyü longi hashih hih” shei ngei eteke.

JEREMIAH 14:13

Hahepak kü ngei eteke, “Oh Shembüpa Kahvang! Halei thibüthüi nanglakthü kü, ‘Ammi yan ne-eepih, nevaijü münghishaü nenyuküpih, shejao ngei hapa kahdok kü chingmeivangmei mon shuohhen’ shei enyüke.”

PHONGSHANTHÜ DOU 17:24

Kahvangi kahdoknyü hatü halei nyupü lemphü lingpeih; büpayü vangsho hatü kahdoknyü Shembüpa; büpai hangkulei laki lingpü khümshingei nenyunyih,

PHONGSHANTHÜ DOU 15:18

ha nyinghüphei kü hepak longi daiteke.’ ”

PHONGSHANTHÜ DOU 14:15

Küphüthü, mehekei amphongi hapa düknya? Henjiyü am keipü hangku hih, hatü henüng yahlak neshiüpü douthü kübü kahdok, vangsho, yungching hatü halei nyupü lemphü lingpü vanyangyem Kahvang touei lepei leihen shingvaishi henji-i am touei shahjangmei koei peiküpeih.

ZEKHARIAH 12:1

Hapayü Israel am nangkü Shembüpalei shah nyüke: Shembüpa, üpai vangshothü paanei kangei deishihpa, üpai kahdoknyü chongnyiam lingpa, hatü üpai hangkuli kü laangha lingpa, büpai enyüke:

ISAIAH 44:24

Ngeiyü Shembüpa, am Yangbü, Wom mongei am Lingbü, Ngeiyü Shembüpa, lemphüli Lingbü, Ngei moni vangshothü paanei lingpeih, ngei lomjai kahdoknyü laiyei lingpeih.

EZEKIEL 11:13

Shaang ngei teteivanei nyushingkü Benaiahlei cheha Petaliah di. Hahepak kü ngelei dhe kahdokei aümei shatü ngeüwong antü lenei, “Oh Shembüpa Kahvang, nüngi aoei nyupü Israel am li hümtükhen je?” shei e.

EZEKIEL 9:8

Mechem jüyaki daipa, ngei monha tuhphong. Ngei kahdokei dhe aümei shatü lenei, “Oh Shembüpa Kahvang! Nüng Jerusalem kü mongshihteke shei Israel am aoei nyupüthü kemei mahtükhen je?” shei e.

JEREMIAH 4:10

Hahepak kü ngei, “Ah, Shembüpa Kahvang, üng kü yani jeshi tuhtü, ‘Am shingvaishiyü meishasha hih’ shei eshi mekei etü nüngi hapa nanglak hatü Jerusalem lueilemtüknya” shei e.

MARK 10:27

Jisui jomphong kü khangei veitü, “Hangku shingvaishi hayü neaokbenüng, shejao Kahvang shingvaishi nevai; Kahvang shingvaishi dou peü aokbenüng hih” shei e.

2 ONGPATHÜ 3:18

Hapayü Shembüpa shingvaishi ahshi-üng douyo; büpai Moab amao ammei lak kü shuohhen.

MENVIH KESHO 136:12

büpalei laklu wong longpai, büpa bampü den kü nyunyeih;

ISAIAH 59:1

Hingmei, am yanghen shingvaishi Shembüpalei lak shohloh-i neshiü, nevaijü danhen büpalei dhaong hüei neshiü.

JEREMIAH 21:2

“Chingmeilemlingei hamei men kü Shembüpa kü phekütuh; mehenangkü Babylon ongpa Nebukadnezzari ham khüei vehok pangkünyüke. Üpai nying, Shembüpai peihdaipü hepak kü dükpükei, shaangao yashanyale dou dükjü büpa ham toueipü leidaiphahen aokpeih” shei e.

JEREMIAH 33:3

Ngei kü nyüktuh hatü ngei nüng kü janghen hatü nüngi nenyingpü longpü hatü douja nüng kü ephahen.

DANIEL 6:20

Mechem büpa mailang khok ngoipa, büpai mongshangei Daniel kü wongmü lenei, “Oh Daniel, vanyangyem Kahvang chongphobü, nüngi lanei shuoh-ei chongphopü Kahvangi nüng mailangthü kübüao yangphaaokpü je?” shei e.

ZEKHARIAH 8:6

Jeiyong Shembüpai hapakei enyüke: Hapa hepak kü-üng aopü nanglakthü shingvaishi neaokbenüng vaihen aok, shejao hayü ngei shingvaishiyao neaokbenüng je? shei Jeiyong Shembüpai enyüke.

BHEI-IE 11:23

Shembüpai Mosa kü, “Shembüpalei nganhiwong maani mon nyüpü hiang? Ngei epü jiüshi nevamkahen hi vamkahenshang nüngi shaang eehen” shei e.