JEREMIAH 31:2 - DAÜLANGPÜ LAIHING (BSI)

² Shembüpai hapakei enyüke: “Nanglak üam yani nemah-i yangpa, hathüi jahpanei phahji danghen; Ngei Israel am kü nyiushemmei shuohhen peihen.”

JEREMIAH 31:2 Referans Kwoze

MENVIH KESHO 95:11

Hanangkü ngei mongshihpai, “Jomi ngelei nyiushemmei kahdokei neshüaokpih” shei vangtükpeih.

BHEI-IE 10:33

Hanangkü jomi Shembüpalei daülangpü Sinai Kahshang kübü layaongei nyih jem thahshi dai. Jom metouei yaongei baümtap vehen, shing yemhen shingvaishi Shembüpalei Vangpüshuwpü Pela jom shekü daiteke.

MATHI 11:28

Amphong nyiupünangpü hatü hanggovih kopüthü ngei touei peikei, hatü ngei amphong kü nyiushemmei yahphahen.

SHAHKÜP 1:33

Büpai düngei am kü yanüng aw shemnyüi hatü nyihnüng phum shemnyüi am metouei baümtap veyei nyuhen, hatü am dailem huei shehong lemei mülangmao ammi büpa kü hingnelem.

JEREMIAH 2:2

Daituh, hatü Shembüpai hapakei enyüke shei Jerusalem am danshi etuh: Am thehila hepak kü meshük ngei kü bamshi nyupa! Doidaila keiha am meshük ngei kü kenpa, chemao kah nelingpü phaü kü mekei ngei müpa!

MENVIH KESHO 78:52

Hapheikü büpai laophülei nanglakthü mi keiha müei lüdai, hatü jahpan homei mi khong keiha müei dai.

SHAHKÜP 12:9

mehenangkü am nyiumeishing hatü Shembüpa, ammei Kahvangi am kü mükjüp shuohpü kahdok mangngoi.

SHAHKÜP 8:16

Jahpanei büpai am kü ambü ampai mechemao nehahpü manna hahhen shuohpeih. Pheilei am kü moihimanphahen shingvaishi büpai am kü shanghah shomei dokpeih.

SHAHKÜP 2:7

Shembüpa, ammei Kahvangi ammi dükpü lemphüli kü moihimanteke. Mangpü jahpan homei daipü lemyang kemei kü büpai am kü jungteke. Vangbong pinyi thahshi Shembüpa, ammei Kahvang am mü nyu, hatü ammi napü lemphü dangteke.

SHAHKÜP 1:30

Shembüpa, ammei Kahvangi am mühen, büpai ammei müki eeshi Ijiplei hatü jahpanei lingpükei am shingvaishi büpai hokkahen.

BHEI-IE 14:20

Shembüpai jangei, “Nüngi phoppükei ngei jomei mang tüktih” shei e.

MÜLANGPÜ 33:14

Shembüpai, “Ngei am mü omshi daihen hatü ngei am kü aokpü shuohhen” shei eteke.

MÜLANGPÜ 1:22

Hahepak kü Pharaoh-i büpalei nanglak peü kü, “Hebrew shemongsha kü bühpü bahanaü kemei Nile yung kü shüktüktuh, shejao ammi nyühanaü peü yangei tuhtuh” shei ngeükhüam shuoh.

MÜLANGPÜ 1:16

“Mechem anjinyi-i Hebrew nyü hüki naü bühpü kü sheühhenshang, bahanaü vaijema jütüktuh; shejao nyühanaü vaijema yemmü tuhtuh” shei e.

MÜLANGPÜ 12:37

Israel am Rameses kübü Sukkoth thahshi la mü dai. Nyüha hashih ne-ie-i baha mon haja kho vok hükshing nyuteke.

MÜLANGPÜ 5:21

hatü jomphongi jiji kü, “Anji-i dükpü dou Shembüpai nyem-ee, hatü anji kü shah nyemphen! Anjinyi-i Pharaoh hatü büpalei lakchongbüthü tou kü ten vamhüteke, hatü ham jühen jomei lak kü yanlu shuohteke” shei eteke.

MÜLANGPÜ 2:23

Vangbong longi daipheikü hapa Ijip ongpa didai, shejao Israel hapeüthü aanyak kei ponghahpai thepeiyoungei sheühpü yüteke. Aa laphen kü ponghahpai jomi lenpüwongpü Kahvang thahshi aong.

JOSHUA 1:13

“Shembüpa chongphobü Mosai am kü shuohpü shahkung deih-ei dangtuh: ‘Shembüpa, ammei Kahvangi am kü nyiushemmei shuohteke, hatü hapa kahdok am kü shuohhen.’

HOSEA 11:4

Ngei hangku kü yahyang shinshangei bampü nangkü vü-i shentü mülangpeih, Ngei jomei bhagchong kübü püdü nolangpeih, hatü aümei shaei jom kü ühyingpeih.

EZEKIEL 20:35

hatü ngei amphongü mih nanglakthülei jahpanei müei daihen hatü halei ngei am kü dhe dhe pongei shahphenhen.