JEREMIAH 30:9 - DAÜLANGPÜ LAIHING (BSI)

⁹ Shejao jomi Shembüpa, jomei Kahvang hatü ngei jom shing vamhüpü David ongpa jomi chongphohen.

JEREMIAH 30:9 Referans Kwoze

HOSEA 3:5

Hapheikü Israel am nyokei leihen hatü Shembüpa, jomei Kahvang, hatü David jomei ongpa yemhen. Dohpü nyih küang jom Shembüpa touei nyemei kheüei peihen hatü büpa leipü moihimanthü yahhen.

LUK SHAHSHA APPÜ 1:69

Büpai ham shing yemleipü vaung hük büpalei chongphobü David am phang kübü vamhüteke.

PHONGSHANTHÜ DOU 13:34

Kahvangi büpa dipü kübü yangei leishihhen, hatü neshehen shei epü hapakei eyei nyüke: “Ngei amphong kü daülangpü, hatü ngei David kü lahpü hingshangpü moihiman shuohhen.”

PHONGSHANTHÜ DOU 13:23

Hapa shennyakei hüshompheinaü kübü Kahvangi Israel jat kü lahpükei Yemleipü Jisu shuohteke.

PHONGSHANTHÜ DOU 2:30

Büpayü thibü hük vaipü nangkü büpalei ong uoshing kü büpalei hühiha hük uohühen shei Kahvangi büpa kü lahpü büpai nying.

JEREMIAH 23:5

Ngei David kü kon kohshi vanglem lemhen, hatü kahdok kü mehe shahhing, hatü jiüpü nyüpa, ha dükhen daülangpü Pükao hük vamhühen nyihthü ngoikünyüke, shei Shembüpai enyüke.

MATHI 2:2

“Jehoda amei ong hük bühpü melei nyüke? shei pheyei pei. Hamphongi büpalei litha heong philei eepeih, hatü büpa kü khümhen peiküpeih” shei e.

MENVIH KESHO 89:49

Aivang den mü nüngi bampü melei daipa? Nüng shahhing epai David mü lahpü melei tükpa?

JEREMIAH 29:11

Am shingvaishi ngei tempü küpjan ngei nyingei nyüpeih shei Shembüpai enyüke; hayü am daeishehen küpjan, shejao am lomohhen nevai, am kü ngoikahen monglem shuohhen küpjan.

JEREMIAH 30:21

Jomei mübü jom khong kübü nyuhen, jomei vanglem lembü jom kübü vamhen. Ngei büpa yopailei heihhen, hatü büpa ngei ngoiyei heihhen, ngei nenyükpü kü ngei touei üpa heihaokhen? shei Shembüpai enyüke.

JEREMIAH 33:15

Hathü nyih kü hatü hapa hepak kü ngei Davidei hühiha kübü daülangpü Pükao hük vamhühen hatü büpai kahmük kü shahhing hatü daülangshemshepü dükhen.