JEREMIAH 30:7 - DAÜLANGPÜ LAIHING (BSI)

⁷ Hapa nyih meshük nyembenüng nyuhenang! Mepa nyih-ao hapa mü shetteihen neaokpih. Hapayü Jakob shing shanghah hepak nyuhen, shejao ha kübü büpa yangdaihen.”

JEREMIAH 30:7 Referans Kwoze

DANIEL 12:1

Hahepak kü longpü vangsho phongshan Mikhael, üpai nüngei nanglak yomnya, büpa peikahen. Jatthü chongpanghinüng hapakei chemao mangvampü shangpong yakying hepak hük peikahen. Shejao shangpong hepak kü nüngei nanglakthü üamei men laitap kü nyangei nyu, yanghen.

MALAKI 4:1

Veituh, hingmei changmeipüthü hatü douten dükpüthü peü aw kü hahtang kei jaktükhen nyih ngoikünyüke; hapa nyih jom peü tünglang hatü kaohilakao ne-ao-i jaktükhen shei Shembüpa Kahvangi enyüke.

DANIEL 9:12

Nüngi ham hatü hamei vanglem lembüthü khüei dükhen shei epü shahthü peü ham kü shangpong longpü shuohpai jiüteke, hatü mepa Jerusalem khüei nyüpa, hapa keiha vangsho phangkü mechemao nedükangpih.

JOEL 2:11

Shembüpai vangmuk kei büpalei veshanthü kü enyüke; büpai epü bangpü veshanthü iejü ieyei nekemi hatü wong kohshi nyüke. Shembüpalei nyih longshi; hayü nyemshi nyüke; Üpai ha munenaokhen?

ROM SHAHSHA APPÜ 11:26

Hapakei Israel am peü yanghen; hapa nyangei nyüke: “Zion kübü Yemleipüba peikahen; büpai Jakob kübü mangthü peü yaktükhen.”

MARK 13:19

Mehenangkü hathü nyih kü Kahvangi kahdoknyü linghinüng chemao mangvampü hatü shao mechemao nevamhen shanghah hük nyuhen.

HOSEA 1:11

Judah nanglakthü hatü Israel nanglakthü mongjemhen, hatü jomi jom shing mübü hük jehen, hatü jomi hapa kahmük yahhen hatü dapüshepü nyuhen; mehenangkü hapa Jezreel nyih-ü longpü nyih vaikahen.

YOUNG LAI 1:12

Ngei kü veihümao, amphong peihpü leipüthü; Shembüpa, büpai mongshih anei ngei kü shuohpü hanghi kei üpaiyao nepongangpih.

JEREMIAH 30:10

“Hanangkü nüng tenyem, Oh ngelei chongphobü Jakob; nüng tehan, Oh Israel shei Shembüpai enyüke. Mehenangkü ngei tailu leipü am yanghen, hatü jom wüpküpei nyupü kahdok leipü ammei hühihathü yanglanghen. Shao Jakobü chingmeivangmei nyiushemmei nyuhen, hatü üpaiyao jom nenyemhühen.

MENVIH KESHO 34:19

Daülangpüthü longi ponghahnyeih, shejao Shembüpai hathü peü kübü jom yanglangnyeih.

SHAKEI VAMPÜ 6:17

Mehenangkü jomei mongshihpü longpü nyih peiteke, hatü üpai hapa khüei yaongaokhen?” shei eteke.

PHONGSHANTHÜ DOU 2:20

Longpü hatü müknyinshekhangpü Shembüpa yiüpü nyih shekü vanghenyü manghdaihen, hatü lennyü-ü iy leidaihen.

JOEL 2:31

Shembüpalei nyih longpü, hatü nyempü peishekü, vanghenyü manghdaihen, hatü lennyü iy leidaihen.

YOUNG LAI 4:6

Sodom am kü hanghihüpü kao nyeishi, ngei ngelei nanglakthü kü hanghi shuohteke; Sheühhen neshiüi kansho hük mong aa kü noei yaktükteke.

YOUNG LAI 2:13

Oh Jerusalem, ngei nüng kü mehe ephahenang? Ngei nüng mekei nyiumeihühen? Nüng kei üpaiyao shangnepongangpih, Oh Zion nelanyü. Nüngei shangpong yakying yungching kei chüshi nyüke, üpai ha meitükphahen?

MENVIH KESHO 25:22

Shanghah peü kübü Israel am angei leituh, Oh Shembüpa.

KAHBHAO 32:7

Hahepak kü Jakob longi nyemei mongshang, hatü büpai büpa mü nyupü shennyak, mi, mohoh, utthü kemei khong nyi vaishi hanteke,

ISAIAH 20:6

Hapa nyih yungching yungkung kü nyupüthüi, ‘Veituh, Assyria ongpai yangphahen shei jeni monglempü, hatü sheühshih shei nyaiyei heihjahampü nanglakthüyü henüngang pongpü khih! Jenao hajük keyü mekei yemmü nyuaokhen?’ ” shei ehen.

JEREMIAH 2:27

Ammi pü kü, “Nüngü ngelei pa”, hatü yaong hük kü, “Nüngi ngei bühpeih” shei enyüke. Mehenangkü ngei kü jomei dhe nevai, jomei ngaümphei lepei hunyüke. Shejao shanghahpü hepak kü, “Peiyei ham yangshih” shei enyüke.

JEREMIAH 2:28

Shejao ammi linghahpü kahvang melei nyüpa? Am shanghahpü hepak kü jomi aokjema peiyei am nyemyangpha; ammei jilathü meshük nyu, hajük ammei kahvangthü nyüke, Oh Judah.

JEREMIAH 14:8

Oh Israel amei Monglem, shanghah hepak kü Yangbü, Mehekei nüngü hapa kahdokei yenthüng kei, ya hük mon paümpü yenpa kei nyudainya?

JOEL 1:2

Hapa bangtuh, amphong behethü; kahmük kü nyupü peüi hapa kü dhaong shaangtuh. Ammei nyih kü nevaijü ammei bühipa hepak kü henüng kei chemao vamla?

JOEL 1:15

Hapa nyih shingvaishi Onyükei! Mehenangkü Shembüpalei nyih yopailei nyüke; Jeiyong Kahvangi mangtükhen yah-ei peikünyüke.

ZEKHARIAH 14:7

Nyihnüng nevaijü yanüng shei neshiü, düngei nyihnüng nyukahen; om hepak kao vangngai nyukahen; hapa hepak mechemshang Shembüpai mon nying.

MIKA 4:9

Mehekei nüng shaang wong mü lenei thepnya? Nüngei ong neshiüpü je? Hanangkü nyüi moi paishingkü tüngpükei tüngangke je?

HABAKKUK 3:16

Ngei ha danei ngelei mong kheü; hapa ngeü kü ngelei shahvang nenteke. Ngelei vang mongei sheyei shüteke, hatü ngelei lashüh nenteke. Shejao ham kü nemeipü am kü hanghi peipü nyihhihe kü veihen ngei nenteiaokei danshah.