JEREMIAH 30:3 - DAÜLANGPÜ LAIHING (BSI)

³ Ngei ngelei Israel hatü Judah nanglak wüpküp leipü müei leihen nyihthü ngoikünyüke, shei Shembüpai enyüke, hatü ngei chebü chepa kü shuohpü kahdokei chingchingei nyuhühen’ shei Shembüpai enyüke.”

JEREMIAH 30:3 Referans Kwoze

JEREMIAH 29:14

Ammi ngei danghen shei Shembüpai enyüke, hatü ngei mepa shing leipü am wüpküpei müei daipa, hapa shingei-üng müei leilanghen.

JEREMIAH 16:15

shejao jomi, “Apshaphi kahmük kübü hatü büpai changtükpü kahmükthü peü kübü ham Israel am müei leipü vanyangyem Shembüpa nyüpeih” shei ehen. Mehenangkü ngei jomei chebü chepa kü shuohpü kahdokei jom müei leihen.

EZEKIEL 20:42

Mechem ngei ambü ampa kü shuohhen shei epü Israel kahdokei müei leihenshang, amphongi ngeiyü Shembüpa shei nyinghen.

JEREMIAH 30:18

Shembüpai hapakei enyüke: “Ngei ngelei nanglakthü jomei kahdokei leishihhen, hatü jom nyushing peü kü phahjihen; Bentükpü shing kü chingnyü shao lingei leihen, hatü ongshem hapalei shing kü vehühen.

ZEPHANIAH 3:20

Hapa nyih, ngei am haidaipüthü shemei müei leihen, mechem ngei am shao bümeiyangma leihühen, Kahdoknyü hangku peü khongkü ngei am kü dhüm shuohhen, hatü menvih shuohhen shei Shembüpai enyüke.

JEREMIAH 33:26

ngei Jakob hatü ngelei chongphobü Davidei hühihathü yaktükhen, hatü ngei Abraham, Isak hatü Jakobei hühihathü shak kü vanglem lemhen büpalei hathü khong kübü hükao nejehen. Mehenangkü ngei jom dahüshehühen hatü jom kü phahjihen.

JEREMIAH 32:44

Benjamin kahdok kü, Jerusalem shinpü chingthü, Judah jilathü, heshüphi kahshangla hatü Negeb kü kahthü shakei hapa kü füoshang shingei denpü shuohhen, mehenangkü ngei laphen lingei leihen” shei Shembüpai enyüke.

HEBREW 8:8

Shejao Kahvangi laophülei nanglakthü kü pungpü dangei büpai hapakei enyüke: “Hingmei nyihthü peikünyüke, ngei Israel phang, hatü Judah am phang mü vangpüshuwpü ja hük linghen shei Shembüpai enyüke;

JOEL 3:1

Shembüpai enyüke: Hathü nyih kü hatü hapa hepak kü ngei Judah hatü Jerusalem kü nükhah nyiamhaümhen nyokei shuohhen.

EZEKIEL 36:24

Ngei am jatthü peü toueipü, kahmükthü peü lemeipü thailanghen, hatü ammei kahdokei müei leihen.

MENVIH KESHO 53:6

Oh Israel am shing yemleipeyü Zion leipü peikahen! Mechem Kahvangi büpalei nanglakthülei laphen lingei leihen, Jakob mongonghen, Israel mongmeihen.

LUK SHAHSHA APPÜ 21:6

“Ammi hatouei mehe eenya, hathü yaong hük shangkü hük nenyuhen nyihthü ngoikahen; peü noei yaktükkemhen” shei e.

LUK SHAHSHA APPÜ 19:43

Hingmei, ammei vepathüi kahdok shaokei bham linghen, hatü am kü shontü shing peü philei lünglei nemei-i khüamhen.

LUK SHAHSHA APPÜ 17:22

Hapheikü büpai nanglomthü kü e, “Amphongi Shennyak Halei nyihthü khongkü hük dangkao eehüei ongyanghen nyih ngoikünyüke, hatü ammi ha ne-eepih.

EZEKIEL 47:14

Ammi ha hükkei hanhen; ngei hayü ambü ampa kü shuohhen shei lahpeih, hatü hapa kahdokü am shing mükjüp nyuhen.

JEREMIAH 32:37

Ngei mongshihpai ngei jom changei deishihpü kahmükthü leipü jom thaiyei leilanghen; hapa shingei ngei jom müei leiyei nyiushemmei kü jom chingchingei nyuhühen.

JEREMIAH 31:38

Ngei shingvaishi hapa chingnyü Hananel Shangdü kübü Shouk Peshaden thahshi linghen.

JEREMIAH 31:31

Ngei Israel hatü Judah am phang mü vangpüshuwpü ja hük linghen nyih ngoikünyüke shei Shembüpai enyüke.

JEREMIAH 31:27

Ngei Israel hatü Judah phang kü hangku hatü yemhimak li chemi haihen hepak ngoikünyüke shei Shembüpai enyüke.

JEREMIAH 30:10

“Hanangkü nüng tenyem, Oh ngelei chongphobü Jakob; nüng tehan, Oh Israel shei Shembüpai enyüke. Mehenangkü ngei tailu leipü am yanghen, hatü jom wüpküpei nyupü kahdok leipü ammei hühihathü yanglanghen. Shao Jakobü chingmeivangmei nyiushemmei nyuhen, hatü üpaiyao jom nenyemhühen.

JEREMIAH 27:22

Hathü kemei Babylonei deilanghen, hatü ngei hathü baong mangyem thahshi halei nyuhen. Hapheikü ngei hathü koei leihen hatü hatou shingei tuhhen shei Shembüpai enyüke.

JEREMIAH 27:11

Shejao mepa jati Babylon ongpalei pang paihen hatü chongphohen, ngei jomü laophülei kahdokei kahling yungpüei chingchingei nyuhühen shei Shembüpai enyüke.

JEREMIAH 23:5

Ngei David kü kon kohshi vanglem lemhen, hatü kahdok kü mehe shahhing, hatü jiüpü nyüpa, ha dükhen daülangpü Pükao hük vamhühen nyihthü ngoikünyüke, shei Shembüpai enyüke.

EZRA 3:12

Shejao ngongpathü, Levi am hatü phang kü shangjingthü hatü shennyak changthü üami sheleipü shem chongnyiam eepa, longshi shingi mongongi lenjao jomphongi ngeüwong anei thep;

EZRA 3:8

Jomphong Jerusalem leipü Kahvangei shem ngoiphei kü vangbong nyi mü lenyang nyipabü kü Shealtielei cheha Zerubbabel, Jozadakei cheha Jeshua hatü büpalei lebü jeihinaüthü, ngongpathü hatü Levi am hatü wüpküp leipü Jerusalemei leipüthü peü dou chongpang. Jomi vangbong kukha hatü ha dok kübü Levi am Shembüpalei shem vepü dou kü veihen jeteke.

EZRA 3:1

Mechem len nyet lompa, Israel am jilathülei nyu, hatü nanglakthü mong hük leitü Jerusalemei thai.

SHAHKÜP 30:3

Shembüpa, ammei Kahvangi am kü phahjiei deihhen hatü jatthü touei haitükpü amphong thaiyei leihen hatü am dahüshehühen.

JEREMIAH 31:23

Jeiyong Shembüpa, Israel Kahvangi hapakei enyüke: “Mechem ngei jom wüpküp leipü müei leihen, Judah kahdok hatü haleipü jilathü leipü nanglakthüi shao hathü shah noteihen: ‘Shembüpai am moihimantuh, Oh daülangpü am nyushing, Oh daülangpü kahshang.’ ”

SHAHKÜP 30:5

Büpai amphong ambü ampa amei kahdokei müei leihen hatü ammi hapa kahdok yahhen. Büpai amphong ambü ampa mao nyeinya dahüshehühen hatü nanglak longi dahühen.

JEREMIAH 3:18

Hathü nyih kü Judah am phang Israel am phang mü dhaohen, hatü jom chemi ngei chebü chepa am kü mükjüp shuohpü kahdokei apshaphi kahdok leipü leikahen.

JEREMIAH 29:10

Shembüpai hapakei enyüke: Mechem bong pejempüan lomhenshang, ngei am touei peihen, hatü am hapa shingei müei leihen shei ngei lahpü jiühühen.

JEREMIAH 30:4

Hathüyü Israel hatü Judah nangkü Shembüpai epü shahthü:

JEREMIAH 31:16

Shembüpai hapakei enyüke: “Nüngi theppü ngeü dohtuh, hatü mükphi thittüktuh; mehenangkü nüngei dou nangkü laklei nyüpeih” shei Shembüpai enyüke. “Jomphong vepa kahdok leipü nyokei leikahen.

JEREMIAH 51:60

Jeremiah-i Babylon am kü peihen vongshüh kemei laidü hük kü nyangteke, Babylon nangkü ha peü nyangei nyüke.

MENVIH KESHO 126:4

Negeb yungyenthü kü vang keiyei yung yenhüpü keiha, ham daeisheyei leihüshihma, Oh Shembüpa.

EZEKIEL 34:13

Ngei hathü jatthü hatü kahmükthü leipü thaiyei leilanghen, hatü jomei lompü kahdokei leilanghen, hatü ngei jomphong kü Israel kahshangthü, yungyenthü hatü hangku nyupü kahdok peü philei ühyinghen.

ZEPHANIAH 2:7

Judah am aoei nyupüthüi ammei kahdokü jomei mi kü het ühshing vaihen, hatü Ashkelon leipü shemthü kü jom yanüng halei paümhen. Mehenangkü Shembüpa, jomei Kahvangi jom thümhen, hatü jom moihimanpü am leihühen.