JEREMIAH 30:21 - DAÜLANGPÜ LAIHING (BSI)

²¹ Jomei mübü jom khong kübü nyuhen, jomei vanglem lembü jom kübü vamhen. Ngei büpa yopailei heihhen, hatü büpa ngei ngoiyei heihhen, ngei nenyükpü kü ngei touei üpa heihaokhen? shei Shembüpai enyüke.

JEREMIAH 30:21 Referans Kwoze

BHEI-IE 16:5

hatü büpai Korah hatü büpa phei müpüthü kü, “Ngenep Shembüpai üpa üpa büpalei, üpa üpa daülangpa ha huphahen, hatü üpa shennyak büpai jenya, büpa yopailei peihahkahen.

EZEKIEL 37:24

Ngei chongphobü David keipü ong hüki jom kü ong vaihühen, hatü jom peü shak kü mi yombü hük mon nyuhen. Jomi ngelei shahkungnyü phei mühen, hatü ngelei vanglemthü kenhingei noteihen.

PHONGSHANTHÜ DOU 5:31

Israel kü mong leppü shuohhen, hatü mang tükpü danghühen shingvaishi Kahvangi laophülei lakdah philei Mübü hatü Yemleipüba kei longei anshihteke.

1 JOHAN 2:2

hatü büpayü jenei mang shing mang tükhen moila shuohpüba, hatü hayü jenei mang mon nevai, shejao kahdoknyü kempülei mang shingvaishi moila shuohpeih.

JEREMIAH 30:9

Shejao jomi Shembüpa, jomei Kahvang hatü ngei jom shing vamhüpü David ongpa jomi chongphohen.

2 SAMUEL 7:13

Büpai ngelei men kü shem hük vehen, hatü ngei büpalei ongching ong uoshing den kü chonglingei tuhhen.

SHAHKÜP 33:5

Mechem mübüthü hatü Israel jatthü thaipa, büpayü Jeshurun shak kü ong vaihamteke.

SHAHKÜP 18:18

Ngei am shingvaishi jom nanglakthü khong kübü nüng keipü thibü hük shomhen; ngei büpalei ju kü ngelei shah shihshuohhen, hatü ngei epü kemei büpai jom kü eshuohhen.

KAHBHAO 49:10

Judah ami ongpalei lenshuoh nopü, hatü vanglem lembülei lenshuoh nopü kübü neyanhen. Jatthüi büpa kü bom ühhen, hatü büpa touei ven bangei aümei khümhen.

SHAKEI VAMPÜ 19:16

Büpalei bhagthuh hatü shüngkung kü büpalei men hapakei nyangei nyüke: “ONGTHÜ KHONGKÜ ONGPA HATÜ SHEMBÜTHÜ KHONGKÜ Shembüpa.”

MATHI 27:37

Büpalei shangjing kü jomi büpa khüei, “Hapayü Jisu, Jehoda amei Ongpa” shei nyangtü büpa kü thenhü.

MATHI 3:17

hatü vangsho leipü ngeü hük vamei, “Hapayü ngei mong hahpü ngei bampü Hapeü” shei e.

MATHI 2:2

“Jehoda amei ong hük bühpü melei nyüke? shei pheyei pei. Hamphongi büpalei litha heong philei eepeih, hatü büpa kü khümhen peiküpeih” shei e.

JEREMIAH 50:44

Jordan yingnyü leipü mailang hük vamei phenha nipü shing yemei daipü keiha, ngei Babylon am ngangahük kü haleipü changtükhen; ngei hapa shak kü üam jehenshang hathü tuhphonghen. Ngei lepü üpa nyüpa, hatü üpai ngei kü chengaokhen? Ngei khüei yaongaokhen mi yombü üpa nyüpa?

JEREMIAH 49:19

Jordan yingnyü leipü mailang hük vamei phenha nipü shing yemei daipü keiha, ngei Edom am ngangahük kü haleipü changtükhen; ngei hapa shak kü ngei üam jehenshang hathü tuhhen. Ngei lepü üpa nyüpa hatü üpai ngei kü chengaokhen? Ngei khüei yaongaokhen mi yombü üpa nyüpa?

KAHBHAO 18:27

Shao Abrahami, “Ngeiyü bhihla keiha maanpü kong yangnyu vaijao Shembüpa touei monglongei ngei ha enyeih,

HEBREW 1:3

Büpayü Kahvang müknyinshekhang khanghüpü hatü Kahvang mekei nyu, büpa meimei anpü, hatü douthü peü büpalei ngan shah-i shümei tuhnyeih. Büpai mangthü daühüpheikü büpa vangsholei Jeiyongpalei lakdah philei uoteke;

ROM SHAHSHA APPÜ 8:34

Üpa nyonghühen? Üpa di, hih, yangei lei, üpa Kahvangei lakdah philei uotü jen shing phopnya, hapayü Khrista Jisu khih.

LUK SHAHSHA APPÜ 24:26

Messiah-i hathü shangpong heühen hatü büpalei müknyinshekhang kü shühen nadang nenyuhampü hiang?” shei e.

JEREMIAH 33:15

Hathü nyih kü hatü hapa hepak kü ngei Davidei hühiha kübü daülangpü Pükao hük vamhühen hatü büpai kahmük kü shahhing hatü daülangshemshepü dükhen.

ISAIAH 63:1

Laophülei ashakviha kü iy hoidaitü Edom hatü Bozrah leipü peiküpü üpaang? Ow meishi owtü laophülei wong kemei mokei peiküpü üpaang? Hapayü Shembüpa ngei, yanghen wong kohpü, büpa aokpü baongei peikünyüke.

MENVIH KESHO 89:29

Ngei büpalei ong hean den kü linghen, hatü büpalei ong uoshing vangshothü nyupü thahshi nyuhühen.

NEHEMIAH 7:2

hatü ngei ngelei naüpeü Hanani mü chingnyü kü veshan mübü Hananiah nyi kü Jerusalem yomhen shuoh. Hananiahyü shennyak peü mü monglemaokpü hatü Kahvang nyempü shennyak nyuteke,

EZRA 2:2

Jomei mübüthüyü Zerubbabel, Joshua, Nehemiah, Seraiah, Reelaiah, Mordekai, Bilshan, Mispar, Bigvai, Rehum hatü Baanah nyuteke. Hapayü Israel phangthü wüpküp leipü leipü phang ieyeilei bhei-ie nyangpü nyüke:

KAHBHAO 18:32

Shao büpai, “Shembüpai chingmeilemlingei mongtemangpha, ngei shao chem mon eshah. Halei jom an mon nyuküjü mekei vaihen?” shei e. Büpai, “Jom anei med kü ngei jom nemahtükpih” shei e.

KAHBHAO 18:30

Shao büpai, “Shembüpai chingmeilemlingei mongtemangpha, ngei shao eshah. Jom hapüan mon nyuküjü mekei vaihen?” shei e. Büpai, “Halei jom hapüan mon nyuküjao ngei ha nedükpih” shei e.

BHEI-IE 16:40

Aaron kü phaakpü hühihathü nevaipheikü üpaiyao moidü touei Shembüpa kü ayingshü jakhen nepeihen Israel kü shahvüng shuohpü hük nyuteke. Hei nevaijema Korah hatü büpalei shennyakthü kei dihen. Hathü kemei Shembüpai Mosa homei Eleazar kü epükei dükteke.

MÜLANGPÜ 3:5

“Nüng yopailei teheihkei. Nüngei lathuh bhühtüktuh; mehenangkü nüng yaongpü shingü daülangpü shing khih” shei Kahvangi e.

SHAHKÜP 17:15

Amphong shak kü ong vaihen jepü shennyakü Shembüpa, ammei Kahvangi jephopü shennyak vaihühen kentuh. Büpayü ammei jeihinaü khong kübü vaihen vongbong, shejao Israel am nevaipü kung shennyak hüki am shak kü ong tevaihü.

MENVIH KESHO 65:4

Nüngei shemei nyuhen nüngi jetü müei peipüthü mongong. Nüngei shem meipai ham hüshemei nyuhen.

HOSEA 1:11

Judah nanglakthü hatü Israel nanglakthü mongjemhen, hatü jomi jom shing mübü hük jehen, hatü jomi hapa kahmük yahhen hatü dapüshepü nyuhen; mehenangkü hapa Jezreel nyih-ü longpü nyih vaikahen.