JEREMIAH 30:18 - DAÜLANGPÜ LAIHING (BSI)

¹⁸ Shembüpai hapakei enyüke: “Ngei ngelei nanglakthü jomei kahdokei leishihhen, hatü jom nyushing peü kü phahjihen; Bentükpü shing kü chingnyü shao lingei leihen, hatü ongshem hapalei shing kü vehühen.

JEREMIAH 30:18 Referans Kwoze

MENVIH KESHO 102:13

Nüng yaonghen hatü Zion kü phahji huhen, mehenangkü hapayü ha kü bamhen hepak hük; ittükpü hepak ngoiteke.

JEREMIAH 30:3

Ngei ngelei Israel hatü Judah nanglak wüpküp leipü müei leihen nyihthü ngoikünyüke, shei Shembüpai enyüke, hatü ngei chebü chepa kü shuohpü kahdokei chingchingei nyuhühen’ shei Shembüpai enyüke.”

JEREMIAH 33:7

Ngei Judah hatü Israel am wüpküp leipü müei leihen, hatü shelei nyupükei lingei leihen.

JEREMIAH 49:39

Shejao shomshi ngei Elam am kü moihimanhen shei Shembüpai enyüke.”

JEREMIAH 23:3

Ngei haitükpü ngelei mithü kahmük peü leipü ngei thaihen, hatü kahdok yemei müei leihen; halei jomi hapeüthü longi angei nanglak dahen.

ZEKHARIAH 1:16

Hanangkü Shembüpai hapakei enyüke: Ngei shinshangei deihpü nangkü Jerusalemei nyokei leitepih, haleingelei phopshem vehen, shei Jeiyong Shembüpai enyüke.

JEREMIAH 46:27

Nüng tenyem, Oh Jakob, ngelei chongphobü; Nüng mong telai, Oh Israel. Hingmei ngei am tailu kahdok leipü, hatü wüpküp kahdok leipü am hatü ammei hühihathü yanglanghen. Shao Jakob ne-yei chingmeivangmei hatü nyiushemmei kü nyuhen, üpaiyao büpa nenyemhühen.

JEREMIAH 49:6

Shejao shomshi ngei Ammon am kü moihimanhen shei Shembüpai enyüke.

ISAIAH 44:26

Shejao mechem ngelei chongphobüi teteivanei ehen, mechem ngelei küpjan shakei vamhühen shingvaishi ngelei chongphobü shomhen, Ngei hathü tetshahvanshah hatü küpjanthü jiühünyeih. Shennyakthü shao chingchingei nyuhen shei ngei Jerusalem kü enyeih, hatü Judah chingnyüthüao shao ne-ei leiyei linghen, hatü beneilangei nyupü shao ngei lingei leihen.

JEREMIAH 31:4

Shao ngei nüng lingei leihen, hatü am ja lingei leihen. Oh pai mü ngühpü nela Israel, Shao ammi tambourin vüngei mongongpai phaukteihen.

JEREMIAH 33:11

mongongmonglepü ngeü, yiükjing mo kü mongongteipü ngeü hatü Shembüpalei shem kü menvih shuohpü, moila koei peipüthülei ngeü hapakei eyei danhen, “Jeiyong Shembüpa kü menvih shuohtuh, mehenangkü büpayü meiangpeih; büpa bampü hüdenhalenshi nyunyeih.” Mehenangkü ngei hapa kahdok kü sheleipü keiha dapüshepü koei peihen shei Shembüpai enyüke.

1 SHÜPPÜKENGPÜ 29:19

Ngelei ha Solomon kü mongdang hüki nüngei shahkung, nüngei vanglem hatü nyuhpüvenpü peü dükhen, hatü ngei dou temei tuhshuohpü phopshem vehen chudeih mongdang yah-eishuoh.

JEREMIAH 29:14

Ammi ngei danghen shei Shembüpai enyüke, hatü ngei mepa shing leipü am wüpküpei müei daipa, hapa shingei-üng müei leilanghen.

ISAIAH 44:28

Ngei Cyrus kü, “Ngei nangjei nüng vanglem lemhen; Ngei mehe mongnya, ha nüngi dükhen, Jerusalem ne-ei leiyei lingtuh, hatü Phopshem chongnyiam yaong shao sheituh shei nüngi ngeükhüam shuohhen” shei epeih.

JEREMIAH 31:38

Ngei shingvaishi hapa chingnyü Hananel Shangdü kübü Shouk Peshaden thahshi linghen.

JEREMIAH 31:23

Jeiyong Shembüpa, Israel Kahvangi hapakei enyüke: “Mechem ngei jom wüpküp leipü müei leihen, Judah kahdok hatü haleipü jilathü leipü nanglakthüi shao hathü shah noteihen: ‘Shembüpai am moihimantuh, Oh daülangpü am nyushing, Oh daülangpü kahshang.’ ”

ZEKHARIAH 12:6

Hapa nyih kü, ngei Judah amü jahpandok kü aw daipükei nevaijü hah meanpü yimnyüdok awi shaampükei nyuhen; jomi ngeihpü shonpü jatthü peü laknyong lakdah shei mahtükhen, shejao Jerusalemü pinnyülei shing kü thaiyei chingchinghen.

MENVIH KESHO 78:69

Büpai laophülei daülangpü shing vangshothü kei shaoshi ling, büpai denshing chongnyiam lingei tuhpü kahdoknyü kei ling.

NEHEMIAH 7:4

Hapa chingnyü-ü bahiyang longshi, shejao ha mongei shennyak maani mon hatü shem mangve-i nyuteke.

MENVIH KESHO 85:1

Shembüpa, nüngi nüngei kahdok kü phahjiei deihteke; nüngi Jakob shao daeisheyei leihüteke.

ZEKHARIAH 14:10

Jerusalem pehephi Geba kahdok kübü Rimmon ngoishi kahji leitükhen. Shejao Jerusalemü Benjamin Shaden kübü Shongpü Shaden hatü Shoukpa Shaden thahshi, hatü Hananel Shangdü kübü ongpalei nyalingngupai yiü ngümshing ngoishi Jerusalemü büpalei shing kü longei anei linghen,

JEREMIAH 31:40

Mahng vüpü hatü nyüphinya yakpü kahji kemei, hatü heongphi Kidron Kahji thahshi kübü kahthü, ha kübü heihdaipü Koyei Peshaden shoukbaong thahshi Shembüpa kü daülangi leihen. Hapa chingnyü sheyü nebhitükhen nevaijü nemangtükhen.

1 SHÜPPÜKENGPÜ 29:1

David ongpai thaipü khongkü eteke, “Ngelei ha Solomon üpa Kahvangi jetepa, büpayü hashih hatü nyingpü kü manglongpü, shejao dou payü ahshi longshi nyüke; mehenangkü phopshemü shennyakei nevai shejao hayü Shembüpa Kahvangei.

MENVIH KESHO 48:3

Kahvangü pinnyülei chingthülei nyüke, büpa laophü nyingi penyüsha kei nyüke.

MENVIH KESHO 48:13

Kahdok shaokei pe lingtükpü deihhümao; halei penyüshathü kü veihümao; nüngi hathü jung hüshompheinaü kü etuh.

MENVIH KESHO 122:7

Nüngei penyü mongkü chingmei nyutuh, hatü nüngei chingnyü mongkü yanglem danghütuh.

JEREMIAH 29:11

Am shingvaishi ngei tempü küpjan ngei nyingei nyüpeih shei Shembüpai enyüke; hayü am daeishehen küpjan, shejao am lomohhen nevai, am kü ngoikahen monglem shuohhen küpjan.

JEREMIAH 32:15

Mehenangkü Jeiyong Shembüpa, Israel Kahvangi hapakei enyüke: Hapa kahdok kü shao shemthü, kahthü hatü nyalingngupai kahthü shakhen.”

EZEKIEL 36:11

hatü ngei am kü hangku hatü yemhimak daphahen. Jom daeisheyei betjük jükhen, hatü meyangpü hepak kü keiha chingchingei nyuhühen, hatü sheleipü kao nyeishi daeishehen. Shejüang ngeiyü Shembüpa Kahvang khih shei amphongi nyinghen.

AMOS 9:14

Ngei wüpküpei lüdaipü ngelei Israel nanglakthü müei leihen. Jomi bentükpü chingnyüthü ja lingei leihen, hatü halei chingchingei nyuhen. Jomi nyalingngupai sheihen, hatü haleipü yiü yinghen. Jomi pe showhen hatü haleipü betjük hahhen.

ZEKHARIAH 1:12

Hahepak kü Shembüpalei phongshani, “Oh Jeiyong Shembüpa, nüngi Jerusalem hatü Judah chingnyüthü kü bong pejempüan thahshi mongshihteke, shejema hepak meshük lushi nüngi jom shing phahji shonglanghenang?” shei eteke.

ZEKHARIAH 12:7

David am phang müknyinshekhang hatü Jerusalem kü nyupüthüi Judah am dok kü longpü neleihen shingvaishi ngei, Shembüpai Judah am veshanthü kü shong aokpü shuohhen.

MENVIH KESHO 102:14

Mehenangkü nüngei chongphobüi yaongsho püchong kübhih yaongphaang peü kü bamnyüke.

JEREMIAH 32:44

Benjamin kahdok kü, Jerusalem shinpü chingthü, Judah jilathü, heshüphi kahshangla hatü Negeb kü kahthü shakei hapa kü füoshang shingei denpü shuohhen, mehenangkü ngei laphen lingei leihen” shei Shembüpai enyüke.