JEREMIAH 30:13 - DAÜLANGPÜ LAIHING (BSI)

¹³ Am nang ephahen üpayao neshiü, ammei ma kü meli neshiü, ha nemeiaokhen.

JEREMIAH 30:13 Referans Kwoze

JEREMIAH 46:11

Gileadei aongtuh, hatü halei melivungla yemtuh, Oh pai mü ngühpü nela Ijip. Angsha kü nüngi meli longi noteiteke; nüng meihen lem neshiü.

JEREMIAH 8:22

Gileadei meli neshiüpü je? halei meli nobü neshiüpü je? Mehekei ngelei nanglakthüi büm yangei neleinya?

JEREMIAH 33:6

Shejoongpa, ngei hapa chingnyü kü meihüpü hatü yangnyu meipü shuohhen; ngei ngelei nanglakthü meihühen, hatü chingmeivangmei nyiushemmei changshi shuohhen.

JEREMIAH 30:17

Shejao ngei am kü yangnyu meipü yahphahen, hatü ammei makaw ngei meitükhen shei Shembüpai enyüke; mehenangkü jomi am kü aanyak shei nyükteke, Üpaiyao Zion kü ne-ienelem!”

1 JOHAN 2:1

Ngelei maanpü hashihthü, ammi mang nethahhen shingvaishi ngei hathü dou jung am kü nyangnyeih. Shejao hanei ami mang thahjema Pa mü daülangpü Jisu Khrista jenei sheühbü nyüpeih;

1 PETER 2:24

Mang kübü bümei leiyei jen daülangi nyuhen shingvaishi büpai shophang shangei laophülei büm kü jenei mang koteke; büpa mashapü homei jen meiteke.

NAHUM 3:19

Nüngi ma yahpü meihen mü meheyao neshiü; nüngei makaw nemeiaokpih. Üami nüng lomohdaipü shahjang danpa, jomi mongongpai lak apnyüke; mehenangkü üpai nüngi nemei-i dükshuohpü nepongi nyüpa?

HOSEA 14:4

Shembüpai enyüke: “Ngei nanglakthü lembienei lüdaipü müei leihen; Ngei jom kü changshi bamhen; mehenangkü ngei jom kü mongshihpü meidaiteke.

HOSEA 6:1

Nanglakthüi enyüke, “Huoi, jeni Shembüpa touei mong lepei leishah, Büpai jen khih mü shaaktükteke, shejao hingmei büpai ha meiphahen; Büpai jen ma yahhüteke, shejao büpai makaw thüngphahen.

EZEKIEL 22:30

Ngei hapa kahdok nemangtükhen shingvaishi hapa kahdokei men kü mangdaipü bham baongei yaonghen nangkü ngei shennyak hanei yemteke shejao hükao nedang.

ISAIAH 59:16

Ponghahpüthü kü khüambakhen üpayao neshiüpü eeyei büpa thamanyüke; Hanangkü büpai laophülei ngani jom yanghen hatü aokpü danghühen.

ISAIAH 1:6

Ammei labha kübü shangnyüshang thahshi meipü shing hükao neshiü, shejao aokhahma, ma hatü iy yenpü makaw mon nyüke; Üpaiyao hapa nepaütük, maju kü nesha, nevaijü ha kü meli nenyio.

MENVIH KESHO 142:4

Ngelei lakdah philei veituh, ngei baong yempü üpayao neshiü; ngei loishing neshiü; ngei kü junghen üpayao neshiü.

MENVIH KESHO 106:23

Hanangkü büpai jom mahtükhen shei e; büpai jelangpü chongphobü Mosa paoh baong kü itei neyaonglang meyü büpalei mongshih nemeihüaokhenmü shepeih.

JOB SHAHSHA APPÜ 34:29

Büpa nenmü nyudaijoong üpai büpa nyonghüaokhen? Büpalei dhe jodaijoong üpai büpa eeaokhen? Jat hük vaijao, lomja vaijao aihük mon.

JOB SHAHSHA APPÜ 5:18

Mehenangkü büpai kaw shahünyeih, hatü büpai ma yahhünyeih, shejao büpalei laki-üng hameitüknyeih,

SHAHKÜP 32:39

Ngei monha Kahvang, ngei mü lenei lebü kahvangthü neshiü. Ngei jütüknyüpeih, hatü ngei yangei leinyeih. Ngei ma shahünyeih, hatü ngei ha meitüknyeih, hatü ngelei lakmong leipü üpaiyao neyangaokpih.

MÜLANGPÜ 15:26

Büpai, “Ammi Shembüpa, ammei Kahvangei ngeü kenhingei bangjema, hatü büpa touei mehe jiüpa, ha dükjema, hatü büpai kangpü kü ven bangei büpalei shahkungnyü noteijema, ngei Ijip am kü shuohbenüng dinlem meheyao am kü neshuohpih; mehenangkü ngeiyü din meihüpü Kahvang hih” shei eteke.

JEREMIAH 17:14

Ngei meitükshih Oh Shembüpa, hatü ngei meidaihen; ngei yangshih, hatü ngei yangdaihen; mehenangkü ngei menvih shuohpeyü nüng mon hih.

JEREMIAH 14:19

Nüngi chemjalak kü Judah yaktükpü je? Nüngei mongei Zion nelümpü je? Ham nemeiaokhen mü mehekei nüngi ham ma yahhüpa? Hami chingmei yempeih, shejao meheyao mei nedang; Meitükpü hepak yempeih, shejao ha nangjei nyemhihan heüpeih.

JEREMIAH 6:7

Yungkuk hüki yung meishi tuhpükei, pinnyüi pinnyülei mang jungei tuhnyüke; Depülaopü, benpülangpü mon pinnyü toueiyü dannyüke; tüngpüaipü hatü ma yahteipü mon pinnyü touei dannyüke.

EZEKIEL 30:21

“Shennyak ha, ngei Ijip ongpa Pharaohlei lak bhagtüktih. Nyipabü yan nohen mü hapa lak meihen üpaiyao hanshep shepei ashaki neshakang.

YOUNG LAI 2:13

Oh Jerusalem, ngei nüng kü mehe ephahenang? Ngei nüng mekei nyiumeihühen? Nüng kei üpaiyao shangnepongangpih, Oh Zion nelanyü. Nüngei shangpong yakying yungching kei chüshi nyüke, üpai ha meitükphahen?