JEREMIAH 3:9 - DAÜLANGPÜ LAIHING (BSI)

⁹ Pinnyüi mükbungjuyung dükpü longi maanteke shei kahdok kemei sheihtük, hatü pü hi yaong peü mü mükbungjuyung dükteke.

JEREMIAH 3:9 Referans Kwoze

JEREMIAH 2:27

Ammi pü kü, “Nüngü ngelei pa”, hatü yaong hük kü, “Nüngi ngei bühpeih” shei enyüke. Mehenangkü ngei kü jomei dhe nevai, jomei ngaümphei lepei hunyüke. Shejao shanghahpü hepak kü, “Peiyei ham yangshih” shei enyüke.

JEREMIAH 3:2

Shaopü shangtaothü kü veihümao, ammi halei büm neyupü shing nyüla? Yingnyülei phaüi nganei longteipükei, lemhao peülei ammi chühimai danei uonyüke. Ammei mang hatü büm yupü homei ammi hapa kahdok sheihtükteke.

ISAIAH 57:6

Kahji leipü nyülükpü yaongthü yah-ei kahvang vaishi khümnyüke, hathüyü ammei kahvangthü; Hathü kü ammi yiü moila langei, hahying moila shuohnyüke. Hathü kü ngei mongmeihen je?

JEREMIAH 10:8

Jom peü sholi neshiüpü ngapathü; jom keyü yahlak neshiüpü pü lajeithüi nyuhpeih.

JEREMIAH 2:7

Ngei am changeishaei nyupü kahdokei, haleipü betjük hatü meipü kemei hahhen shingvaishi müei leipeih. Shejao mechem am halei shüpa, ammi ngelei kahdok sheihtük, hatü ngelei mükjüp jiühitnalai leitükpeih.

HABAKKUK 2:19

Am üami pü kü, “Paotuh” shei enya, nevaijü yangnyu neshiüpü yaong kü, “Yaongtuh” shei enya, Onyükei! Hapai lemhük dangkao ephaaokhen je? Veituh, hayü honhingini shaokpü mon, halei yangnyu ngü neshiü.

HOSEA 4:12

Ngelei nanglakthüi pü lajei hük kü phenyüke, hatü pü lenshuoh-i jangshuohnyüke. Mükbongjuyung laangha hüki jom lemnyong kü mülangteke, hatü jomi mükbongjuyung dükei jomei Kahvang yakphongteke.

EZEKIEL 23:10

Jomi pinnyü bümkong tuhphong; pinnyülei hapeüthü müei daiyei yani jütükpeih. Pinnyü-ü nyühathü khongkü mihnyi pü leihü, hatü pinnyü kü hanghi shuohpeih.

EZEKIEL 16:17

Ngei am kü meipü hon hi ngin ow yah-ei am shing lajei baktü lingpeih, hatü hathü mü büm yupü dou dükpeih;

MATHI 5:32

Shejao ngei am kü enyeih, mükbongjuyungpü shahhidou kü nevaipheikü üpai nyüha mü yanhenshang büpai pinnyü mükbongjuyung leihünyüke, hatü üami yandaipü nyüha mü shem yemhenshang mükbongjuyung düknyüke.

JEREMIAH 16:18

Jom nemeipü hatü jomei mang nangkü ngei shingnyi shemhen; mehenangkü jomi ngelei kahdok yangnyu neshiüpü lajei mahngi, hatü ngelei mükjüp jiühitnalai-i matükteke.

EZEKIEL 23:3

Jijinyi-i hashih mebü Ijiplei büm yuei pai mü ngühpü la den mahtükpeih.

EZEKIEL 23:21

Hanangkü nüng nela hepak Ijiplei mükbongjuyungei, nüngei büm kü bhithahphaühah-ei laophülei la den tentükpü ha shao dükhünyüke.

HOSEA 2:2

Ngelei hapeüthü, anyü kü lohtuh; mehenangkü pinnyü ngelei nyüha nevai, hatü ngei pinnyülei baha nevai. Pinnyü kü mükbongjuyung dhe kohpü kübü, hatü büm yupü kübü dohhen loh-eishuoh.

ISAIAH 57:3

Peikei, amphong thibülanyülei hapeüthü, mükbongjuyung hatü büm yupüthülei lihilathü.

JOEL 1:19

Nüng kü lennyüpeih, Oh Shembüpa; mehenangkü awi phenha peü jangtükteke, hatü awlomi pühivungthü peü hahtükteke.