JEREMIAH 3:8 - DAÜLANGPÜ LAIHING (BSI)

⁸ Ngei hingnelempü Israel kü yanhen lai shuohpeih, hatü pinnyüi mükbungjuyung dükpü nangkü yanei leishihpeih. Shejao ha eetü hingnelempü chenaü Judah-i nyemei nedeih; pinnyüao daiyei mükbungjuyung dükteke.

JEREMIAH 3:8 Referans Kwoze

SHAHKÜP 24:1

Baha hüki nyüha hük mü shem yemei nyutü büpai nelümhen mü pinnyü kü nemeipü deiaei nyupü nangkü yanhen lai nyangei pinnyü kü shuohtü shem leipü deitükjema,

HOSEA 3:4

Hapa keiha Israel ami nyih longi longhiong neshiüi, moila neshuoh-i, hatü daülangpü yaongthü nevaijü yaongnaüya nevaijü lajeithü neshiüi nyuhen.

ISAIAH 50:1

Shembüpai hapakei enyüke: “Ngei anyü leitükpü, pinnyü mü yanpü lai melei nyüpa? Nevaijü ngei üam mü bheishe hang nyupü kü yutükpa? Ammei mang nangkü ngei am yutükpeih; am pungpü nangkü anyü leitükpeih.

EZEKIEL 23:9

Hanangkü pinnyüi büm yushuohpü Assyria am chemai am kü ngei pinnyü lanei shuohtükpeih.

EZEKIEL 16:47

Ammi jomei lemthü kü kamei jomei jiühitbenüng dükhiling kapiyei dükpü mon nevai shejao jom mao lem peü kü am-üng nemeipüba nyupeih.

JEREMIAH 3:1

Baha hüki laophülei nyüha mü yanjü, pinnyüi büpa toueipü yanei daiyei lebü baha mü doi lüdaipheikü shao büpai pinnyü touei nyokei leihen je? Hapa keipü kahdok sheih-ei neshiüpü je? Ammi chühimai longi mü mükbungjuyungteke, hatü am ngei touei leiaokhen je? shei Shembüpai enyüke.

SHAHKÜP 24:3

shao nyipabü chepahai pinnyü nelümpü nangkü yanhen lai nyangei shuohtü pinnyü shem leipü deitük nevaijü pinnyülei nyipabü baha didaijema,

JEREMIAH 2:19

Ammei mangi am kü hanghi shuohhen, hatü am ngaümpheilei shinei leidaipai am nyonghühen. Shembüpa, ammei Kahvang yakphongpeyü mang, hatü shahyaki nyukahen shei nyingtuh; Ngei kü nyempü ammei mongkü neshiü shei Jeiyong Shembüpa Kahvangi enyüke.

JEREMIAH 33:24

“Hathü nanglaki, ‘Shembüpai jehahpü ongching nyi büpai yaktükteke’ shei epü nüngi nedanangpü je?” Hanangkü jomi ngelei nanglak kü ne-ienelem hatü jat hük kei nedeihnyu.

EZEKIEL 16:46

Anya bahhenyü-ü Samaria am pinnyülei yiükhathü mü am mü apshaphi lemei nyuhampeih, hatü anaü-ü Sodom am pinnyülei yiükhathü mü am mü pehephi lemei nyuhampeih.

EZEKIEL 16:51

Samaria ami ammi dükpü mang hükkei shingao nedükangpih; jom mao am-üng nyeinya jiühitbenüng mang dükpeih, hatü ammi dükpü mang mü shetteijü anya anaüthüyü mang nedükpükei nyüke.

2 SHÜPPÜKENGPÜ 21:11

Büpai Judah shangtaothülei vaümchongthü lingtü Jerusalem nanglakthü ha kü khümhü, hatü Judah shennyakthü lemnyongei mülang.

JEREMIAH 5:7

Mekei etü ngei am kü mang tükaokhen? Ammei hapeüthüi ngei yakphongteke, hatü Kahvang nevaipü kü khümnyüke. Mechem ngei jom kü moh-ei ühshuohhen, jomi mükbungjuyung düknyüke, hatü büm yupü amei shemei küpshi nyunyüke.

EZEKIEL 23:44

Mehenangkü shennyak hük büm yupü am touei peipükei jomi pinnyü touei peiteke. Hapa keiha jomi nehetpü nyüha Oholah hatü Oholibah nyi mü shiteke.