23 Hingmei, shangtaolei aongei lebü kahvang khümpeyao sheühpü nedang; kahshangthülei aongpaiyao lueilempü mon. Hingmei, Shembüpa, hamei Kahvang monha Israel amyemleipüba khih.”
Aokpü dangpeyü SHEMBÜPAleipü peinyeih. Nüngei moihiman nüngei nanglakthü shak kü nyutuh.
Hingmei Kahvangü ngei yemleipü; ngei büpa kü hinglemhen, ngei nenyempih; mehenangkü Shembüpa Kahvangü ngelei wong hatü ngelei kesho; büpayü ngei yemleibü.”
Am Samaria ami üpa kü khümnya nenyingi khümnyüke; hami üpa kü khümnya ha nyingnyeih; mehenangkü yemleipeyü Jehoda kübü nyüke.
Shejao Judah nanglakthü kü ngei bampü huhen, hatü ngei jom yanghen, hatü hayü lah-i, yani, vehoki, koyeithüi nevaijü koyei veshanthüi nevai, shejao Shembüpa, jomei Kahvangi yanghen” shei e.
Ngei jom kü shuohhen shei lahpü kahdokei mechem ngei jom müei leipa, jomi melemei shangtao hatü phenlak ngetpü püthü eepa, hatouei jomi jakpü moila shuohhampeih; halei jomi vong meipü ngü bühüei, yiü moila shuohhampeih.
Ngei meitükshih Oh Shembüpa, hatü ngei meidaihen; ngei yangshih, hatü ngei yangdaihen; mehenangkü ngei menvih shuohpeyü nüng mon hih.
Oh Israel amei Monglem, shanghah hepak kü Yangbü, Mehekei nüngü hapa kahdokei yenthüng kei, ya hük mon paümpü yenpa kei nyudainya?
Josiah ongpalei nyih kü Shembüpai ngei kü eteke: Hingnelempü Israel, pinnyüi mehe dük, mekei pinnyü shangtao shaopü peülei aongei, hatü püdhüm peülei büm yuei kamteipü nüngi eela?
Abraham hatü Jakobi ham nenyingjao, nüng hamei Pa; Nüngü, Oh Shembüpa, hamei Pa; Aivang den mebü nüngei menü ham Yangbü.
Laophülei ashakviha kü iy hoidaitü Edom hatü Bozrah leipü peiküpü üpaang? Ow meishi owtü laophülei wong kemei mokei peiküpü üpaang? Hapayü Shembüpa ngei, yanghen wong kohpü, büpa aokpü baongei peikünyüke.
Am thaituh hatü chemi peikei, jatthü kübü yangei aopü nanglakthü! Püi lingpü lajei hatü yanghen neaokpü kahvangthü kü phoppüthüi ha nenyingnyu!
Shejao Israel amü nedohnetenpü yemleipübai yanglanghen; Nedohnetenpü thahshi amü mechemao veü neponghühen.
Hingmei, nüngü laophü nyingi joshi nyupü Kahvang khih; Oh Israel Kahvang, Yemleipüba.
Üami lajeithü lingnya, jomü yahlak neshiü, hatü jomi monghahpü kahvangthü nanglei neshiü. Üami hapa kahvang kü khümnya, jomphongü mükphüngpa hatü ngapathü hatü jomphong veü danghen.
Ngei, ngeiyü Shembüpa, hatü ngei mü lenei lebü yemleibü neshiü.
Ngei yemleipü hatü ngelei dhümü Kahvang kü mon kohshi nyüpeih; büpa ngelei yaongnyü, ngei loishing.
Koyeiyü vehok nyih shingvaishi temei angnyüpeih, shejao aokpü danghenü SHEMBÜPAleipü peinyüpeih.
Jomei hapeüthüi dangkao püdhüm hatü shangtao shaopü peü kü jomei moidü hatü Asherah kahvang lajeithü kü khümnyüke.
Shembüpai hapakei enyüke: “Jakob nangkü mongongpai kesho loktuh; jatthü khongkü peü mü shongpüba kü menvih kesho loktuh, hatü, ‘Oh Shembüpa, aoei nyupü nüngei Israel nanglak yangtuh’ shei etuh.”
Nyih hük Israel am aopüthü hatü Jakob am phang yangei nyupüthüi jom mahtükpüthü kü mong nenyanghen, shejao hingmei mü Shembüpa, Israel amei Daülangpü Hük kü mongnyanghen.