JEREMIAH 3:22 - DAÜLANGPÜ LAIHING (BSI)

²² Mong leptuh, Oh hingnelempü Israel, ngei am hingnelempü meitükphahen. “Ham nüng touei peikünyeih; mehenangkü nüngü Shembüpa, hamei Kahvang.

JEREMIAH 3:22 Referans Kwoze

HOSEA 14:1

Oh Israel, Shembüpa, ammei Kahvang touei mong leptuh. Ammei mangi am dopeih!

HOSEA 14:4

Shembüpai enyüke: “Ngei nanglakthü lembienei lüdaipü müei leihen; Ngei jom kü changshi bamhen; mehenangkü ngei jom kü mongshihpü meidaiteke.

ZEKHARIAH 13:9

Hatü ngei ha shing hük aopai aw kü shukhen, hatü hon hi ngin daüpükei daütükhen. Jomi ngelei men kü nyükhen, hatü ngei jom kü janghen. “Jomü ngelei nanglakthü” shei ngei ehen, “Shembüpayü hamei Kahvang” shei jomi ehen.

HOSEA 13:4

Shejao ngeiyü Ijip kahdok leipü am mülangpü Shembüpa, ammei Kahvang. Ngei nevaipheikü lebü Kahvang ammi tetuh, hatü ngei mü lenei lebü yemleipüba neshiü.

HOSEA 3:5

Hapheikü Israel am nyokei leihen hatü Shembüpa, jomei Kahvang, hatü David jomei ongpa yemhen. Dohpü nyih küang jom Shembüpa touei nyemei kheüei peihen hatü büpa leipü moihimanthü yahhen.

JEREMIAH 30:17

Shejao ngei am kü yangnyu meipü yahphahen, hatü ammei makaw ngei meitükhen shei Shembüpai enyüke; mehenangkü jomi am kü aanyak shei nyükteke, Üpaiyao Zion kü ne-ienelem!”

JEREMIAH 31:18

Ephraim ami khümei epü ngei dantepih: Ngeiyü han hokhen mangnyuhpü mohoh cheha kei nyushingkü nüngi ngei kü nyuh, hatü ha ngei nyingei yahpeih. Ngei müei leituh, ngei nyokei leiküshah, mehenangkü nüngü ngelei Shembüpa Kahvang.

SOLOMONEI KESHO 1:4

Ngei nüng mü mühahtuh; ji shülangshah! Ongpai ngei büpalei dung-amei mülangpeih. Hami nüng kü mongonghen, hatü mongmeihen; Hami yiü mao nyeishi nüngi bampü jung vihhen; jomi hingmei nüng kü bamnyeih.

HOSEA 14:8

Oh Ephraim, lajeithü mü ngei mehe linghen? Am kü jangpü hatü jungpeyü ngei hih. Düngei phenlak thüngshingi nyupü awkaongpü leshi ngeiyü nyüpeih; Am hinglempü ngei kübü vamnyüpeih.

JEREMIAH 33:6

Shejoongpa, ngei hapa chingnyü kü meihüpü hatü yangnyu meipü shuohhen; ngei ngelei nanglakthü meihühen, hatü chingmeivangmei nyiushemmei changshi shuohhen.

ISAIAH 27:8

Shembüpai laophülei nanglakthü wüpküpei deishihpai hanghihüteke. Büpai jom mangpü heongphi leipü yinglükleisho touei changei deishih.

ISAIAH 1:2

Bangtuh, Oh vangshothü, dhaong shaangtuh, Oh kahdoknyü! Mehenangkü Shembüpai eteke: “Ngei hashihthü haümei laongteke, shejao jomphongi ngei khüei yaongteke.

ISAIAH 57:17

Jomei hahnempü mang kü ngei mongshihpeih, ngei jom hanghihü, hatü mongshih-ei ngelei dhe jodaipeih, shejao jomi jomei lemthü kü mon nyokei leidainyüke.

JEREMIAH 3:12

Daituh, hatü hapa shah apshaphi kahmük kü baongtuh hatü etuh: Mong leptuh, Oh hingnelempü Israel, shei Shembüpai enyüke. Ngei nüng kü mongshih-ei neveipih; mehenangkü ngeiyü phahjinyeih, shei Shembüpai enyüke; ngei den kü mongshih-ei nenyupih.

JEREMIAH 4:1

Am mong lepei leijema, Oh Israel, ngei touei am lepei leijema, Ammi ngei toueipü jiühitnalai dou yaktükjema, hatü neleplüki nyujema,

EZEKIEL 33:11

Ngeiyü vanyangyem Kahvang shei Shembüpa Kahvangi enyüke, ngei mang shennyak hük dipü kü mongneongnyih, shejao mang shennyak hük laophülei lem kübü mong lepei leiyei yangnyu yem dangei nyupü eehünyeih. Oh Israel phang, ammei mang lemthü kübü mong leptuh, mehekei am dihenang?

ISAIAH 31:6

Oh Israel am, amphong longi nemei-i büpa khüei mang thahteke, shejao büpa touei mong lepei leituh.

EZEKIEL 18:30

Oh Israel am phang, ammei lemthü aimü ngei ammei shahphenhen shei Shembüpa Kahvangi enyüke. Mong leptuh! Ammei mang kübü nyokei leituh; shejüang mangi am nevüshihhen.

HOSEA 14:5

Ngei Israel am kü nyien kei nyuhen; büpa yangkheihchü kei punghen, Lebanon leipü cedar pü keiha büpa tünglang yiühen.

JOEL 2:12

“Shaang dangkao ammei mong kempai shüaeiyungleyei, thepeiyoungei ngei touei mong leptuh” shei Shembüpai enyüke.