JEREMIAH 3:18 - DAÜLANGPÜ LAIHING (BSI)

¹⁸ Hathü nyih kü Judah am phang Israel am phang mü dhaohen, hatü jom chemi ngei chebü chepa am kü mükjüp shuohpü kahdokei apshaphi kahdok leipü leikahen.

JEREMIAH 3:18 Referans Kwoze

JEREMIAH 31:8

Veituh, ngei apshaphi kahdok leipü jom müei leikahen, hatü kahdok dohpü leipü jom thailanghen. Jom khongkü mükphüngpa, hatü la khodaipü nyuhen, hapeü anghen nyüthü hatü anghen tüngpü nyühathü nyuhen; khongnyü longpü hük leikahen.

AMOS 9:15

Ngei jomei kahdok kü jom sheiphonghen, hatü ngei jom kü shuohpü kahdok kübü ne-yei nebhitükhen” shei Shembüpa, ammei Kahvangi enyüke.

HOSEA 1:11

Judah nanglakthü hatü Israel nanglakthü mongjemhen, hatü jomi jom shing mübü hük jehen, hatü jomi hapa kahmük yahhen hatü dapüshepü nyuhen; mehenangkü hapa Jezreel nyih-ü longpü nyih vaikahen.

JEREMIAH 50:4

Hathü nyih kü hatü hapa hepak kü Israel hatü Judah nanglakthü chemi thepyaki Shembüpa, jomei Kahvang yemhen.

JEREMIAH 23:8

shejao Israel hapeüthü apsha kahdok hatü büpai haitükpü kahdokthü leipü Israel am müei leipü vanyangyem Kahvang shei lahhen nyihthü ngoikünyüke shei Shembüpai enyüke. Hapheikü jomi jomei kahdokei nyuhen.

JEREMIAH 16:15

shejao jomi, “Apshaphi kahmük kübü hatü büpai changtükpü kahmükthü peü kübü ham Israel am müei leipü vanyangyem Shembüpa nyüpeih” shei ehen. Mehenangkü ngei jomei chebü chepa kü shuohpü kahdokei jom müei leihen.

JEREMIAH 3:12

Daituh, hatü hapa shah apshaphi kahmük kü baongtuh hatü etuh: Mong leptuh, Oh hingnelempü Israel, shei Shembüpai enyüke. Ngei nüng kü mongshih-ei neveipih; mehenangkü ngeiyü phahjinyeih, shei Shembüpai enyüke; ngei den kü mongshih-ei nenyupih.

ZEKHARIAH 10:6

Ngei Judah am phang wong kohhühen, hatü Israel am phang yanghen. Ngei jom kü bampü nangkü jom shemei müei leihen; ngei chemao jom neyaktükpükei nyuhen; Mehenangkü ngeiyü Shembüpa, jomei Kahvang, hatü jomi phoppü kü ngei janghen.

HOSEA 11:12

Ephraim ami shahshemi, Israel phangi lueilemei ngei kü shonteke, shejao Judah am shaang thahshi Kahvang mü kamnyüke, hatü Daülangpü Kahvang kü hinglemnyüke.”

JEREMIAH 50:20

Hathü nyih hatü hapa hepak kü Israel hatü Judah amei mang yemhen shejao hükao nedanghen; mehenangkü ngei yangpüthü kü ngei mang tükshuohhen.”

JEREMIAH 30:3

Ngei ngelei Israel hatü Judah nanglak wüpküp leipü müei leihen nyihthü ngoikünyüke, shei Shembüpai enyüke, hatü ngei chebü chepa kü shuohpü kahdokei chingchingei nyuhühen’ shei Shembüpai enyüke.”

JEREMIAH 7:7

ngei den shingvaishi ambü ampa kü shuohpü kahdokei ngei am mü nyuhen.

JEREMIAH 50:5

Jomi Zionlei leipü lem phehen, hatü jomei dhe halemei meehen. Jom leiyei jom nyingi Shembüpa kü mechemao nebehen nedohnetenpü vangpüshuwpai shahen.

EZEKIEL 11:17

Hanangkü Shembüpai hapakei enyüke shei etuh: Ngei jatthü toueipü amphong thailanghen, hatü am haidaipü kahmükthü leipü ngei am müei leilanghen, hatü ngei Israel kahdok shao am kü shuohhen.

ZEKHARIAH 2:6

“Leikei, leikei! Apsha kahdok leipü nyaidaikei” shei Shembüpai enyüke; mehenangkü ngei am vangsho jung ali kü yantükpeih, shei Shembüpai enyüke.

KAHBHAO 12:7

Shembüpa Abram touei vamei, “Nüngei lihila kü hapa kahdok shuohhen” shei e. Hanangkü büpa touei vamjapü Shembüpa kü hatouei moidü hük ling.

ISAIAH 43:5

Am tenyem; mehenangkü ngei am mü nyüpeih; Ngei ammei hühihathü heong leipü leilanghen, hatü heshüphi leipü thailanghen.

ISAIAH 43:6

Ngei pehe leipü am kü, “Jom leishihtuh” hatü apshaphi leipü am kü, “Jom shongei tetuh” shei ehen. Ngelei yeshangthü tailu kahdok leipü, hatü ngelei yiükhathü kahdok dohpü leipü,

HOSEA 2:2

Ngelei hapeüthü, anyü kü lohtuh; mehenangkü pinnyü ngelei nyüha nevai, hatü ngei pinnyülei baha nevai. Pinnyü kü mükbongjuyung dhe kohpü kübü, hatü büm yupü kübü dohhen loh-eishuoh.