JEREMIAH 3:17 - DAÜLANGPÜ LAIHING (BSI)

¹⁷ Hahepak kü Jerusalem keyü Shembüpalei ong uoshing shei nyükhen, hatü jatthü peü halei Shembüpa nyushing Jerusalemei thaihen hatü jomi hajük kü mong vaanei jomei mangi mongpü lem kü nedaihen.

JEREMIAH 3:17 Referans Kwoze

EZEKIEL 43:7

Büpai ngei kü, “Shennyak ha, hapayü ngelei ong uoshing hatü ngelei la shoupshing. Hatouei ngei ngelei nanglak Israel am mü düngei nyuhen. Israel phangi nevaijü jomei ongthüi mükbongjuyungpai nevaijü jomei ongthü dipü mahng homei ngelei daülangpü men nesheihhen.

JEREMIAH 17:12

Jenei phopshemü müknyinshekhangpü ong uoshing, chongpangpülei-üng yaongshi nyupü leangke.

ZEKHARIAH 2:11

Hapa nyih jat longi peiyei Shembüpa mü haohen, hatü ngelei nanglak leihen, hatü ngei am khong mü nyuhen, hatü Jeiyong Shembüpai am touei ngei shompü khih shei ammi nyinghen.

JEREMIAH 11:8

Shejao jomi ha nebang, nevaijü dhaong neshaang, shejao mong vaanei mangi mongpü lem kü peü kampeih. Hanangkü vangpüshuwpülei nyangei nyupü thaüvaü kemei jom touei peihüpeih, shejao jomi ha kao nebang” shei eteke.

ISAIAH 66:20

Shembüpa kü moila vaishi jomphongi ammei jeihinaüthü jatthü peülei haidaipü Jerusalemei koyei kü, gadu kü, hatü ut kü, koyei khari kü hatü khari kü Israel ami hahying moila daülangpü shung kü Shembüpalei shemei deipükei müei leikahen,

ISAIAH 56:6

Hatü kung am üami Shembüpalei nanglakthü mü shepnya, üami büpa chongpho, Shembüpalei men kü bamnya hatü büpalei chongphobü leinya, Üami Sabbath jiüshangi tuhnya, hatü ngelei vangpüshuwpü kü wongshongi shongnya;

GALATIA 4:26

Shejao hükpa nyühayü shangpa leipü Jerusalem kü shenshi nyüke; pinnyü-ü bümei, hatü pinnyü-ü jenei nyü.

ROM SHAHSHA APPÜ 1:21

mehenangkü jomi Kahvang nyingjao jomi büpa kü Kahvang kei dhüm neshuoh nevaijü büpa kü menvih neshuoh, shejao jomei mongdeih yahlak neshiüi leidai, hatü jomei sholi kü vangnyaki madai.

JEREMIAH 31:23

Jeiyong Shembüpa, Israel Kahvangi hapakei enyüke: “Mechem ngei jom wüpküp leipü müei leihen, Judah kahdok hatü haleipü jilathü leipü nanglakthüi shao hathü shah noteihen: ‘Shembüpai am moihimantuh, Oh daülangpü am nyushing, Oh daülangpü kahshang.’ ”

JEREMIAH 18:12

Shejao jomi nüng kü jangei, “Hayü nadang neshiü. Hami hamei küpjanthü kü kamhen; ham peüi hamei mang mongdang vaanpü lem kü mühen” shei ephahen.

JEREMIAH 16:12

Shejao ambü ampa mao nemeipüba am nyuteke. Ngelei shah banghen nangjei am peüi laophülei mongdang vaanei mang mongdang pheikü müpü kü veihümao.

JEREMIAH 14:21

Nüngei men kü ham tengümtük; Nüngei müknyinshekhang ong uoshing dhüm neshiüi teleitük; Ham mü nüngi vangteipü deih-ei dangtuh, hatü ha temangtük.

JEREMIAH 9:14

shejao jomei mong vaanei chebü chepai nyuhshuohpü keiha Baal kahvang pheikü lüdaipü nangkü ha vampeih.

JEREMIAH 7:24

Shejao jomi ha nebang, hatü jomei dhaong neshaang, shejao jomei mang mong vaanei jomi deihhahpü lem kü kam, hatü sheshalei nevai, ngaümphei lemei veipeih.

ISAIAH 66:1

Shembüpai hapakei enyüke: “Vangsho-ü ngelei ong uoshing, kahdoknyü-ü ngelei la shoupshing. Menüng keipü shem amphongi ngei kü melei vephahenang? Ngei nyiumeihen shing melei nyüpa?

ISAIAH 59:19

Heshü philei nyupüthüiyao büpalei men kü nyemhen, hatü heong philei nyupüthüi büpalei müknyinshekhangkü dhüm shuohhen; Mehenangkü büpayü yungchüm laipü keiha peikahen, hatü Shembüpalei ngü vanglük keiha peikahen.

ISAIAH 26:8

Oh Shembüpa, nüngei shahkungnyü lem kü kamei hami nüng omdannyeih; nüngei men hatü nüngei menmeiyü hamei laanghaiyahhüpü.

ISAIAH 6:1

Uzziah ongpa dipü bong, Shembüpa ong uoshing longi shaopü kü uoshi ee, hatü büpalei ashak maijung Phopshem maei yaüshi nyu.

MENVIH KESHO 87:3

Nüng müknyinshekhangpü jung enyüke, Oh Kahvang chingnyü.

MENVIH KESHO 78:8

Shejao jomü chebü chepa am kei mong vaanei khüei yaongpü, Kahvang kü jomei mong lanei neshuohpü, nevaijü jomei laanghabüpa kü hingnelempü am nevaihen.

SHAHPHENBÜTHÜ 2:19

Shejao mechem shahphenbüthü didaikempa, jomi lebü kahvangthü phei müei hathü kü khümei jomei bühipa mao nemeipüba lemnyong kü kam, hatü nemeipü lem, douten yakphonghen jomi nemong.

SHAHKÜP 29:29

Doujo kemei Shembüpa, jenei Kahvangei, shejao shakei vampü douthü kemei jen hatü jenei hühihathü den kü dükhen shahkungnyü nyüke.

BHEI-IE 15:39

Shembüpai am kü shuohpü shahkungthü deih-ei danghen shingvaishi hapa vitem kü veihen, hatü ammi hathü ven bangei dükhen, hatü ammi laophülei mükhimongi lümpülei daiyei ngei toueipü neyanhen.

KAHBHAO 8:21

Hapa vong meipü jakpü moila Shembüpa kü büjapü kü büpai büpalei mongei, “Sheyü shinnyih pheikü shennyak hük hashih mebü mongdang kü ten mon deihjao, shennyak tata kü ngei kahdok kü nethaüvaüpih; nevaijü ngei shelei mahtükpükei sheyü yemhimakthü nemahtükpih.

ROM SHAHSHA APPÜ 6:14

Ammü shahkungnyü phangkü nevai, shejao phahji phangkü nyupü nangkü mangi am shak kü vanglem nelemhen.

EZEKIEL 1:26

Jomei shangnyüshang leipü nyiam athen kei thuhpü shangei sapphir douvang yaongi lingpü ong uoshing hük nyu, hatü hapa shangkü veiheni hangkulei deiaei kei hük uoshi nyuteke.

ISAIAH 66:18

Shembüpai enyüke: “Ngei jomei douthü hatü jomi deihpü nyingnyeih, hatü ngei jatthü hatü shahlem laolao epüthü peü thaihen peihen, hatü jom peü peiyei ngelei müknyinshekhang eehen.

JEREMIAH 3:19

Ngei nüngü ngelei hapeü vaishi yahhen, hatü kahdoknyü kü peü mü meipü hapa mongongpü kahdok nüng kü shuohhen shei deihpeih. Nüngi ngei kü “Opa” shei nyükphahen; hatü ngei toueipü yanei nedaikahen shei deihpeih.

JEREMIAH 4:2

hatü ammi, shahhing kü, hingshangpü, daülangpü kü, “Vanyangyem Shembüpa!” shei lahjema, büpai jatthü kü moihimanhen, hatü büpa kü jomi vih-eilühen, shei Shembüpai enyüke.

JEREMIAH 12:15

hatü ngei jom yah-ei daipheikü ngei jom kü phahjihen, hatü ngei shao jomei mükjüp kahdokei jom peü müei leihen,

JEREMIAH 12:16

hatü jomi ngelei nanglakthülei lemthü meishi nyingjema, hatü ngelei men kü lah-ei, “Shembüpayü vanyangyem Kahvang” shei shelei jomi Baal kahvang kü lahhen ngelei nanglakthü kü nyuhpükei dükjema, jomao ngelei nanglakthü mü chingchingei nyuhen.

JEREMIAH 16:19

Oh Shembüpa, ngelei wong, hatü ngelei penyüsha, shanghah hepak kü ngei loishing. Nüng kü kahdok dohpü junghijang peü kübü peiyei, “Hamei bühipathüi meheyao ne-ang, shahshem kahvangthü, yahlak neshiüpü, jom kü meheyao mei nedükpü lajeithü angpü khih” shei ehen.

JEREMIAH 33:9

Kahdoknyü jatthü peü touei hapa chingnyü homei ngei kü mongongpü men, vihpülüpü hatü müknyinshekhang koei peihen hatü ngei jom kü dükshuohpü doumei jomi danhen; hatü ngei hapa kü dapüshepü chingmeivangmei shuohpü nangkü jom nyemei kheühen.

EZEKIEL 48:35

Chingnyü shonpü kü meter haja shü nyuhen. Hapa chingnyü kü shaang mü leitü, “Shembüpa hatouei nyüke” shei nyükhen.

ZEKHARIAH 8:8

hatü Jerusalemei nyuhen shingvaishi ngei jom nyokei leihen. Shahhing hatü daülangshemshepü kü jom ngelei nanglak vaihen, hatü ngei jomei Kahvang vaihen.”

1 ONGPATHÜ 8:41

Hapa keiha mechem nüngei nanglak nevaipü kungpa shennyak hük nüngei men danei tailu kahmük leipü peihen;

MENVIH KESHO 102:23

Büpai tavanshem kü ngelei yangnyu bhagtük; büpai ngelei yangnyu nyih shotükhü.