JEREMIAH 3:14 - DAÜLANGPÜ LAIHING (BSI)

¹⁴ Ngei touei leikei, Oh hingnelempü hapeüthü; mehenangkü ngeiyü nüngei shembü; Ngei nüng yahhen, hük chingnyü leipü, hatü nyi shemong leipü, hatü ngei nüng Zionlei müei leihen, shei Shembüpai enyüke.

JEREMIAH 3:14 Referans Kwoze

JEREMIAH 2:19

Ammei mangi am kü hanghi shuohhen, hatü am ngaümpheilei shinei leidaipai am nyonghühen. Shembüpa, ammei Kahvang yakphongpeyü mang, hatü shahyaki nyukahen shei nyingtuh; Ngei kü nyempü ammei mongkü neshiü shei Jeiyong Shembüpa Kahvangi enyüke.

JEREMIAH 31:32

Ngei Ijip leipü jomei lak kü düktü müei leipü hepak kü chebü chepa mü lingpü vangpüshuwpü keiha hapayü nechongkahen. Ngei jomei baha kei nyujao jomi ngelei vangpüshuwpü mangtükpeih shei Shembüpai enyüke.

ISAIAH 54:5

Mehenangkü am Lingbüyü ammei baha, Jeiyong Shembüpayü büpalei men; Daülangpü Israel Kahvangü am Yemleibü; Büpa kü kahdoknyü peüi Kahvang shei nyüknyüpeih.

JEREMIAH 23:3

Ngei haitükpü ngelei mithü kahmük peü leipü ngei thaihen, hatü kahdok yemei müei leihen; halei jomi hapeüthü longi angei nanglak dahen.

JEREMIAH 3:8

Ngei hingnelempü Israel kü yanhen lai shuohpeih, hatü pinnyüi mükbungjuyung dükpü nangkü yanei leishihpeih. Shejao ha eetü hingnelempü chenaü Judah-i nyemei nedeih; pinnyüao daiyei mükbungjuyung dükteke.

JEREMIAH 2:2

Daituh, hatü Shembüpai hapakei enyüke shei Jerusalem am danshi etuh: Am thehila hepak kü meshük ngei kü bamshi nyupa! Doidaila keiha am meshük ngei kü kenpa, chemao kah nelingpü phaü kü mekei ngei müpa!

ISAIAH 10:22

Israel nanglakthü yungching bhihhiphang kei nyulangmao jom aopüthü mon nyokei leihen. Mahhenü hingmei mü khuodaipü; mehenangkü hayü shangpeih.

ISAIAH 6:13

Phaihan an kü hük hapa kahdokei nyujao, hapayü shao lavüngtoiyei leihen, shejao büpayü longkhampü agtükjao pütüng kahdokei aopükei nyuhen. Kahdokei pütüng aopeyü daülangpü li vaihen” shei eteke.

ROM SHAHSHA APPÜ 9:27

Israel am nangkü Isaiah-i hapakei lennyüke: “Israel nanglak yungching bhihhiphang kei nyujao aopüthü mon yanglanghen.

JEREMIAH 3:1

Baha hüki laophülei nyüha mü yanjü, pinnyüi büpa toueipü yanei daiyei lebü baha mü doi lüdaipheikü shao büpai pinnyü touei nyokei leihen je? Hapa keipü kahdok sheih-ei neshiüpü je? Ammi chühimai longi mü mükbungjuyungteke, hatü am ngei touei leiaokhen je? shei Shembüpai enyüke.

ISAIAH 17:6

Shejao olive betjük vaümshingkü, pümoungei betjük nyi jem tuhphongpükei, betjük pükaolei ali nga aophongpükei, hanei am payü aoei tuhhen” shei Shembüpa, Israel Kahvangi enyüke.

ISAIAH 1:9

Shembüpai jen hanei dangkao yangei netuhlangmeyü, jenü Sodom hatü Gomorrah am kei nyuhah shepeih.

ISAIAH 31:6

Oh Israel am, amphong longi nemei-i büpa khüei mang thahteke, shejao büpa touei mong lepei leituh.

ISAIAH 57:17

Jomei hahnempü mang kü ngei mongshihpeih, ngei jom hanghihü, hatü mongshih-ei ngelei dhe jodaipeih, shejao jomi jomei lemthü kü mon nyokei leidainyüke.

JEREMIAH 3:12

Daituh, hatü hapa shah apshaphi kahmük kü baongtuh hatü etuh: Mong leptuh, Oh hingnelempü Israel, shei Shembüpai enyüke. Ngei nüng kü mongshih-ei neveipih; mehenangkü ngeiyü phahjinyeih, shei Shembüpai enyüke; ngei den kü mongshih-ei nenyupih.

JEREMIAH 29:14

Ammi ngei danghen shei Shembüpai enyüke, hatü ngei mepa shing leipü am wüpküpei müei daipa, hapa shingei-üng müei leilanghen.

JEREMIAH 31:6

Ephraim phaüshang kahmük leipü veyompüthüi nyükhen nyih hük vamkahen.” “Kei, jeni Zionlei jenei Shembüpa Kahvang touei aongshah.”

JEREMIAH 31:12

Jom peiyei Zion Kahshang shaopülei mongongpai lenhen; Shembüpai hah, yiüja, mainga, mi hatü mohoh chehathü changshi shuohpü nangkü jom mongonghen. Jomphongü yung meishi üpü pemong kei nyuhen, hatü jom hajük kü mongnemanghen.

HOSEA 5:15

Jomei mang shangshi jom mangponghah thahshi, hatü jomi ngelei dhe mangyem thahshi, ngei ngelei nanglakthü yakphonghen. Jom shangpongpai jomi ngei yemhen.

2 SHÜPPÜKENGPÜ 30:6

Ongpai shah shuohpükei lai kopüthü Israel hatü Judah peü lemei ongpa hatü büpalei lakchongbüthülei lai hapakei nyangtü koei dai. “Israel nanglakthü, Shembüpa, Abraham, Isak hatü Jakob Kahvang touei mong leptuh, shejüang Assyria ongpalei lak kübü yangpü am touei büpa lepkahen.

ISAIAH 27:12

Hapa nyih kü Shembüpai Euphrates yungyen kübü Ijip viong thahshi am Israel am hük pheikü hük thailanghen,

ISAIAH 44:22

Ngei ammei mang phumnyak changtükpü keiha daütüktih; Ngei touei mong lepei leikei, mehenangkü ngei amphong angei leitepih.

ISAIAH 55:7

Nemeipüthüi laophülei lem, hatü mang shennyakthüi laophülei chudeih ten yakphongtuh. Jom peüi Shembüpa Kahvang touei mong lepeileituh, hatü büpai jom kü phahjihen hatü mang tükhen.

ZEKHARIAH 1:4

Amphongü ambü ampa am kei tenyu; shongpü thibüthüi jom kü, “Am nemeipü lemthü kübü, hatü douten dükpü kübü leptuh” shei eshuohhamteke shei Jeiyong Shembüpai enyüke. Shejao jomi ngei epü kü dhaong nenonyu, hatü venpü neyahnyu shei Jeiyong Shembüpai enyüke.