JEREMIAH 3:12 - DAÜLANGPÜ LAIHING (BSI)

¹² Daituh, hatü hapa shah apshaphi kahmük kü baongtuh hatü etuh: Mong leptuh, Oh hingnelempü Israel, shei Shembüpai enyüke. Ngei nüng kü mongshih-ei neveipih; mehenangkü ngeiyü phahjinyeih, shei Shembüpai enyüke; ngei den kü mongshih-ei nenyupih.

JEREMIAH 3:12 Referans Kwoze

EZEKIEL 33:11

Ngeiyü vanyangyem Kahvang shei Shembüpa Kahvangi enyüke, ngei mang shennyak hük dipü kü mongneongnyih, shejao mang shennyak hük laophülei lem kübü mong lepei leiyei yangnyu yem dangei nyupü eehünyeih. Oh Israel phang, ammei mang lemthü kübü mong leptuh, mehekei am dihenang?

MENVIH KESHO 86:15

Shejao nüngü phahji yahyangpü Kahvang, Oh Shembüpa, mongshihhen youngmü, bampü hatü shahhing epü kü bhashahshi nyüke.

JEREMIAH 33:26

ngei Jakob hatü ngelei chongphobü Davidei hühihathü yaktükhen, hatü ngei Abraham, Isak hatü Jakobei hühihathü shak kü vanglem lemhen büpalei hathü khong kübü hükao nejehen. Mehenangkü ngei jom dahüshehühen hatü jom kü phahjihen.

JEREMIAH 31:20

“Ephraimü ngei bampü ha, ngei monghahpü hapeü nevaipü je? Ngei büpa khüei ejao shaang thahshi ngei büpa deihnyeih. Hanangkü büpa kü ngei mong kü nemei-i deihnyeih. Ngei hingmei büpa küphahji huhen” shei Shembüpai enyüke.

JEREMIAH 3:22

Mong leptuh, Oh hingnelempü Israel, ngei am hingnelempü meitükphahen. “Ham nüng touei peikünyeih; mehenangkü nüngü Shembüpa, hamei Kahvang.

JEREMIAH 3:18

Hathü nyih kü Judah am phang Israel am phang mü dhaohen, hatü jom chemi ngei chebü chepa am kü mükjüp shuohpü kahdokei apshaphi kahdok leipü leikahen.

JEREMIAH 30:11

Ngei nüng mü nyüpeih, hatü nüng yanghen shei Shembüpai enyüke. Ngei am yanei deishihpü jatthü peü mahtükjao, Ngei am chemjalak kü nemahtükpih. Ngei am kü hanghi neshuoh-i netuhpih, shejao hayü shahhingi dükhen; Am kü hanghi neshuoh-i neleishihpih.”

JEREMIAH 23:8

shejao Israel hapeüthü apsha kahdok hatü büpai haitükpü kahdokthü leipü Israel am müei leipü vanyangyem Kahvang shei lahhen nyihthü ngoikünyüke shei Shembüpai enyüke. Hapheikü jomi jomei kahdokei nyuhen.

JEREMIAH 4:1

Am mong lepei leijema, Oh Israel, ngei touei am lepei leijema, Ammi ngei toueipü jiühitnalai dou yaktükjema, hatü neleplüki nyujema,

JEREMIAH 3:5

nüng düngei mongshihhen je? Nüngei mongshih den kü nyuhen je? shei nenyükangpü je? Ammi hapakei eteke, shejao ammi aokpü thahshi mang lemphü dükteke.”

MENVIH KESHO 145:8

Shembüpai phahjinyeih, hatü shinshangei deihnyeih; mongshihhen yung mü, hatü bampü kü changshishashi nyüke.

MENVIH KESHO 86:5

Mehenangkü nüngü meipü, hatü mang tükpü, Oh Shembüpa, nüng kü nyükpüthü peükü bampü bhashahshi shuohnyüke.

2 ONGPATHÜ 18:1

Israel kü Elahlei cheha Hoshea-i ong vaipü bong jempabü kü Hezekiahlei cheha Ahaz-i Judah kü ong vaiteke.

2 ONGPATHÜ 17:23

hatü Shembüpai büpa chongphopü thibüthü homei epükei Israel am büpa toueipü mangchangtük thahshi hapa mang kübü neyan. Hanangkü Israel amü laophülei kahdok kübü Assyria kahdokei shinnyih thahshi wüpküpei daiyei nyüpeih.

SHAHKÜP 30:2

Hatü ngei shinnyih am kü epükei mechem am hatü ammei hühihathüi Shembüpa, ammei Kahvang touei nyokei leihen hatü ammei mongdang kempai, laangha kempai büpalei shah banghenshang,

HOSEA 6:1

Nanglakthüi enyüke, “Huoi, jeni Shembüpa touei mong lepei leishah, Büpai jen khih mü shaaktükteke, shejao hingmei büpai ha meiphahen; Büpai jen ma yahhüteke, shejao büpai makaw thüngphahen.

EZEKIEL 39:25

Hanangkü Shembüpa Kahvangi hapakei enyüke: Ngei shaang wüpküp leipü Jakob müei leihen, hatü Israel nanglak peü kü ngei shinshanghen, hatü ngei ngelei daülangpü men kü nyakeikenhen.

JEREMIAH 31:8

Veituh, ngei apshaphi kahdok leipü jom müei leikahen, hatü kahdok dohpü leipü jom thailanghen. Jom khongkü mükphüngpa, hatü la khodaipü nyuhen, hapeü anghen nyüthü hatü anghen tüngpü nyühathü nyuhen; khongnyü longpü hük leikahen.

JEREMIAH 3:14

Ngei touei leikei, Oh hingnelempü hapeüthü; mehenangkü ngeiyü nüngei shembü; Ngei nüng yahhen, hük chingnyü leipü, hatü nyi shemong leipü, hatü ngei nüng Zionlei müei leihen, shei Shembüpai enyüke.

JEREMIAH 3:7

Pinnyüi hathü peü dükpheikü ngei touei leikahen je shei deihpeih, shejao pinnyü ngei touei mong lepei nelei, hatü shahshem epü chenaü Judah-i ha eeteke.

JEREMIAH 3:1

Baha hüki laophülei nyüha mü yanjü, pinnyüi büpa toueipü yanei daiyei lebü baha mü doi lüdaipheikü shao büpai pinnyü touei nyokei leihen je? Hapa keipü kahdok sheih-ei neshiüpü je? Ammi chühimai longi mü mükbungjuyungteke, hatü am ngei touei leiaokhen je? shei Shembüpai enyüke.

ISAIAH 44:22

Ngei ammei mang phumnyak changtükpü keiha daütüktih; Ngei touei mong lepei leikei, mehenangkü ngei amphong angei leitepih.

KANDOK 28:13

Mang jopü shennyak mechemao moihiman nedangpih, shejao üami mang lahnya, hatü ha nedüknya, jomi phahji dangnyeih.

MENVIH KESHO 103:17

Shejao Shembüpa bampeyü nedohnetenpü kübü nedohnetenpü ngoishi büpa nyempüthü shing nyüke, hatü büpa daülangshemshepü hüdenhalenshi;

MENVIH KESHO 103:8

Shembüpayü shinshangpü, hatü phahjipü, mongshihhen youngmü, hatü bampü kü bhashahshi nyüke.

MENVIH KESHO 79:5

Meshük lushi, Oh Shembüpa, nüngi den kü mongshihhen? Nüngei mongshih aw kei bahhen je?

2 SHÜPPÜKENGPÜ 30:9

Ammi Shembüpa touei mong lepjema ammei vepathüi yah-ei lüdaipü ammei jeihinaü hatü hapeüthü kü phahji huhen hatü hapa kahdokei müei leikahen; mehenangkü Shembüpa, ammei Kahvangü phahji yahyangpü Kahvang nyüke. Am-üng büpa touei mong lepjema büpalei dhe am toueipü nelepdaipih” shei e.

2 ONGPATHÜ 17:6

Hoshea ong vaipü bong shüpabü kü Assyria ongpai Samaria omei yah, hatü Israel am kemei Assyrialei wüpei deilang. Büpai hathü hanei Habor Yungnyü yopailei Gozan kahdok Halah chingnyülei tuh, hatü haneiyü Media chingnyülei tuhteke.

2 ONGPATHÜ 15:29

Israel kü Pekah ong vaipü hepak kü Assyria am Tiglath Pileser ongpa peiyei Ijon, Abel-Beth-Maakah, Janoah, Kedesh hatü Hazor yahlang. Büpai Naphtali amei kahdok Gilead hatü Galil nyi yahtü shennyakthü kemei Assyrialei shetei deilangkem.

KAHBHAO 4:7

Nüngi jiüshi düklangmeyü nüngei moila neyahhen je? Nüngi jiüshi nedükpü nangkü mangi nüng kü yepei nyeanhen shadenei danei nyüke; hapai nüng shak kü vanglem lemhünyüke, shejao nüngi ha aokhen vongbong” shei e.

LEVI 26:40

Shejao jomi jomei mang, chebü chepathülei mang; ngei khüei hatü ngei mü ve sheüsheü shei nyupü mang;

MENVIH KESHO 103:9

Büpai düngei nethaüvaühen, nevaijü büpalei mongshih düngei nenyuhen.

JEREMIAH 11:6

Shembüpai ngei kü, “Ha shahthü peü Judah jilathü hatü Jerusalem chingyangshong kü baongeishuoh. Vangpüshuwpü shahthü bangtuh hatü düktuh.

JEREMIAH 12:15

hatü ngei jom yah-ei daipheikü ngei jom kü phahjihen, hatü ngei shao jomei mükjüp kahdokei jom peü müei leihen,

YOUNG LAI 3:22

Shembüpa bampü longpü, mechemao dohpü neshiü, büpa phahji yahyang longpü mechemao nekemdainyih.

EZEKIEL 11:17

Hanangkü Shembüpai hapakei enyüke shei etuh: Ngei jatthü toueipü amphong thailanghen, hatü am haidaipü kahmükthü leipü ngei am müei leilanghen, hatü ngei Israel kahdok shao am kü shuohhen.

2 SHÜPPÜKENGPÜ 29:10

Shaang ngei Shembüpa, Israel Kahvang mü vangeishuwpü hük linghen deihshi nyüpeih; shejüang büpalei mongshih jen toueipü yahlangphahen.

ISAIAH 31:6

Oh Israel am, amphong longi nemei-i büpa khüei mang thahteke, shejao büpa touei mong lepei leituh.

JEREMIAH 31:21

Lemnyü kü maiyaong hatü phu haongtuh. Am mepa lem kü daipa, hapa lemnyü meishi deihtuh. Nyokei leikei, Oh Israel nanglak; ammei chingnyüthülei nyokei leikei.

ZEKHARIAH 1:4

Amphongü ambü ampa am kei tenyu; shongpü thibüthüi jom kü, “Am nemeipü lemthü kübü, hatü douten dükpü kübü leptuh” shei eshuohhamteke shei Jeiyong Shembüpai enyüke. Shejao jomi ngei epü kü dhaong nenonyu, hatü venpü neyahnyu shei Jeiyong Shembüpai enyüke.