JEREMIAH 3:1 - DAÜLANGPÜ LAIHING (BSI)

¹ Baha hüki laophülei nyüha mü yanjü, pinnyüi büpa toueipü yanei daiyei lebü baha mü doi lüdaipheikü shao büpai pinnyü touei nyokei leihen je? Hapa keipü kahdok sheih-ei neshiüpü je? Ammi chühimai longi mü mükbungjuyungteke, hatü am ngei touei leiaokhen je? shei Shembüpai enyüke.

JEREMIAH 3:1 Referans Kwoze

EZEKIEL 16:26

Ngei mongshihhühen mü ammi iyjeiphaileipü Ijip am mü büm yupü nyeinya vamhüteke.

JEREMIAH 4:1

Am mong lepei leijema, Oh Israel, ngei touei am lepei leijema, Ammi ngei toueipü jiühitnalai dou yaktükjema, hatü neleplüki nyujema,

JEREMIAH 2:20

Hepak luangi daiteke, ammi ammei pang mangtük, am kü shapü phentüktü, “Ngei nüng chongnephopih” shei eteke. Shangching peülei hatü püdhüm peülei am büm yuei nyuteke.

ZEKHARIAH 1:3

Jeiyong Shembüpai hapakei enyüke shei eyeishuoh: “Ngei touei mong lepei leikei, hatü ngei am touei lepkahen” shei Jeiyong Shembüpai enyüke.

HOSEA 1:2

Mechem Shembüpai shongei Hosea homei Israel am kü epa, büpai Hosea kü, “Daituh, nüngi laophü shing mükbongjuyungla hük yahtuh, hatü mükbongjuyung hapeüthü bühtuh; mehenangkü nanglakthüi ngei yakphongtü daiyei mükbongjuyung longi düknyüke” shei e.

EZEKIEL 33:11

Ngeiyü vanyangyem Kahvang shei Shembüpa Kahvangi enyüke, ngei mang shennyak hük dipü kü mongneongnyih, shejao mang shennyak hük laophülei lem kübü mong lepei leiyei yangnyu yem dangei nyupü eehünyeih. Oh Israel phang, ammei mang lemthü kübü mong leptuh, mehekei am dihenang?

JEREMIAH 4:14

Oh Jerusalem, am yanghen shingvaishi ammei mongdang leipü mang daütüktuh. Meshük lushi ammei mongei küpjan ten nyuiyei tuhhenang?

JEREMIAH 3:9

Pinnyüi mükbungjuyung dükpü longi maanteke shei kahdok kemei sheihtük, hatü pü hi yaong peü mü mükbungjuyung dükteke.

JEREMIAH 2:23

“Ngei nesheih-angpih hatü Baal kahvang kü nekhümangpih” shei eaokhen je? Kahjilei nüng mekei nyupa veihümao, nüngi mehe dükpa deihhümao. Nüngü shülangi mokpü ut chenyü khih,

SHAHPHENBÜTHÜ 19:2

Shejao büpalei yiükphüi büpa kü loh-ei Judah kahdok Bethlehemei chepa am shemei büpa mü yanei leiyei lenyang ali hükshing nyuteke.

MIKA 2:10

Paotuh hatü daituh; mehenangkü hapayü nüng nyiumeishing nevai; Mehenangkü meihen neaoki ammei mangi sheihtük, hatü tentükteke.

JEREMIAH 3:22

Mong leptuh, Oh hingnelempü Israel, ngei am hingnelempü meitükphahen. “Ham nüng touei peikünyeih; mehenangkü nüngü Shembüpa, hamei Kahvang.

JEREMIAH 2:7

Ngei am changeishaei nyupü kahdokei, haleipü betjük hatü meipü kemei hahhen shingvaishi müei leipeih. Shejao mechem am halei shüpa, ammi ngelei kahdok sheihtük, hatü ngelei mükjüp jiühitnalai leitükpeih.

ISAIAH 24:5

Nanglakthüi ha kahdok sheihtükteke; jomphongi shahkungthü nebang, vanglemthü pungei nedohnetenpü vangpüshuwpü mangtükteke.

SHAHKÜP 22:21

pinnyü chepalei shem shadenei müei deihen hatü jom ching ami pinnyü yaongi shükei jühen. Mehenangkü pinnyüi chepa amei shemei nyushi mih mü mükbongjuyungei Israel kü veüpong dou dükteke. Hapakei am toueipü mang daütükhen.

MATHI 5:31

“Üpa üpai laophülei nyüha mü yanhenshang, büpai pinnyü kü yanpü lai shuohtuh” shei ehamteke.

MENVIH KESHO 106:38

Jomi mang neshiüpü jomei yiükha yeshangthülei iy haiyei Kanan amei lajeithü kü moilateke, hatü kahdokü iy-i sheihtük.

JEREMIAH 22:20

Jerusalem nanglakthü, Lebanonlei aongei leneishuoh, hatü Abarimlei ngeüwong anpü Bashanei danhütuh; mehenangkü nüngei küphüthü mih-i neütükteke.

YOUNG LAI 1:2

Vangnyak kü pinnyüi shahyaki thepnyüke, pinnyülei omdhaong kü mükphi yennyüke. Pinnyülei nyanaü anüng üpaiyao pinnyü nyiushem meihühen neshiü. Pinnyülei mongkhen küphüthüi pinnyü yutük, peü pinnyülei ve leidaiteke.

HOSEA 2:2

Ngelei hapeüthü, anyü kü lohtuh; mehenangkü pinnyü ngelei nyüha nevai, hatü ngei pinnyülei baha nevai. Pinnyü kü mükbongjuyung dhe kohpü kübü, hatü büm yupü kübü dohhen loh-eishuoh.

JEREMIAH 31:22

Meshükpa nüng paüeiyonei longteihen, Oh hingnelempü yiükha? Shembüpai kahdoknyü kü dou ja hük dükkahen; Nyüha hüki-ang baha yanghen.

EZEKIEL 16:30

“Neveü sheshuw kohtü ammi büm yupü douthü dükteke. Am meshük mongnehingpüthüang?” shei Shembüpa Kahvangi enyüke.

EZEKIEL 16:35

Hanangkü, Oh büm yupüthü, Shembüpalei shah bangtuh: