JEREMIAH 29:7 - DAÜLANGPÜ LAIHING (BSI)

⁷ Ngei am wüpküpei deiyei tuhpü chingnyü chingmeivangmei hatü dapüshepü kü anghen kentuh, hatü hapa shing Shembüpa kü phoptuh; mehenangkü hapa daeisheyei nyujema amao daeishehen.

JEREMIAH 29:7 Referans Kwoze

EZRA 6:10

Shejüang jomi vangsho Kahvang kü yah-aokbenüng moilathü shuohhen hatü jomi ongpalei yangnyu hatü hapeüthü shing phophen.

DANIEL 4:27

Hanangkü, Oh Ongpa, nüngi ngei epü yahtuh. Mang dou dükpü dohtuh, jiüpü düktuh, hatü nehahneyingpü taopathü kü yahyang shinshang hutuh. Shejüang nüng nedoh-i angeideiyei nyuhen.”

EZRA 7:23

Mepa vangsho Kahvangi dükhen etepa, vangsho Kahvangei phopshem shingvaishi kenhingei ha düktuh. Hei nevaijema ongpa hatü hapeüthü kü mongshih peikahen khih.

ROM SHAHSHA APPÜ 13:1

Peüi vanglem lembüthü phangkü shütuh; mehenangkü Kahvang leipü nevaipheikü vanglem lembü neshiü, hatü shaang nyupü vanglem lembüthüyü Kahvangi lingpeih.

DANIEL 4:19

Hahepak kü Daniel (üpa kü Belteshazzar sheiyao nyüknya) kansho hük longi üaei shah ne-e-i nyu. Hahepak kü ongpai, “Belteshazzar, hapa mangh hatü hapa lappai nüng tejü-ü” shei e. Belteshazzari jangei, “Ngelei shembü, hapa mangh hatü lappü kemei nüng kü nevai; nüngei vepathü kü nyemjiüdai shei deihnyüke!

ROM SHAHSHA APPÜ 13:5

Hanangkü hanghi danghen vaipü nangkü phangkü shühen nevai, shejao jiüpü nejiüpü nyingpü kon homeiyao düktuh.

MENVIH KESHO 122:6

Jerusalem kü chingmeivangmei shingvaishi phoptuh. Nüng kü bampüthü daeishehen.

JEREMIAH 38:4

Hahepak kü lakchongbüthüi ongpa kü, “Hapa shennyakü jütükhen vaipü khih. Mehenangkü büpai epü shah homei hapa chingnyülei nyupü veshanthü hatü nanglakthü mong maanhütüknyüke. Hapa shennyakiyü nanglak meihen nevai, jom lomohhühen mon yemnyüke” shei e.

EZEKIEL 11:16

Hanangkü chemi wüpküpei nyupü Israel am kü Shembüpai hapakei enyüke shei etuh: Ngei jomphong jatthü touei shomtüklangmao hatü kung kahmükei haitüklangmao, shohük shingvaishi jom nyushingei ngeiyü jom nyuishing vaihampeih.